అభిజీత్ - హారిక పెళ్లికి గ్రీన్ సిగ్నల్: వాళ్ల గురించి నోయల్ చెప్పిన సీక్రెట్ వల్లే ఈ నిర్ణయం!

బిగ్ బాస్ విజయంలో ట్రాకుల పాత్ర

బిగ్ బాస్ షో అన్ని భాషల్లోనూ లవ్ ట్రాకుల కారణంగానే హైలైట్ అవుతోంది. మన తెలుగులో కూడా ఇదే తరహా వ్యవహారాలు హాట్ టాపిక్ అయ్యాయి.. అవుతున్నాయి కూడా. మొదటి సీజన్‌లో దీక్షా పంత్ - ప్రిన్స్, రెండో సీజన్‌లో తేజస్వీ - సామ్రాట్, తనీష్ - దీప్తీ సునయన, మూడో సీజన్‌లో రాహుల్ సిప్లీగంజ్ - పునర్నవి భూపాలం ట్రాకులు నడపడం వల్ల షోకు చాలా ప్లస్ అయింది.

నాలుగో సీజన్‌లో మూడు జంటలు

ప్రస్తుతం ప్రసారం అవుతోన్న నాలుగో సీజన్ మొదటి రోజు నుంచే లవ్ ట్రాకుల కారణంగా ఫేమస్ అయింది. ప్రారంభంలో అభిజీత్ - మోనాల్ గజ్జర్ ఎంతో క్లోజ్‌గా ఉన్నారు. ఆ సమయంలో వీళ్లిద్దరి ట్రాక్ కంటిన్యూ అవుతుందనుకున్నారు. కానీ, ఊహించని విధంగా మోనాల్ - అఖిల్ సార్థక్‌తో, అభి - హారికతో ఫిక్స్ అయ్యారు. అలాగే, అవినాష్ - ఆరియానా జంట కూడా పాపులర్‌గా మారింది.

బిగ్ బాస్ వేరు చేశాడని ఏడవడంతో

గతంలో జరిగిన ఓ టాస్కులో తనను అభిజీత్‌ను వేరు వేరు టీమ్‌లలో పెట్టడంపై హారిక నిరాశకు లోనైంది. ఆ సమయంలోనే ఇలా ఎందుకు చేశావ్ బిగ్ బాస్ అంటూ కెమెరాల ముందు ప్రశ్నించింది. ఈ సన్నివేశం తర్వాత వీళ్లిద్దరి మధ్య నిజమైన ట్రాక్ నడుస్తుందని ప్రతి ఒక్కరికీ అనిపించింది. ఆ తర్వాత కూడా ఒకరికొకరు సహాయం చేసుకుంటూ ముందుకెళ్తున్నారు.

ముద్దులు.. హగ్గులతో మరింత ఫేమ్

బిగ్ బాస్ హౌస్‌లో ఏది జరిగినా సంచలనం అవుతుందన్న విషయం తెలిసిందే. అది తెలిసి కూడా అభిజీత్ - హారిక తరచూ హగ్గులు చేసుకోవడం, ముద్దులు పెట్టుకోవడం వంటివి చేస్తున్నారు. అదే సమయంలో తరచూ ఒకే దగ్గర కూర్చుని మాట్లాడుతున్నారు. ఒకరిని ఒకరు సేవ్ చేసుకుంటూ వస్తున్నారు. దీంతో ప్రేక్షకుల్లో వీళ్ల ట్రాకుపై ఓ బలమైన అభిప్రాయం ఏర్పడిపోయింది.

అభిజీత్ - హారిక పెళ్లికి గ్రీన్ సిగ్నల్

బిగ్ బాస్ నాలుగో సీజన్‌లో టైటిల్ ఫేవరేట్లలో ఒకడిగా ఉన్న అభిజీత్.. టాప్ -5లో ఉంటుందనుకుంటున్న హారిక గేమ్ మీద కూడా బాగానే ఫోకస్ పెడుతున్నారు. ఒక్కోసారి కలిసి ఆడినట్లుగా అనిపిస్తుండడంతో వీళ్లను ‘అభిక'గా సంబోధిస్తున్నారు నెటిజన్లు. ఈ నేపథ్యంలో వీళ్లిద్దరూ పెళ్లి చేసుకుంటారన్న టాక్ కూడా వినిపిస్తోంది. తాజాగా దీనికి పేరెంట్స్‌ నుంచి గ్రీన్ సిగ్నల్ వచ్చేసింది.

ఆ కంటెస్టెంట్ చెప్పడం వల్లే ఈ నిర్ణయం!

తాజాగా హారిక తల్లి, ఆమె సోదరుడు ఓ యూట్యూబ్ ఛానెల్‌కు ఇంటర్వ్యూ ఇచ్చారు. ఈ సందర్భంగా వాళ్లు మాట్లాడుతూ.. ‘అభిజీత్ - హారిక మధ్య క్యూట్ ఫ్రెండ్‌షిప్ ఉంది. ఈ విషయం నోయల్ కూడా మాకు చెప్పాడు. ఒకవేళ అది లవ్ అయినా మాకు ప్రాబ్లమ్ లేదు. అభీ వాళ్ల ఫ్యామిలీకి కూడా నచ్చితే పెళ్లికి మేము సిద్ధమే' అంటూ చెప్పడంతో అభిక ఫ్యాన్స్ ఖుష్ అవుతున్నారు.