అనసూయ హాట్ షోపై డైరెక్టర్ షాకింగ్ రియాక్షన్.. అమెనలా చూడడం ఇష్టం అంటూ!

అనసూయ కెరీర్‌ సక్సెస్‌ఫుల్‌గా

అనసూయ సినిమా నటిగా కెరీర్‌ను ఆరంభించి.. ఆ తర్వాత న్యూస్ యాంకర్‌గా మారి.. అనంతరం బుల్లితెరపైకి హోస్టుగా ఎంట్రీ ఇచ్చింది. జబర్ధస్త్ షో ద్వారా తన ప్రయాణాన్ని మొదలు పెట్టిన ఈ బ్యూటీ.. చాలా తక్కువ సమయంలోనే ఊహించని రీతిలో ఫేమస్ అయింది. అదే సమయంలో వరుసగా ఆఫర్లను అందుకుంటూ కెరీర్ పరంగా సూపర్ సక్సెస్ అయిపోయింది.

వరుస సినిమాలు.. హిట్లే హిట్లు

సుదీర్ఘ కాలంగా బుల్లితెరపై సత్తా చాటుతోన్న అనసూయ భరద్వాజ్.. సినిమాల్లోనూ తనదైన శైలి నటనతో మాయ చేస్తోంది. 'సోగ్గాడే చిన్ని నాయన'తో ఎంట్రీ ఇచ్చిన ఈ బ్యూటీ.. ఆ తర్వాత 'క్షణం', 'రంగస్థలం', 'యాత్ర', 'కథనం', 'థ్యాంక్యూ బ్రదర్', 'ఖిలాడీ', 'పుష్ప' సహా ఎన్నో చిత్రాల్లో మంచి పాత్రలు చేసింది. అలాగే, స్పెషల్ సాంగ్స్‌లో మెరుస్తోంది.

భారీ ప్రాజెక్టుల్లోనూ అనసూయ

గతంతో పోల్చుకుంటే ఈ మధ్య కాలంలో అనసూయ భరద్వాజ్ పెద్దగా షోలు చేయడం లేదు. దీనికి కారణం ఆమె సినిమాలనే ఎక్కువగా ఒప్పుకోవడమే. ఇప్పటికే ఆమె 'రంగమార్తాండ', 'వేదాంతం రాఘవయ్య', 'గాడ్ ఫాదర్', 'హరిహర వీరమల్లు', 'పుష్ప 2', 'భోళా శంకర్' వంటి భారీ చిత్రాల్లో భాగమైంది. తద్వారా తన హవాను చూపిస్తూనే ఉంటోంది.

అందులో అందాలను ఆరబోసి

వరుస పెట్టి షోలు, సినిమాలు చేస్తూ కెరీర్ పరంగా ఫుల్ బిజీగా ఉన్న అనసూయ భరద్వాజ్.. సోషల్ మీడియాలోనూ యమ యాక్టివ్‌గా ఉంటోంది. ఇందులో తన అప్‌డేట్లను ఇవ్వడంతో పాటు హాట్ ఫొటోలు, వీడియోలను కూడా వదులుతోంది. ఫలితంగా తరచూ హైలైట్ అవుతోంది. అదే సమయంలో ఆమె డ్రెస్సింగ్‌పై చాలా మంది విమర్శలు కూడా చేస్తున్న విషయం తెలిసిందే

అనసూయ డ్రెస్సింగ్‌పై డైరెక్టర్

తెలుగులో ప్యూర్ లవ్ స్టోరీలతో సినిమాలు చేసి ఫేమస్ అయిన దర్శకులలో గీతాకృష్ణ ఒకరు. అయితే, ఆయన తెరకెక్కించిన సినిమాలు కమర్షియల్‌గా సక్సెస్ అవ్వకపోవడంతో చాలా కాలంగా సినీ పరిశ్రమకు దూరంగా ఉంటున్నారు. ఇక, కొంత కాలంగా సంచలన ఇంటర్వ్యూలతో గీతాకృష్ణ కలకలం రేపుతున్నారు. ఈ నేపథ్యంలో తాజాగా ఆయన అనసూయ గురించి మాట్లాడారు.

ఆమె అద్భుతంగా నటించింది

అనసూయ యాక్టింగ్ గురించి గీతాకృష్ణ మాట్లాడుతూ.. 'రంగస్థలం సినిమాలో రంగమ్మత్త పాత్రలో అనసూయ చాలా అద్భుతంగా నటించింది. పుష్ప సినిమాలో అయితే అనసూయను గుర్తుపట్టలేకపోయాను. అనసూయ ఎంతో అద్భుతంగా నటిస్తుంది. ఆమె నటనను చూసి కొందరు అసూయ పడుతూ ఆమెను ట్రోల్స్, నెగిటివ్ కామెంట్స్ చేస్తుంటారు' అని చెప్పుకొచ్చారు.

ఆమె డ్రెస్సింగ్ నాకు ఇష్టమని

అనసూయ డ్రెస్సింగ్ గురించి గీతాకృష్ణ స్పందిస్తూ 'అనసూయ భరద్వాజ్ డ్రెసింగ్ సెన్స్ అంటే నాకు చాలా ఇష్టం. ఆమె ఫ్యాషన్ సెన్స్ కొత్తగా ఉంటుంది. ట్రెండీగా ఉండే అనసూయ డ్రెస్సింగ్ నాకు చాలా ఇష్టం. అయితే, దీన్నే చాలా మంది ఇష్టం లేక ట్రోల్స్ చేస్తుంటారు. కానీ, అనసూయను అలా చూడడమే చాలా మందికి నచ్చుతుంది' అంటూ షాకింగ్‌గా మాట్లాడారు.