Gundeninda Gudigantalu July 13th Episode: మనోజ్‌కు ప్రభావతి షాక్.. బ్లాంక్ చెక్‌తో శోభ రచ్చ.. మీనాకు అవమానం..

Gunde Ninda Gudi Gantalu: 'గుండె నిండా గుడిగంటలు' శుక్రవారం ఎపిసోడ్‌ ఆసక్తికరంగా సాగాయి. హాస్పిటల్‌లో తనను అందరి ముందు దొంగలా అవమానించిన మనోజ్‌పై బాలు తీవ్ర ఆగ్రహంతో ఉంటాడు. రెండు లక్షల రూపాయలు ఖర్చు చేసి సహాయం చేసినా తనను అనుమానించడంతో బాధపడిన బాలు, మనోజ్ కళ్లకు కట్టిన బ్యాండేజ్ మరో రెండు రోజులు తీయొద్దని నర్సును ఒప్పిస్తాడు. దీంతో మనోజ్ మరింత అనుమానాలకు గురవుతాడు. ఇంటికి వచ్చిన తర్వాత కూడా బాలు తన చిలిపి పనులతో మనోజ్‌ను ఆటపట్టిస్తూనే ఉంటాడు. గేట్‌కు ఢీకొని పడిపోయిన మనోజ్‌కు హారతి ఇస్తున్న సమయంలో చేయి కాలేలా చేయడం, టిఫిన్‌లో ఇడ్లీకి పచ్చిమిర్చి పెట్టడం వంటి ఘటనలు నవ్వులు పంచుతాయి.

అయితే వీటన్నింటికీ బాలు, మీనాలే కారణమంటూ మనోజ్ ఆరోపిస్తాడు. హాస్పిటల్ బిల్లుల విషయంలో కూడా మోసం జరిగిందని రోహిణితో అనుమానాలు వ్యక్తం చేస్తాడు. మరోవైపు రెస్టారెంట్‌లో పనిచేస్తున్న శ్రుతిని చూసి ఆమె తల్లి శోభన ఆగ్రహం వ్యక్తం చేస్తుంది. అయితే శ్రుతి ఈ ఉద్యోగం తన ఇష్టంతో చేస్తున్నానని స్పష్టం చేస్తుంది. చివర్లో మనోజ్ మరోసారి బాలు ఆస్తి కోసం నాటకం ఆడుతున్నాడంటూ ప్రభావతిని రెచ్చగొట్టే ప్రయత్నం చేస్తాడు. కానీ ప్రభావతి ఈసారి మనోజ్‌కే క్లాస్ తీస్తుంది. చివరగా బాలు చేసిన చిలిపి అల్లరితో ఎపిసోడ్ సరదాగా ముగిసింది.

Courtesy: jiohotstar

సోమవారం ఎపిసోడ్ ఆసక్తికరంగా సాగింది. ఎపిసోడ్ ప్రారంభంలో విద్య ఎంతో సంతోషంగా మీనాకు ఫోన్ చేసి తన ప్రేమ విషయాన్ని చెబుతుంది. తన బాయ్‌ఫ్రెండ్ తనకు నచ్చిన విషయాలు, తన ఆలోచనలు, భవిష్యత్తుపై అభిప్రాయాలు అన్నీ ఒక లెటర్‌లో రాసి ఇచ్చాడని వివరిస్తుంది. తాను కూడా తన ఇష్టాలు, అలవాట్లు, జీవితంపై తన అభిప్రాయాలను రాసి అతనికి ఇచ్చానని చెబుతుంది. ఇద్దరి లెటర్లు చదివిన తర్వాత దాదాపు అన్ని విషయాల్లో తమ ఆలోచనలు ఒకేలా ఉన్నాయని, కొన్ని చిన్న విషయాల్లో మాత్రమే తేడా ఉందని, అవి కూడా తన కోసం మార్చుకుంటానని అతను మాట ఇచ్చాడని విద్య ఆనందంగా చెబుతుంది.

