Click it and Unblock the Notifications
Gunde Ninda Gudi Gantalu Weekly: శివ ఆత్మహత్య..ప్రభావతి 2 లక్షల డీల్.. చిక్కుల్లో రోహిణి..బాలు డ్రామా..
Photo courtesy: Jio Hotstar
Gunde Ninda Gudi Gantalu Weekly: తెలుగు బుల్లితెరపై ప్రసారం అవుతున్న సీరియల్స్ లో గుండె నిండా గుడి గంటలుకు ఎంతటి ఆదరణ ఉందో ప్రత్యేకంగా చెప్పాల్సిన పనిలేదు. ఈ సీరియల్ కు రోజురోజు ఆదరణ పెరుగుతోంది.ప్రస్తుతం తెలుగు సీరియల్స్ లో గుండె నిండా గుడి గంటలుకున్న క్రేజ్ మరే సీరియల్ కు ఆ స్థాయిలో లేదనే చెప్పాలి. ఫలితంగానే ఎన్నో ధారావాహికలు విజయవంతంగా ప్రసారం అవుతూనే ఉన్నాయి. అలాంటి సక్సెస్ సీరియల్స్ జాబితాలో స్టార్ మా ఛానెల్లో ప్రసారం అవుతోన్న 'గుండె నిండా గుడి గంటలు' హై టీఆర్పీతో దూసుకుపోతుంది. ఈ సీరియల్ రోజు రోజుకూ ఎంతో ఆసక్తికరంగా నడుస్తోంది. ఈ నేపథ్యంలో గత వారం అంటే మార్చి30 తేదీ నుంచి ఏప్రిల్3వ తేదీ వరకు జరిగిన'గుండె నిండా గుడి గంటలు' సీరియల్లో ఏం జరిగిందో మీరే ఓ లుక్కేయండి మరి!
సోమవారం ప్రసారమైన ఎపిసోడ్ ఉత్కంఠభరితంగా సాగింది. బాలు ఇంటికి చేరుకున్న వెంటనే పరిస్థితి ఉద్రిక్తంగా మారింది. శివ దొంగతనం వీడియో బయటపడటంతో కుటుంబ సభ్యులు బాలుపై అనుమానాలు వ్యక్తం చేశారు. ముఖ్యంగా మనోజ్ కఠినంగా ప్రశ్నించడంతో వాతావరణం వేడెక్కింది. ప్రభావతి కూడా మీనా, బాలు మీద తీవ్ర ఆరోపణలు చేస్తూ పరిస్థితిని మరింత క్లిష్టంగా మార్చింది. ఈ క్రమంలో బాలు ఇంటి నుంచి వెళ్లిపోతూ మీనాను తిరిగి తీసుకొస్తానని సవాల్ చేశాడు. ఇక సోషల్ మీడియాలో వైరల్ అయిన వీడియోతో పోలీసులు రంగంలోకి దిగి శివ కోసం గాలింపు ప్రారంభించారు. మీనా ఇంట్లో భయాందోళనలు నెలకొనగా, బాలు అక్కడికి చేరుకుని ఆమెను ఓదార్చాడు. శివ తప్పు వెనుక గుణ ప్రభావం ఉందని వెల్లడిస్తూ కొత్త ట్విస్ట్ ఇచ్చాడు.
ఇదే సమయంలో పోలీసులు మీనా ఇంటికి చేరుకుని శివను అరెస్ట్ చేయాలని ప్రయత్నించగా, బాలు ఇది కుటుంబ సమస్య అని వివరించాడు. అయినప్పటికీ పోలీసులు కేసు నమోదు చేసినట్టు స్పష్టం చేశారు. శివ ఆత్మహత్యకు ప్రయత్నించడం కథలో కీలక మలుపు. భవనం పై నుంచి దూకేందుకు సిద్ధమైన శివను బాలు సమయస్ఫూర్తితో అడ్డుకుని కాపాడాడు. అనంతరం అతడిని స్నేహితుడు రాజేష్ వద్ద దాచిపెట్టాడు. మరోవైపు మీనాను ఇంటికి తీసుకువచ్చిన బాలు, కుటుంబ సభ్యుల ఎదుట గట్టిగా నిలబడి గత దొంగతనాల విషయాలను బయటపెట్టాడు. చివరగా శివ ఆత్మహత్య యత్నం గురించి తెలిసిన సత్యం షాక్కు గురవడంతో కథ మరింత ఆసక్తికరంగా మారింది.
