Karthika Deepam2: కార్తీకదీపం 2 ఆ సీరియల్‌కు రీమేక్.. ముందే ట్విస్ట్‌లు తెలుసుకోవచ్చా?

కార్తీక దీపం సీరియల్ గురించి అందులో వచ్చే డాక్టర్ బాబు, వంటలక్క, మోనితల గురించి తెలుగు బుల్లితెర ప్రేక్షకులకు ప్రత్యేకంగా చెప్పాల్సిన అవసరం లేదు. అద్భుతమైన కథతో తెరకెక్కిన ఈ సీరియల్ టీఆర్పీలో నెంబర్ వన్ స్థానంలో ఉండేది. ఆడ, మగా అనే తేడా లేకుండా అనేక మంది ఈ సీరియల్ ను చూసేవాళ్లు. సీరియల్ వచ్చే సమయానికి టీవీల ముందు వాలిపోయేవారంటే అతిశయోక్తి కాదు. కానీ ఈ సీరియల్ అయిపోయినప్పటి నుంచి సీరియల్స్ చూసే వారి సంఖ్య తగ్గిపోయింది.

ముఖ్యంగా కార్తీకదీపం మళ్లీ వస్తే బాగుండని కోరుకున్న వాళ్ల సంఖ్య కూడా చాలా ఎక్కువే. బుల్లితెర ప్రేక్షకుల మనుసును అర్థం చేసుకున్న దర్శక, నిర్మాతలు కార్తీక దీపం 2 సీరియల్ తో ప్రేక్షకుల ముందుకు రాబోతున్నారు. అయితే తాజాగా ఈ సీరియల్ కు సంబంధించిన ప్రీ రిలీజ్ ఈవెంట్ జరిగింది. ఈక్రమంలోనే డైరెక్టర్ మాట్లాడుతూ.. కార్తీకదీపం 2 ఒరిజినల్ కాదని.. ఓ సీరియల్ కు రీమేక్ అని చెప్పుకొచ్చారు. ఆ విశేషాలు ఏంటో మనం ఇప్పుడు తెలుసుకుందాం.

ముఖ్యంగా డాక్టర్ బాబు, వంటలక్కల కాంబో మళ్లీ వస్తుందనడంతో అంతా తెగ ఎగ్జైట్ అవుతున్నారు. ప్రోమో విడుదల అయినప్పటి నుంచి ఎప్పుడెప్పుడు ఈ సీరియల్ వస్తుందా అని కళ్లల్లో వత్తులు వేసుకుని మరీ చూస్తున్నారు. ముఖ్యంగా సాయంత్ర 8 గంటల కల్లా అన్ని పనులు పూర్తి చేసేసుకుని తీరిగ్గా వంటలక్క - డాక్టర్ బాబు బంధాన్ని చూసేందుకు సన్నాహాలు చేసుకుంటున్నారు. అందుకు తగ్గట్టే మేకర్స్ కూడా జనాలకు తెలిసేలా మరిన్ని ప్రమోషన్లు చేస్తున్నారు.

అలాగే ఈ సీరియల్ కు సంబంధించిన ప్రోమోలు ఇప్పటికే వస్తుండగా ఈరోజు ఓ ఈవెంట్ ను కూడా నిర్వహించారు. ముఖ్యంగా ఈ సీరియల్ నటీనటులతో పాటు దర్శక, నిర్మాతలు, స్క్రిప్టు రైటర్ ను కూడా తీసుకు వచ్చారు. ఈ క్రమంలోనే మీడియా మిత్రులు అడిగిన ప్రశ్నలకు సమాధానాలు చెబుతూ.. సీరియల్ గురించి చాలానే విషయాలు వెల్లడించారు. ముఖ్యంగా కార్తీకదీపం సీరియల్ రీమేక్ అని చెప్పి షాక్ ఇచ్చారు.

కార్తీకదీపం 2 సీరియల్ తమిళ సీరియల్ చెల్లమ్మకు రీమేక్ అని టాక్ నడుస్తోంది.. నిజమేనా అని మీడియా ప్రతినిధి అడగ్గా.. ఆయన అవునని చెప్పారు. కార్తీకదీపం 1 కూడా మలయాళ సీరియల్ కు రీమేక్ అని.. అయితే దాంట్లో చాలానే మార్పులు చేపట్టినట్లు వివరించారు. అలాగే పార్ట్ 2 కూడా అంతేనని తమిళ సీరియల్ చెల్లమ్మకు రీమేక్ అని.. కానీ ఇందులో కూడా చాలానే మార్పులు చేసినట్లు వివరించారు. అయితే మేజర్ ట్విస్ట్ లు తెలిసే అవకాశం ఉన్న.. చిన్న చిన్న మార్పులు ఉండబోతున్నట్లు అర్థం అవుతోంది.