విద్య మాటలు విన్న మీనా కూడా సంతోషపడుతుంది. "ఇంకేముంది... మీ ఇద్దరి మనసులు ఇప్పటికే కలిసిపోయినట్టే. ఒకరినొకరు ఇంత బాగా అర్థం చేసుకోవడం చాలా మంచి విషయం" అని చెబుతుంది. అయితే విద్యకు ఇంకా ఒక సందేహం ఉంటుంది. "అయితే వెంటనే నా ప్రేమను అతనికి చెప్పేయాలా?" అని మీనాను అడుగుతుంది. దానికి మీనా చాలా ప్రశాంతంగా స్పందిస్తూ, "ప్రేమ విషయంలో తొందరపడకూడదు. కాస్త సమయం తీసుకుని, ఒకరినొకరు ఇంకా బాగా అర్థం చేసుకున్న తర్వాతే నిర్ణయం తీసుకోవాలి. ఇప్పుడే తొందరపడాల్సిన అవసరం లేదు" అని సలహా ఇస్తుంది.

మీనా చెప్పిన మాటలను విద్య కూడా అంగీకరిస్తుంది. తర్వాత తన బాయ్‌ఫ్రెండ్‌ను కలిసి, "నా మనసుకు ఇంకొంత సమయం కావాలి. ఇప్పుడే సమాధానం చెప్పలేను" అని చెబుతుంది. అది విన్న అతను కొద్దిగా నిరాశ చెందుతూ, "ఇప్పుడే చెప్పొచ్చు కదా" అని అడుగుతాడు. దానికి విద్య, "నా మనస్సాక్షి ఇంకా కొంత సమయం అడుగుతోంది. అందుకే కాస్త వెయిట్ చేద్దాం" అని చెబుతుంది. తర్వాత ఇద్దరూ కలిసి గుడికి వెళ్లి దేవుడిని దర్శించుకుంటారు. దీంతో విద్య తన ప్రేమను వెంటనే చెప్పకుండా వెయిటింగ్‌లో పెట్టినట్లు అవుతుంది.

మరోవైపు మనోజ్ కళ్లకు ఇంకా చూపు రాక ఇబ్బందులు పడుతుంటాడు. అతని కోసం రోహిణి వేడి పాలు తీసుకొచ్చి ఇస్తుంది. అయితే పాలు చాలా వేడిగా ఉండటంతో వెంటనే తాగలేక మనోజ్ కాసేపు పడుకుంటాడు. ఇదంతా గమనించిన బాలు మరోసారి తన అల్లరిని మొదలుపెడతాడు. మనోజ్ కోసం తీసుకొచ్చిన పాలను మొత్తం తాగేసి, అతను తాగినట్లుగా కనిపించేందుకు అతని పెదవులపై పాల చుక్కలు కూడా రాస్తాడు.

కొద్దిసేపటి తర్వాత మేల్కొన్న మనోజ్ గ్లాస్ ఖాళీగా ఉండటాన్ని చూసి ఆశ్చర్యపోతాడు. వెంటనే రోహిణిని పిలిచి, "నేను పాలు తాగలేదు" అని చెబుతాడు. కానీ రోహిణి మాత్రం అతని మాటలను నమ్మదు. "నీకు కళ్లతో పాటు బ్రెయిన్ కూడా సరిగ్గా పనిచేయడం లేదేమో" అంటూ సరదాగా ఆటపట్టిస్తుంది. ఈ సన్నివేశం ప్రేక్షకులకు మంచి వినోదాన్ని అందిస్తుంది. ఇంతలో ప్రభావతి అక్కడికి వస్తుంది.

తల్లి వచ్చిన విషయం తెలియని మనోజ్, ఆమెను చూసి ప్రేమగా మాట్లాడడం ప్రారంభిస్తాడు. "అమ్మా... నువ్వు నా గుండెల్లో దేవతవు. ఈ రెండు రోజులు నిన్ను చూడకుండా చాలా బాధపడ్డాను" అంటూ భావోద్వేగ డైలాగులు చెబుతాడు. ఆ మాటలు విన్న ప్రభావతి తన కొడుకు తనను ఎంతగా ప్రేమిస్తున్నాడో అనుకుని ఎంతో ఆనందపడుతుంది. చిరునవ్వుతో అక్కడి నుంచి వెళ్లిపోతుంది.

కానీ అసలు ట్విస్ట్ అప్పుడే మొదలవుతుంది. ప్రభావతి వెళ్లిపోయిందని భావించిన మనోజ్ తన అసలు మనసులోని మాటలను రోహిణితో చెబుతాడు. "మా అమ్మను అప్పుడప్పుడు రెండు మంచి మాటలు మాట్లాడితే చాలు... వెంటనే కరిగిపోతుంది. గాయం మీద వెన్న రాసినట్టే. పాపం ఎంత అమాయకురాలో!" అంటూ ఆమెను వెక్కిరిస్తాడు. రోహిణి వెంటనే "ఆపు... ఎవరో వింటారు" అని హెచ్చరించినా మనోజ్ ఏమాత్రం పట్టించుకోడు.