మంగళవారం ఎపిసోడ్లో కథ మరింత ఉత్కంఠభరితంగా సాగింది. శివ దొంగతనం వీడియో వైరల్ కావడంతో ప్రభావతి ఇంట్లో ఉద్రిక్త పరిస్థితులు నెలకొన్నాయి. మీనానే బాధ్యురాలిగా భావించిన ప్రభావతి, ఆమెను ఇంటి నుంచి పంపించాలని నిర్ణయించుకుంది. అయితే బాలు ముందుకు వచ్చి శివ తప్పు తెలుసుకుని డబ్బులు తిరిగి ఇచ్చేశాడని చెప్పినా, మనోజ్ పరిస్థితిని మరింత రెచ్చగొట్టాడు. ఈ వివాదం మధ్య మీనా భావోద్వేగంగా మాట్లాడి అందరినీ కదిలించింది. పోలీసులు ఇంటికి రావడంతో పరిస్థితి సీరియస్ అయింది. కేసు పెట్టకూడదని సూచించినా, ప్రభావతి అధికారికంగా కంప్లైంట్ ఇవ్వడంతో శివ భవిష్యత్తు ప్రమాదంలో పడింది. దీనిపై బాలు తీవ్రంగా స్పందించగా, సత్యం కూడా మీనాకు మద్దతుగా నిలిచి ప్రభావతిని గట్టిగా ప్రశ్నించాడు.
చివరికి కోపంతో ప్రభావతి ఇంటిని వదిలి మీనాక్షి ఇంటికి వెళ్లింది. అక్కడ కూడా ఆమెకు కఠిన హెచ్చరికలు ఎదురయ్యాయి. మరోవైపు మీనా తీవ్రంగా బాధపడుతుంటే, బాలు ఆమెకు ధైర్యం చెప్పి ఇంటిని వదిలి వెళ్లొద్దని నచ్చజెప్పాడు. తర్వాత రోజు శోభన రావడంతో కొత్త ఉద్రిక్తతలు మొదలయ్యాయి. రోహిణి ఇంటి విషయాలు బయటపెట్టగా, బాలు కౌంటర్లు ఇచ్చి వారిని నిలదీశాడు. ఇదే సమయంలో శృతి, రవి తమ నిర్ణయంపై గట్టిగా నిలిచారు. ఇక కథ మరింత మలుపు తిరిగింది. శివ కోసం పోలీసులు పార్వతి, సుమతిని అరెస్ట్ చేయడంతో ఉద్రిక్తత పెరిగింది. ఈ వార్తతో మీనా కుంగిపోగా, బాలు వెంటనే పోలీస్ స్టేషన్కు వెళ్లాడు. కుటుంబం ఎదుర్కొంటున్న ఈ సంక్షోభం ఎలా ముగుస్తుందో అన్న ఆసక్తితో ఎపిసోడ్ ముగిసింది.
