Click it and Unblock the Notifications
Gundeninda Gudigantalu Weekly: దెయ్యం డ్రామా నుంచి యానివర్సరీ సెలబ్రేషన్స్ వరకు..ఈ వారం అదిరిపోయిన ట్విస్టులు
Gunde Ninda Gudi Gantalu Weekly Roundup: గుండె నిండా గుడిగంటలు ప్రస్తుతం రసవత్తరంగా నడుస్తోంది. స్టార్ మాలో ప్రసారం అవుతున్న ఈ సీరియల్ కు ప్రస్తుతం మంచి ఆదరణ దక్కుతోంది. ఈ సందర్భంగా జూన్ 8వ తేదీ నుంచి జూన్ 12వ తేదీ వరకు 700 నుంచి 704వ ఎపిసోడ్స్ వరకు ఏం జరిగిందనే వివరాల్లోకి వెళితే..
సోమవారం ఎపిసోడ్ ఆసక్తికర మలుపులతో ప్రేక్షకులను ఆకట్టుకుంది. బాలు తన ఫోన్ దొంగతనం వెనుక ఉన్న అసలు నిజాన్ని బయటపెట్టేందుకు ప్రయత్నాలను మరింత వేగవంతం చేశాడు. రోహిణి, విద్య ఫోటోలను ప్రకాష్కు పంపించి, ఫోన్ పోగొట్టుకున్న వ్యక్తిని గుర్తించమని కోరాడు. మరో రెండు రోజుల్లో నిజం వెలుగులోకి వచ్చే అవకాశం ఉందని తెలుసుకున్న బాలు, ఈ వ్యవహారంలో రోహిణిపైనే తనకు గట్టి అనుమానం ఉందని మీనాతో చెప్పాడు. అయితే ఆధారాలు లేకుండా ఎవరినీ నిందించవద్దని మీనా సూచించింది.
Jio Hotstar
మరోవైపు రోహిణి భయంకరమైన పీడకలతో వణికిపోయింది. కలలో మీనా దయ్యంలా కనిపించి బాలు ఫోన్ దొంగతనం, శివ వీడియో వ్యవహారం గురించి నిజం చెప్పాలని హెచ్చరించింది. దీంతో భయపడిపోయిన రోహిణి అసలు విషయం దాచిపెట్టి, ఎవరో తనను చంపేందుకు వచ్చారని చెప్పి పరిస్థితిని కవర్ చేయడానికి ప్రయత్నిస్తుంది. ఆమె ప్రవర్తన చూసి మనోజ్, ప్రభావతికి అనుమానాలు మొదలవుతాయి. ఇక శృతి ప్లాన్తో మీనా బాలును ఆటపట్టించే సరదా సన్నివేశాలు నవ్వులు పూయించాయి. ఎపిసోడ్ చివర్లో ప్రభావతి రోహిణికి దయ్యం పట్టిందని నమ్మి స్వామీజీని పిలిపిస్తుంది. ఆయన విచిత్రమైన పూజలు చేయడంతో రోహిణి మరింత ఇబ్బందుల్లో పడుతుంది. దీంతో ఆమె రహస్యాలు బయటపడతాయా లేదా అన్న ఆసక్తికర ఉత్కంఠతో ఎపిసోడ్ ముగిసింది.
మంగళవారం ప్రసారమైన ఎపిసోడ్ లో రోహిణికి దయ్యం పట్టిందని నమ్మిన ప్రభావతి, స్వామీజీ సూచన మేరకు ఆమెను కర్రతో కొట్టాలని నిర్ణయిస్తుంది. ఇప్పటికే దెబ్బలతో బాధపడుతున్న రోహిణి, తన అబద్ధాలు బయటపడతాయనే భయంతో నిజం చెప్పలేక తీవ్ర మనోవేదనకు గురవుతుంది. మనోజ్ కూడా భయపడుతూనే రోహిణిని కొట్టగా, ఆమె నొప్పితో అరవడం చూసి ప్రభావతి దయ్యం ప్రభావమేనని మరింత నమ్ముతుంది. దీంతో రోహిణి పరిస్థితి మరింత క్లిష్టంగా మారుతుంది. మరోవైపు బాలు ఎదుర్కొన్న కారు సమస్యకు పరిష్కారం లభిస్తుంది. కస్టమర్ను రైల్వే స్టేషన్కు చేర్చేందుకు నో-ఎంట్రీలో వెళ్లిన కారణంగా ట్రాఫిక్ కానిస్టేబుల్ అరుణ్ అతడి కారును సీజ్ చేస్తాడు.
