సుడిగాలి సుధీర్, రష్మీ కలసి తిరుపతిలో.. వైరల్ అవుతున్న ఫ్లెక్సీ!

అవాస్తవం అంటూ ఎన్నోసార్లు

సుధీర్, రష్మీ ప్రేమలో ఉన్నారు. వివాహానికి సిద్ధం అవుతున్నారు అంటూ చాలా రోజులుగా ఊహాగానాలు వినిపిస్తున్నాయి. పలు సందర్భాల్లో రష్మీ ఈ వార్తలని ఖండించింది. తనకు, సుధీర్ కి మధ్య ఉన్నది ప్రొఫెషనల్ రిలేషన్ షిప్ మాత్రమే అని తేల్చేసింది. తమ వృత్తిలో భాగంగా కొన్ని సార్లు అలా కనిపించాల్సి రావచ్చు. అది కేవలం అక్కడి వరకు మాత్రమే పరిమితం అని రష్మీ గతంలో తెలిపింది.

వైరల్ అవుతున్న ఫ్లెక్సీ

ఇదిలా ఉండగా సోషల్ మీడియాలో సుధీర్, రష్మీ ఫోటోలు ఉన్న ఫ్లెక్సీ ఒకటి వైరల్ అవుతోంది. తిరుపతిలో ఈ ప్లెక్సీని ఏర్పాటు చేశారు. క్యాన్సర్ పై అవకాగాహన కల్పిస్తూ, ప్రజల్ని చైతన్య పరచడానికి కొందరు తిరుపతిలో 10కె రన్ నిర్వహించబోతున్నారు. డిసెంబర్ 9 న జరిగే ఈ 10 కె రన్ కు రష్మీ, సుధీర్ బాబు హాజరు కాబోతున్నట్లు ఓ ప్లెక్సీని ఏర్పాటు చేశారు. ఈ ఫ్లెక్సీపై రష్మీ స్పందించింది.

ఫేక్ న్యూస్

రష్మీ సోషల్ మీడియాలో ట్వీట్ చేస్తూ.. ఈ ఈవెంట్ నిర్వాహకులు ఎవరూ నన్ను ఇంత వరకు సంప్రదించలేదు. ఈ ఈవెంట్ కు నేను హాజరు కాబోతున్నట్లు వస్తున్న వార్తలు ఫేక్ అని రష్మీ తెలిపింది. నా అనుమతి లేకుండా ఫోటోని ఉపయోగించుకున్నారు అంటూ మండిపడింది. ఈవెంట్ నిర్వాహకులు తన ప్లెక్సీని తొలగించాలని కోరింది.

నటిగా రాణిస్తూ

రష్మీ నటిగా రాణిస్తున్న గుంటూరు టాకీస్ తర్వాత అలాంటి విజయం దక్కడం లేదు. రష్మీ నటిస్తున్న చిత్రాలన్నీ నిరాశపరుస్తున్నాయి. జబర్దస్త్, ఢీ లాంటి షోలకు రష్మీ యాంకర్ గా వ్యవహరిస్తోంది. ఎలాంటి విషయం గురించి అయినా బోల్డ్ గా మాట్లాడేసే రష్మీ సినిమాల్లో కూడా బోల్డ్ పాత్రలకే ప్రాధాన్యత ఇస్తోంది.