బుధవారం ఎపిసోడ్ ఉత్కంఠభరితంగా సాగింది. శివ దొంగతనం వీడియో వైరల్ కావడంతో పోలీసులు సుమతి, పార్వతిని అరెస్ట్ చేయడం కథలో కీలక మలుపుగా మారింది. ఈ విషయం తెలుసుకున్న మీనా, బాలు పోలీస్ స్టేషన్కు చేరుకుని తల్లి పరిస్థితి చూసి ఆవేదన చెందుతారు. ఎస్ఐ మాత్రం కఠినంగా స్పందిస్తూ శివను అప్పగించకపోతే కేసు పెడతామని హెచ్చరిస్తాడు. చివరికి 24 గంటల గడువు ఇచ్చి వారిని పంపిస్తారు. ఇంటికి వచ్చిన తర్వాత పార్వతి బాధతో కుంగిపోగా, సుమతి పెళ్లి కూడా ఈ వివాదంతో రద్దవడం కుటుంబాన్ని మరింత కలచివేస్తుంది. బాలు మాత్రం ధైర్యం చెప్పే ప్రయత్నం చేస్తాడు.
మరోవైపు రోహిణి ట్రాక్లో సస్పెన్స్ పెరుగుతుంది. గుణ పన్నిన నాటకంతో దినేష్ తీవ్రంగా గాయపడ్డాడని నమ్మించిన రోహిణిని రెండు లక్షలు ఇవ్వాలని బ్లాక్మెయిల్ చేస్తాడు. చివరికి అది మొత్తం ప్లాన్ అని బయటపడటం కథను కొత్త మలుపులోకి తీసుకెళ్తుంది. ఇక శివ కేసును సర్దుబాటు చేయడానికి బాలు, మీనా లాయర్ను సంప్రదిస్తారు. కంప్లైంట్ వెనక్కి తీసుకోవడమే సరైన మార్గమని తెలుసుకుని సత్యం సహాయం కోరతారు. ఈ క్రమంలో మనోజ్తో బాలు మధ్య ఘర్షణ సీన్ హై టెన్షన్ సృష్టిస్తుంది. క్లైమాక్స్లో సత్యం ప్రభావతిని ఒప్పించడానికి వెళ్లగా, ఆమె కఠినంగా నిరాకరిస్తుంది. అయితే సత్యం చెప్పిన నిజాలు ఆమెను కాసేపు ఆలోచింపజేస్తాయి. చివరికి కేసు వెనక్కి తీసుకుంటానని చెప్పినా, బాలు-మీనాలను ఇంటి నుంచి వెళ్లగొట్టాలనే షరతు పెట్టడం కథను మరింత ఆసక్తికరంగా మార్చింది.
గురువారం ఎపిసోడ్ ఉత్కంఠభరితంగా సాగుతూ కుటుంబంలో విభేదాలను మరింత పెంచింది. శివ కేసు విషయంలో సత్యం ఎంత ప్రయత్నించినా ప్రభావతి మాత్రం తన మొండితనాన్ని వదలకుండా, "బాలు-మీనా ఇంటి నుంచి వెళ్లిపోతేనే కేసు వెనక్కి తీసుకుంటాను" అని షరతు పెట్టడం కథకు కీలక మలుపు తీసుకొచ్చింది. దీనిపై సత్యం తీవ్రంగా స్పందించి అక్కడి నుంచి వెళ్లిపోవడం సన్నివేశానికి భావోద్వేగాన్ని జోడించింది. ఇదే సమయంలో మనోజ్, రోహిణి ఎంట్రీతో వాతావరణం మరింత ఉద్రిక్తంగా మారగా, మీనాక్షి మనోజ్ గతాన్ని బయటపెట్టి అతడిని మౌనంగా చేయడం కథకు బలం చేకూర్చింది.ఇక బాలు, మీనా శివను కాపాడేందుకు ప్రాణపణంగా ప్రయత్నించడం హైలైట్గా నిలిచింది.
