Bigg Boss Telugu 6: నాగార్జున మామ.. అఖిల్ బావ అంటే ఇష్టం.. గీతు రాయల్ టాలెంట్ మామూలుగా లేదుగా

అదే పెద్ద బ్రేక్​..

తన పర్సనల్​ లైఫ్​లో జరిగిన విషయాలు చెబుతూ ప్రారంభించిన గీతూ రాయల్​ ఆకట్టుకుంది. అయితే ఆమెకు 2014లో ఒక యాక్సిడెంట్​ జరిగిందని, తన లైఫ్​లో అదే పెద్ద బ్రేక్ అని చెప్పింది. అలా బస్​లో నుంచి కిందపడ్డ తర్వాత అప్పుడప్పుడు గజినీలా చేస్తానని వీడియోలో చెప్పుకొచ్చింది. ఆ తర్వాత తన జీవితంలో మరో మర్చిపోలేని విషయం తన భర్త అని తెలిపింది.

పూర్తి పేరు ఇదన్నమాట..

ఇక స్టేజ్​పైకి చిత్తూరు చిరుత అంటూ గీతూ రాయల్​ను ఆహ్వానించాడు నాగార్జున. స్టేజ్​పైన తన పూర్తి పేరు కొవూరి గ్రీష్మ గీతిక లేఖ రాయలు అని చెప్పింది గీతూ రాయల్​. అయితే గ్రీష్మ అని ఉంటే లక్​ కలిసిరాలేదని, అది తీసేసి గీతూ రాయల్ అని పెట్టగానే బీభత్సమైన లక్ కలిసి వచ్చిందని చెప్పుకొచ్చింది గీతూ.

మర్చిపోతుంటాను..

ఇక వీడియోలో చెప్పినట్లుగానే తనకు యాక్సిడెంట్​ గురించి వివరించింది. అప్పుడప్పుడు కొన్ని విషయాలు మరచిపోతుంటానని తెలిపింది. దీంతో బిగ్​బాస్​ను కూడా మరిచిపోతావా? అని నాగార్జున అడిగిన ప్రశ్నకు.. లేదు అని ఆన్సర్ ఇచ్చింది. అయితే అవసరమైనవి మర్చిపోవన్నమాటా అని నాగార్జున అంటాడు.

బాడీ షేమింగ్​ చేసేవారు..

తర్వాత ఈ షోకి రావడానికి మూడు కారణాలు ఉన్నాయని గీతూ రాయల్ చెబుతుంది. మొదటిది తనకున్న ఇన్​సెక్యూరిటీస్​ను పోగెట్టుకునేందుకని, తనను చిన్నప్పటి నుంచి బాడీ షేమింగ్​ చేసేవారని తెలిపింది. ఎన్నిసార్లు బిగ్​బాస్​ ఆఫర్ వచ్చే కొంచెం సన్నం అయి వెళ్దామ్​లే అని అనుకున్నా. కానీ ఎన్నిసార్లు ఆపరేషన్​ చేయించుకున్న సన్నం కావట్లేదు. అని చెప్పింది. ఇక రెండో రీజన్ వచ్చేసి బిగ్​బాస్ రివ్యూలు ఇచ్చేదానివి కదా ఓసారి వెళ్లి పార్టిస్​పేట్ చేస్తే తెలుస్తుంది అని చాలా మంది అన్నారు.. నాకు కూడా ఓసారి దగ్గరి నుంచి చూడాలనిపించి వచ్చాను.

బేబీ వాయిస్​లో..

మూడో రీజన్​ను టాప్​ 5 ప్లేస్​కు వెళ్లాక చెబుతానని గీతూ రాయల్ తెలిపింది. తర్వాత బేబీ వాయిస్​లో బాగా మాట్లాడతవటా కదా అని నాగార్జున అడగ్గా.. అవును మామయ్య.. నాకు అఖిల్ బావ అంటే చాలా ఇష్టం. అమల అత్తయ్య అంటే చాలా ఇష్టం. నాకు అమల అత్తయ్యలాగే కుక్కపిల్లలు, పిల్లి పిల్లలు అంటే చాలా ఇష్టం అని చిన్న పిల్లల వాయిస్​లో అదరగొట్టింది గీతూ రాయల్​.