ప్రియురాలితో కమెడియన్ పెళ్లి... అప్పట్లో ఆ పని చేసి దొరికిపోయారట!

ఓసారి దొరికిపోయాం

పెళ్లి వేడుకల్లో వడ్డించే వంటకాలు చాలా పసందుగా ఉండేవి. అందుకే తమకు ఆహ్వానం లేకున్నా వెళ్లి ఎలాంటి మొహమాటం లేకుండా వెళ్లేవారం. అయితే ఓ సారి తమను ఓ అంకుల్ రెడ్ హ్యాండెడ్‌గా పట్టుకున్నారు. అ వెంటనే మా ఫ్రెండ్ ఒకరు... మా కాలేజీ హాస్టల్‌లో ఫుడ్ అయిపోయిందని, అక్కడ తినడానికి ఏమీ లేక ఇక్కడికి వచ్చామని కథ చెప్పడంతో ఆయన నమ్మేశాడని గుర్తు చేసుకున్నారు.

నా జీవితంలో మరిచిపోలేని సంఘటన

అలా పిలవని పెళ్లికి వెళ్లి దొరికిపోవడం నా జీవితంలో మరిచిపోలేని సంఘటన. ఆ సమయంలో అంకుల్ మమ్మల్ని డాన్స్ కూడా చేయమని పట్టుబట్టారు. దీంతో మేము మరింత ఎక్కువ తినేసి హ్యాపీగా ఎంజాయ్ చేశాం అంటూ కపిల్ గుర్తు చేసుకున్నారు.

పెళ్లి ఎప్పుడంటే...

కపిల్ శర్మ డిసెంబర్ 12న తన ప్రియురాలు గిన్ని ఛత్రత్‌ను పెళ్లాడబోతున్నారు. కొంతకాలంగా ఇద్దరూ ప్రేమించుకుంటున్నారు. మా పెళ్లికి మీ అందరి ఆహ్వానం కావాలంటూ తన అభిమానులను ఉద్దేశించి కపిల్ శర్మ ట్వీట్ చేశారు.

త్వరలో రీ ఎంట్రీ

ఒకప్పుడు హిందీ టెలివిజన్ రంగంలో కామెడీ రారాజుగా వెలుగొందిన కపిల్ శర్మ... ఆ మధ్య కొన్ని వివాదాల కారణంగా డిప్రెషన్లోకి వెళ్లిపోయి బుల్లితెరకు దూరం అయ్యాడు. అయితే ఇపుడు అంతా సెట్టడంతో త్వరలో రీ ఎంట్రీ ఇవ్వబోతున్నాడు.