అయితే మనోజ్‌కు తెలియకుండా ప్రభావతి ఇదంతా వింటూ అక్కడే నిలబడి ఉంటుంది. తన కొడుకు నిజంగా తన గురించి ఇలా మాట్లాడుతున్నాడా అని తీవ్రంగా బాధపడుతుంది. ఇన్నాళ్లు తనపై చూపించిన ప్రేమ అంతా నటన మాత్రమేనని తెలుసుకుని షాక్‌కు గురవుతుంది. కోపంతో అక్కడి నుంచి వెళ్లిపోతుంది.

ఈ విషయం గమనించిన రోహిణి వెంటనే మనోజ్‌కు, "ఇప్పుడే నువ్వు మాట్లాడిన మాటలన్నీ మీ అమ్మ విన్నారు" అని చెబుతుంది. అది విన్న మనోజ్ ఒక్కసారిగా షాక్ అవుతాడు. "ఇప్పుడు కళ్లకు చూపు వచ్చిన తర్వాత అమ్మ నా పరిస్థితి ఏం చేస్తుందో!" అంటూ భయపడిపోతాడు. తన తప్పు తెలిసి రోహిణితో, "ఇకపై నేను తప్పు చేస్తే నన్ను ఇలా కొడుతూ ఉండు" అని వేడుకుంటాడు. దానికి రోహిణి కూడా, "నిన్ను 24 గంటలూ కొడుతూనే ఉండాలా?" అంటూ గట్టిగా సమాధానం ఇస్తుంది. దీంతో మనోజ్ మాట్లాడలేక నోరు మూసుకుంటాడు.

ఇక.. రోహిణి బయటకు వెళ్లే ముందు మనోజ్‌ను హాల్లో కూర్చోబెట్టి, "నేను ఫోన్ మాట్లాడుకుని వస్తాను. ఈలోపు నా క్లయింట్ వస్తారు. జాగ్రత్తగా చూసుకోండి.. ఆయనను బాగా మేనేజ్ చేయండి" అని చెబుతుంది. కళ్లకు కట్లు ఉండటంతో ఎవరు వస్తున్నారో తెలియని పరిస్థితిలో మనోజ్ చాలా హుందాగా ప్రవర్తించాలని నిర్ణయించుకుంటాడు. తన స్టైల్, ఆటిట్యూడ్ చూపించాలని భావిస్తూ ఎదురు చూస్తుంటాడు.

అయితే రోహిణి చెప్పిన క్లయింట్ బదులు ఇంటి వద్దకు ఓ బిచ్చగాడు వస్తాడు. అది తెలియని మనోజ్ అతడినే రోహిణి క్లయింట్ అనుకుని ఎంతో మర్యాదగా లోపలికి ఆహ్వానిస్తాడు. "రండి సార్... బయట ఎందుకు నిలబడుతున్నారు? నాకు మనుషుల మధ్య ఎలాంటి తేడా ఉండదు. అందరినీ సమానంగానే చూస్తాను. దయచేసి లోపలికి వచ్చి కూర్చోండి" అంటూ ఎంతో గౌరవంగా మాట్లాడతాడు. మనోజ్ మర్యాద చూసి బిచ్చగాడే కంగారుపడిపోతాడు. "నన్నే పిలుస్తున్నారా?" అని అడగగా, "అవును... మీరే రండి" అని మనోజ్ మళ్లీ ఆహ్వానిస్తాడు.

దీంతో బిచ్చగాడు కూడా ఏమాత్రం మొహమాటపడకుండా హాల్లోకి వచ్చి దర్జాగా సోఫాలో కూర్చుంటాడు. కాలు మీద కాలు వేసుకుని రాజులా కూర్చోవడం చూసి ప్రేక్షకులకు నవ్వులు పూస్తాయి. తర్వాత మనోజ్, "మీరు ఏం చేస్తుంటారు?" అని అడగగా, బిచ్చగాడు కూడా తన స్టైల్‌లో సమాధానం ఇస్తాడు. "నాది పెట్టుబడి లేని బిజినెస్. జీరో ఇన్వెస్ట్‌మెంట్... లాస్ అనే మాటే లేదు... ఫుల్ ప్రాఫిట్" అంటూ బిచ్చాటనే తన వృత్తిని గొప్ప బిజినెస్‌లా వివరిస్తాడు. అతని మాటలు నిజమేనని నమ్మిన మనోజ్, "ఆ బిజినెస్ చాలా బాగుంది. నేనూ ఆ బిజినెస్ చేయొచ్చా?" అంటూ అమాయకంగా అడగడం మరో ఫన్నీ సీన్‌గా మారుతుంది.

