నేను కూడా నీతో వచ్చేయనా: అభిజీత్‌పై ప్రేమను అలా బయటపెట్టిన దేత్తడి హారిక

సరైన సమయంలో అతడికి దగ్గరైంది

నాలుగో సీజన్ ఆరంభంలో మోనాల్ గజ్జర్‌తో లవ్ ట్రాక్ నడిపాడు అభిజీత్. వీళ్లిద్దరూ బాగా క్లోజ్ అవుతారనుకున్న సమయంలో అనూహ్యంగా దూరమయ్యారు. అప్పుడు అతడు ఒంటరిగా ఫీల్ అయ్యాడు. సరిగ్గా ఆ సమయంలోనే దేత్తడి హారిక.. అభిజీత్‌కు దగ్గరైంది. అప్పటి నుంచి ఇద్దరూ ఎంతో సన్నిహితంగా ఉంటున్నారు. దీంతో వీళ్ల మధ్య లవ్ ఉందని ప్రచారం జరుగుతోంది.

దూరం పెడుతున్నాడని బిగ్ బాస్‌తో

బిగ్ బాస్ అనేది ఎవరికి వారే ఆడాల్సిన ఆట అని అందరికీ తెలిసిందే. అందుకు అనుగుణంగానే క్లోజ్ ఫ్రెండ్ కూడా ఒక్కోసారి కొట్టుకోవాల్సిన సమయం వస్తుంది. ఇలా ఓ టాస్కులో అభిజీత్‌ను ఒక టీమ్‌లో హారికను ఒక టీమ్‌లో ఉంచారు. అప్పుడు ఆమె ‘మమ్మల్ని ఎందుకు దూరం చేశావ్ బిగ్ బాస్. ఇద్దరినీ ఒకే టీమ్‌లో ఉంచొచ్చు కదా' అంటూ కామెంట్ చేయడం హాట్ టాపిక్ అయింది.

పక్కనే ఉంటూ అతడికి ధైర్యం చెప్పి

ఇక, ఈ సీజన్‌లో అభిజీత్‌ను కంటెస్టెంట్లు అందరూ టార్గెట్ చేసిన విషయం ప్రత్యేకంగా చెప్పనక్కర్లేదు. మరీ ముఖ్యంగా అఖిల్, మోనాల్ వ్యవహారంలో అతడు బాగా ఫీలయ్యాడు. ఆ సమయంలో హారిక అతడికి అండగా నిలిచింది. ఎవరు ఏమనుకున్నా లైట్ తీసుకో అంటూ ధైర్యం చెప్పింది. అంతేకాదు, ప్రతి టాస్క్ సరిగా ఆడాలంటూ జాగ్రత్తలు చెబుతూ బెస్ట్ ఫ్రెండ్ అనిపించుకుంది.

హారికను టూర్ తీసుకెళ్తానన్న అభి

బిగ్ బాస్ హౌస్‌లోకి కంటెస్టెంట్ల కుటుంబ సభ్యులు ఎంట్రీ ఇచ్చిన సమయంలో.. హారిక తరపున వాళ్ల మదర్ వచ్చారు. ఆ సమయంలో ‘ఆంటీ.. మీరు నాకో పర్మీషన్ ఇవ్వాలి. అదేమిటంటే.. బిగ్ బాస్ షో పూర్తయిన తర్వాత హారికను నేను ఒక దగ్గరకు తీసుకెళ్తా' అని కోరాడు. దీనికి ఆమె వెంటనే ఓకే చెప్పేశారు. అలాగే, తన కూతురిని చక్కగా చూసుకుంటున్నావని కితాబిచ్చారు.

అభి సీరియస్.. సారీ చెప్పి కలిసింది

షో ఆరంభం నుంచే హారిక - అభిజీత్ మధ్యలో మంచి బాండింగ్ ఏర్పడింది. వీళ్ల ఫ్రెండ్‌షిప్‌లో అతడే తరచూ ఏదో ఒక విషయంలో సీరియస్ అవుతూ ఉంటాడు. అప్పుడు ఆమెనే ముందుగా స్పందించి సారీ చెబుతుంది. రెండు రోజుల క్రితం కూడా వీళ్ల మధ్య ఇదే తరహా పరిస్థితి తలెత్తింది. ఇప్పుడు కూడా అభీ మాట్లాడే వరకు అతడిని వదిలి పెట్టలేదామె. దీంతో వీళ్లు మళ్లీ కలిశారు.

Recommended Video

Bigg Boss Telugu 4 : Rahul Sipligunj Controversial Post On Bigg Boss Contestants

ప్రేమను అలా బయటపెట్టిన హారిక

తాజాగా జరిగిన నెంబర్ గేమ్ టాస్కులో అభిజీత్ వరస్ట్ పెర్ఫార్మర్‌ అయ్యాడు. దీంతో అతడిని జైల్లో పెడుతున్నట్లు ప్రకటించాడు బిగ్ బాస్. ఆ సమయంలో హారిక అస్సలు తట్టుకోలేకపోయింది. విలవిలా ఏడుస్తూ అలా కూర్చుండిపోయింది. ఆ తర్వాత జైల్లో ఉన్న అభితో ‘నేను కూడా ఇందులో నుంచి దూరి లోపలికి వచ్చేయనా' అని అడిగి అతడిపై తన ప్రేమను బయట పెట్టుకుంది.