అయితే పోలీస్ స్టేషన్లో ఎస్ఐ జోక్యం చేసుకుని అరుణ్ వ్యక్తిగత కక్షతో వ్యవహరించాడని మందలించి వెంటనే కారు విడుదల చేయాలని ఆదేశిస్తాడు. మీనా సహాయంతోనే సమస్య పరిష్కారమైందని తెలుసుకున్న బాలు, ఇంటికి వెళ్లి ఆమెకు క్షమాపణలు చెబుతూ ప్రేమగా కౌగిలించుకుంటాడు. ఇక శృతి తన పెళ్లి వార్షికోత్సవాన్ని ఘనంగా జరుపుకోవాలని, హనీమూన్కు వెళ్లాలని కోరగా రవి ఆమె కోరికలను నెరవేర్చుతానని హామీ ఇస్తాడు. రోహిణి దయ్యం డ్రామా ఉత్కంఠను పెంచగా, బాలు-మీనా మధ్య ప్రేమ, అనుబంధాన్ని చూపించిన సన్నివేశాలు ప్రేక్షకులను భావోద్వేగానికి గురిచేశాయి.
బుధవారం ఎపిసోడ్ లో మీనా చేసిన సహాయంతో తన కారు తిరిగి దొరికిందని తెలుసుకున్న బాలు ఆమెకు క్షమాపణలు చెబుతూ కృతజ్ఞతలు తెలిపాడు. అయితే కుటుంబంపై కోపం చూపొద్దని మీనా అతడికి సూచించింది. ఇదే సమయంలో రవి, శృతి తమ వెడ్డింగ్ యానివర్సరీని ఘనంగా జరుపుకోవాలని నిర్ణయించి ఇంట్లో అందరికీ ఆహ్వాన పత్రికలు అందజేశారు. డాన్స్ ప్రోగ్రామ్ గురించి తెలుసుకున్న ప్రభావతి ఆనందపడగా, మీనా అలంకరణ బాధ్యతలు తీసుకుంది. మరోవైపు ప్రకాష్ పంపిన ఫోటోలో విద్యను గుర్తించిన బాలు, తన ఫోన్ మిస్సింగ్ వెనుక ఆమె హస్తం ఉందని అనుమానిస్తాడు.
వెంటనే విద్య ఇంటికి వెళ్లి నిలదీయగా, ఆమె అబద్ధాలతో తప్పించుకునే ప్రయత్నం చేస్తుంది. దీంతో బాలు గట్టిగా హెచ్చరించి వెళ్లిపోతాడు. జరిగిన విషయాన్ని మీనాతో పంచుకోగా, రోహిణి-విద్యలపై ఇద్దరూ అనుమానం వ్యక్తం చేస్తారు. ఈ మాటలు రోహిణి విని ఊరట చెందుతుంది. ఇదిలా ఉండగా స్వామీజీ చెప్పిన పూజ పేరుతో మనోజ్ మళ్లీ రోహిణిని కొట్టేందుకు ప్రయత్నిస్తాడు. అయితే రోహిణి దయ్యం పట్టినట్లు నటించి మనోజ్, ప్రభావతిని భయపెడుతుంది. దీంతో ఇంట్లోవారు నిజంగానే ఆత్మ వెళ్లిపోయిందని నమ్ముతారు. ఎపిసోడ్ చివర్లో రవి ఎదుర్కొన్న కొత్త సమస్య కథలో మరింత ఉత్కంఠను పెంచింది.