ఇంతలో మీనా అక్కడికి వచ్చి హాల్లో బిచ్చగాడిని చూసి ఒక్కసారిగా షాక్ అవుతుంది. వెంటనే ప్రభావతిని పిలిచి విషయం చూపిస్తుంది. ప్రభావతి కోపంగా మనోజ్‌ను నిలదీస్తూ, "ఏంట్రా ఇది? ఎవడిని ఇంట్లోకి తీసుకొచ్చావు?" అని ప్రశ్నిస్తుంది. కానీ మనోజ్ మాత్రం, "ఇతను రోహిణి క్లయింట్. పెట్టుబడి లేకుండా లాభాలు వచ్చే గొప్ప బిజినెస్ చేస్తున్నాడట. నేనూ అదే చేయాలని అనుకుంటున్నా" అని చెప్పడంతో అందరూ ఆశ్చర్యపోతారు.

అప్పుడు ప్రభావతి వ్యంగ్యంగా, "ఆ బిజినెస్‌లో నీకు ఆల్రెడీ మంచి అనుభవం ఉంది కదా! కొత్తగా నేర్చుకోవాల్సిన అవసరం ఏముంది?" అంటూ గతంలో మనోజ్ బిచ్చగాడి వేషం వేసిన విషయాన్ని పరోక్షంగా గుర్తు చేస్తుంది. ఆ మాటలకు మనోజ్ ఒక్కసారిగా నోరెళ్లబెడతాడు. ప్రభావతి బిచ్చగాడిని బయటకు పంపేందుకు ప్రయత్నిస్తుంటే, అతను కూడా తగ్గడు. "నన్ను తక్కువ చేసి మాట్లాడొద్దమ్మా. నాకు మూడు అంతస్తుల బిల్డింగ్ ఉంది. నేను సాధారణ బిచ్చగాడిని కాదు. నన్ను అవమానిస్తే అఖిల భారత బిచ్చగాళ్ల సంఘం ఊరుకోదు" అంటూ డైలాగ్‌లు చెబుతాడు. దీంతో ఇంట్లో వాళ్లంతా ఆశ్చర్యపోతారు. చివరకు ప్రభావతి చీపురు తీసుకుని తరిమేయడంతో బిచ్చగాడు అక్కడి నుంచి పరుగులు పెడతాడు.

మరోవైపు బాలు మాత్రం మనోజ్‌కు గుణపాఠం చెప్పాలని నిర్ణయించుకుంటాడు. దేవుడి ముందు నిలబెట్టి, "ఇప్పటి వరకు చేసిన తప్పులన్నీ ఒప్పుకుని క్షమాపణ చెప్పు. నీ చెంపలు నువ్వే కొట్టుకో" అని అంటాడు. పరిస్థితి చేతికి అందకుండా పోవడంతో మనోజ్ కూడా తప్పనిసరిగా తన తప్పులన్నీ ఒప్పుకుంటాడు. "నాన్నతో అమర్యాదగా మాట్లాడాను. చాలా తప్పు చేశాను" అంటూ దేవుడి ముందు క్షమాపణలు చెబుతూ చెంపలు వేసుకుంటాడు. అంతలో బాలు ఆస్పత్రిలోని నర్స్‌కు ఫోన్ చేసి ఇంటికి రమ్మని చెబుతాడు. ఈ విషయం తెలుసుకున్న రోహిణి చాలా సంతోషపడుతుంది. ఇంట్లో అందరినీ పిలిచి, "ఈరోజు మనోజ్ కళ్ల కట్లు విప్పేస్తారు. ఇక ఆయనకు చూపు వస్తుంది" అంటూ ఆనందాన్ని వ్యక్తం చేస్తుంది.