లాయర్ సూచనతో ఐదు లక్షలు అవసరమవడంతో, అప్పులు చేసి, స్నేహితుల సహాయం తీసుకుని, తమ దగ్గర ఉన్న సొమ్ము కలిపి నాలుగు లక్షల యాభై వేల రూపాయలు సేకరించడం వారి త్యాగాన్ని చూపించింది.సత్యం కూడా తన వంతు సహాయం చేయడం కుటుంబ బంధాలను మరింత బలపరిచింది. కథలో అసలు ట్విస్ట్ లాయర్ ప్రవేశంతో వచ్చింది. ప్రభావతిని చాకచక్యంగా ఒత్తిడి చేస్తూ, కేసు కొనసాగితే శివకు జైలు శిక్షతో పాటు ఆమెకూ ఇబ్బందులు వస్తాయని చెప్పి భయపెట్టాడు. చివరకు రెండు లక్షల రూపాయల సెటిల్మెంట్తో ప్రభావతి కేసు వెనక్కి తీసుకోవడానికి ఒప్పుకోవడం కీలక మలుపుగా మారింది. అయితే ఈ ఒప్పందాన్ని గోప్యంగా ఉంచాలని ఆమె షరతు పెట్టడం సస్పెన్స్ను పెంచింది. చివరగా శుభవార్త విన్న బాలు, మీనా ఆనందపడగా, శివ ఇంటికి తిరిగి రావడం హ్యాపీ ముగింపునిచ్చింది. కానీ ఈ సీక్రెట్ బయటపడితే ఏమవుతుందో అన్న ఉత్కంఠ కొనసాగుతోంది.
శుక్రవారం ఎపిసోడ్ భావోద్వేగాలు, ట్విస్టులతో ఆసక్తికరంగా సాగింది. ప్రభావతి కేసు వెనక్కి తీసుకున్న అసలు కారణం తెలియకుండానే సత్యం, బాలు, మీనాలు ఆమెను ప్రశంసించడం కథకు కొత్త మలుపు ఇచ్చింది. జైలు నుంచి బయటకు వచ్చిన శివను బాలు ఇంటికి తీసుకువస్తాడు. తల్లిని చూసిన శివ పశ్చాత్తాపంతో కాళ్లపై పడుతూ క్షమాపణలు కోరగా, పార్వతమ్మ మాత్రం బాలను మెచ్చుకుంటూ అతడికి కృతజ్ఞతలు చెప్పమంటుంది. కుటుంబ సన్నివేశాలు భావోద్వేగంగా నిలిచాయి. ఇక అందరూ కలిసి ప్రభావతిని కలవడానికి వెళ్తారు. ఆమె బయటకు కఠినంగా కనిపించినా లోపల మాత్రం కలతతో ఉంటుంది.
శివ క్షమాపణలు కోరినా, గత సంఘటన గుర్తొచ్చి క్షణం భయపడుతుంది. అయినా చివరికి క్షమిస్తుంది. ఇక్కడ బాలు వేసిన ప్లాన్ ఎపిసోడ్ హైలైట్గా మారింది. తండ్రికి రెండో పెళ్లి జరుగుతుందని, ఆస్తి కూడా కొత్త వ్యక్తికే వెళ్తుందని చెప్పి ప్రభావతిని షాక్కు గురి చేస్తాడు. దాంతో ఆమె వెంటనే ఇంటికి రావాలని నిర్ణయించుకుంటుంది. కానీ స్వాభిమానంతో నేరుగా కాకుండా మనోజ్ సహాయంతో "బలవంతంగా తీసుకువచ్చినట్లు" నటిస్తుంది. ఇంటికి వచ్చిన తర్వాత కూడా ఆమె షరతు పెట్టడం మరో ట్విస్ట్. మీనా పుట్టింటివారు ఇకపై ఇంటికి రాకూడదని చెప్పగా, మీనా అంగీకరించడం భావోద్వేగాన్ని పెంచింది. మరోవైపు గుణ బ్లాక్మెయిల్ కాల్తో రోహిణి టెన్షన్లో పడుతుంది. దీంతో కథలో మరో సస్పెన్స్ ట్విస్ట్ మొదలైంది.
Continue with Google