గురువారం ఎపిసోడ్ లో రెస్టారెంట్లో తన బాస్ నీతూ జారి పడటంతో రవి ఆమెకు సహాయం చేస్తాడు. అయితే అదే సమయంలో అక్కడికి వచ్చిన శృతి, రవి నీతూను ఎత్తుకుని రావడం చూసి అపార్థం చేసుకుంటుంది. రవి తనను మోసం చేస్తున్నాడని భావించిన ఆమె కోపంతో అక్కడి నుంచి వెళ్లిపోతుంది. రవి ఎంతగా ఫోన్ చేసినా శృతి స్పందించకపోవడంతో అతడు తీవ్ర ఆందోళనకు గురవుతాడు.ఇదే సమయంలో ఇంట్లో రవి-శృతి వెడ్డింగ్ యానివర్సరీ వేడుకలకు ఏర్పాట్లు జరుగుతుంటాయి. బాలు, మీనా మధ్య జరిగే సరదా సంభాషణలు ప్రేక్షకులను అలరిస్తాయి. శృతి కనిపించకపోవడంతో రవి ఆమె డబ్బింగ్ పనిలో బిజీగా ఉందని చెప్పి పరిస్థితిని కవర్ చేయడానికి ప్రయత్నిస్తాడు.
అయితే అతడి టెన్షన్ను గమనించిన బాలు, మీనా అసలు విషయం తెలుసుకుని శృతిని వెతకడానికి బయలుదేరుతారు. ఫంక్షన్ హాల్లో అతిథులు, బంధువులు శృతి గురించి అడుగుతుండగా రవి వారిని సమాధానపరుస్తాడు. శృతి తల్లిదండ్రులు కూడా రావడంతో అతడి ఆందోళన మరింత పెరుగుతుంది. అనుమానాలు రాకుండా ప్రభావతి డాన్స్ కార్యక్రమాలు ఏర్పాటు చేసి వేడుకను సందడిగా కొనసాగిస్తుంది. అయినప్పటికీ శృతి ఇంకా రాకపోవడంతో రోహిణికి అనుమానం మొదలవుతుంది. మరోవైపు బాలు, మీనా శృతి కోసం వెతుకుతూనే ఉంటారు. శృతి అపార్థం తొలగించుకుని యానివర్సరీ వేడుకలకు వస్తుందా లేదా అన్న ఉత్కంఠతో ఎపిసోడ్ ముగిసింది.
శుక్రవారం ఎపిసోడ్లో రవి-శృతి వివాహ వార్షికోత్సవ వేడుకల నేపథ్యంలో కథ ఆసక్తికరంగా సాగింది. ఫంక్షన్ హాల్కు అతిథులు చేరుకుంటుండగా శృతి కనిపించకపోవడంతో అందరూ ఆందోళన చెందుతారు. రవి మాత్రం అసలు విషయం బయటపడకుండా అతిథుల దృష్టి మరల్చేందుకు ప్రభావతి, మీనాక్షి, శోభలతో డ్యాన్స్లు చేయించి పరిస్థితిని చక్కదిద్దే ప్రయత్నం చేస్తాడు. మరోవైపు శృతి కోసం వెతికిన బాలు, మీనా ఆమె లాయర్ను కలవడానికి వెళ్లిందని తెలుసుకుంటారు. రవి తనను మోసం చేస్తున్నాడనే అపార్థంతో శృతి కోపంగా ఉండగా, బాలు-మీనా అసలు నిజం చెబుతారు. నీతూతో రవికి ఎలాంటి సంబంధం లేదని, కేవలం సహాయం మాత్రమే చేశాడని వివరించడంతో శృతి తన తప్పును గ్రహిస్తుంది. వెంటనే ఫంక్షన్కు రావడానికి అంగీకరిస్తుంది.
ఇక హాల్లో సురేంద్ర, శోభలు రవిని ప్రశ్నిస్తూ ఉద్రిక్తత సృష్టిస్తారు. అచ్చం ఆ సమయంలో శృతి రావడంతో అందరూ ఊపిరిపీల్చుకుంటారు. అనంతరం రవి-శృతి కేక్ కట్ చేసి యానివర్సరీ వేడుకలను ప్రారంభిస్తారు. ఈ సందర్భంగా శృతి భావోద్వేగంగా మాట్లాడుతూ తమ జీవితాల్లో బాలు, మీనాల పాత్ర ఎంతో గొప్పదని చెబుతుంది. ఉమ్మడి కుటుంబ విలువలు మీనా నేర్పించిందని, బాలు-మీనా తమ దృష్టిలో బెస్ట్ కపుల్ అని ప్రశంసిస్తుంది. రవి కూడా తమ పెళ్లి జరగడానికి ప్రధాన కారణం మీనానే అని చెబుతాడు. చివరగా కుటుంబ సభ్యులంతా కలిసి డ్యాన్స్లు చేస్తూ ఎంజాయ్ చేస్తారు.
Continue with Google