కొద్దిసేపటికి నర్స్ ఇంటికి చేరుకుని కట్లు విప్పేందుకు సిద్ధమవుతుంది. ఈ సమయంలో బాలు సరదాగా, "కట్లు విప్పిన వెంటనే ముందు ఎవరిని చూస్తావు?" అని అడుగుతాడు. దానికి మనోజ్ తన తెలివి చూపిస్తూ, "అమ్మ, నా భార్య ఇద్దరూ నాకు రెండు కళ్లలాంటివారు. ఒక కంటితో అమ్మను చూస్తా... మరో కంటితో నా భార్యను చూస్తా" అంటూ సమాధానం చెప్పడంతో అందరూ నవ్వుకుంటారు. నర్స్ కట్లు విప్పిన వెంటనే మనోజ్‌కు మొదట మసకగా కనిపిస్తుంది. దీంతో అతను కాస్త టెన్షన్ పడతాడు. వెంటనే బాలు కళ్లద్దాలు తీసుకొచ్చి పెట్టడంతో చూపు స్పష్టంగా కనిపిస్తుంది. మొదటగా బాలునే చూసి సంతోషపడతాడు. మనోజ్‌కు పూర్తిగా కంటి చూపు రావడంతో ఇంట్లో వారందరూ ఆనందం వ్యక్తం చేస్తారు.

అయితే ఈ ఆనందం ఎక్కువసేపు నిలవదు. అదే సమయంలో శృతి తల్లి శోభ ప్రభావతి ఇంటికి వస్తుంది. వచ్చిన వెంటనే ప్రభావతిపై తీవ్ర ఆగ్రహం వ్యక్తం చేస్తుంది. మాటకు మాట పెరగడంతో మీనా కూడా గట్టిగానే సమాధానం ఇస్తుంది. వాగ్వాదం మరింత పెరగడంతో శోభ తన బ్యాగ్‌లో నుంచి ఒక బ్లాంక్ చెక్ తీసి ప్రభావతి చేతిలో పెట్టేందుకు ప్రయత్నిస్తుంది.

ఈ దృశ్యం చూసిన సత్యం ఆశ్చర్యపోతూ, "బ్లాంక్ చెక్ ఇవ్వడానికి కారణం ఏమిటి?" అని ప్రశ్నిస్తాడు. దానికి శోభ, "నా కూతురు మీ ఇంటి డబ్బుల కోసం రెస్టారెంట్‌లో పని చేస్తోంది. అది మా కుటుంబ పరువుకు మచ్చ. ఎంత డబ్బు కావాలో ఈ చెక్‌లో రాసుకుని తీసుకోండి" అని అహంకారంగా మాట్లాడుతుంది. ఆ మాటలు విన్న బాలు తీవ్ర ఆగ్రహానికి గురవుతాడు. "ఎప్పుడు పడితే అప్పుడు బ్లాంక్ చెక్కులు ఇవ్వడం కూడా ఒక రోగమే. ముందు మంచి సైకియాట్రిస్ట్‌కి వెళ్లి చూపించుకోండి" అంటూ ఘాటుగా కౌంటర్ ఇస్తాడు.

అప్పటికే మీనా కూడా జోక్యం చేసుకుని, "శృతి డబ్బుల కోసం కాదు... రవితో కాస్త సమయం గడపడానికి సరదాగా రెస్టారెంట్‌లో పని చేస్తోంది. ఇందులో తప్పేముంది?" అని ప్రశ్నిస్తుంది. వెంటనే రోహిణి కూడా, "నేను బ్యూటీషియన్‌గా పని చేస్తున్నాను... మీనా పూల డెకరేషన్ చేస్తోంది... శృతి రెస్టారెంట్‌లో పని చేస్తోంది. పని ఏదైనా గౌరవమే" అని చెబుతుంది. కానీ శోభ మాత్రం తన అహంకారాన్ని వదలదు.

"నా కూతుర్ని పూలు అమ్ముకునే వాళ్లతో... టీ కొట్టు నడిపేవాళ్లతో పోల్చొద్దు" అంటూ మీనా, బాలు ఇద్దరినీ అవమానించేలా మాట్లాడుతుంది. ఆ మాటలతో ఇంట్లో మరోసారి ఉద్రిక్త పరిస్థితులు నెలకొంటాయి. శోభ ఎంట్రీతో ప్రభావతి ఇంట్లో మరోసారి పెద్ద తుఫాన్ మొదలయ్యే సూచనలు కనిపిస్తున్నాయి. శోభ మాటలకు ప్రభావతి ఎలా స్పందిస్తుంది? బాలు, మీనా ఈ అవమానానికి ఎలా బదులిస్తారు? అన్న ఆసక్తితో ఎపిసోడ్ ముగియనుంది.