Guppedantha Manasu: వసుధారకు రిషి మూడు రోజుల గడువు.. బయట పడిన సాక్షి-దేవయాని కుట్ర!

నా దగ్గరికి వచ్చినప్పుడే..

వసుధారను చూడటానికి వెళ్లిన ధరణికి యాక్సిడెంట్ అవడం తెలిసిందే. రిషిని తీసుకుని ధరణి రూమ్ కు వెళుతుంది వసుధార. నా దగ్గరికి వచ్చినప్పుడే ఇలా జరిగింది సార్ అని రిషికి చెబుతూ బాధపడుతుంది వసుధార. దానికి.. నీ దగ్గరికి వచ్చిన ఎవ్వర్నీ ప్రశాంతగా ఉంచవా వసుధార అని అంటాడు రిషి. దీంతో ఏం మాట్లాడలేక బాధగా చూస్తుండిపోతుంది వసుధార. ఇంతవరకు జరిగిన సన్నివేశాలను ఇవాళ్టీ ప్రోమోలో చూపించారు.

3 రోజుల గడువు..

ఇక సెప్టెంబర్ 21న జరిగిన 561వ ఎపిసోడ్ లో కాలేజ్ క్లాస్ రూమ్ లో బోర్డు మీద యాంగ్రీ ప్రిన్స్ అని రాసి రిషి గురించి తనలో తానే మాట్లాడుకుంటుంది వసుధార. ఎలాగైన రిషికి ఇక్కడికి రావాలని బోర్డుపై సార్ రావాలి అని రాస్తూ ఉంటుంది. ఇంతలో అక్కడికీ రిషి వస్తాడు. వచ్చి క్లాస్ రూమ్ లో కూర్చొని వచ్చాడు అని రిషి అనడంతో షాక్ అవుతుంది వసుధార. తర్వాత కొద్దిసేపు ఇద్దరు కూర్చుని మాట్లాడుకుంటారు. నా కోపం పక్కన పెడతాను మన ప్రేమ కోసం ఒక సహాయం చేస్తావా వసుధారా అని అడుగుతాడు రిషి. ఏంటీ సార్ అని అంటుంది వసుధార.

నచ్చిన సమాధానం..

ఏం జరిగిన నాకు నీపై ప్రేమ తగ్గదు. కానీ నీ నుంచి నాకు ఒక సమాధానం కావాలి వసుధార. అది కూడా నాకు నచ్చిన సమాధానం కావాలి అని అంటాడు రిషి. దీంతో నచ్చిన సమాధానం అంటే జగతి మేడంను రిషి అమ్మ అని పిలిచే విషయమా అని మనసులో అనుకుంటుంది వసుధార. ఆ ప్రశ్న ఏంటో.. దానికి సమాధానం ఏంటో నీకు తెలుసు వసుధార అని రిషి అనడంతో షాక్ అవుతుంది వసు. ఆ తర్వాత నీకు మూడు రోజుల సమయం ఇస్తున్నాను. నీ దగ్గర నుంచి నాకు సమాధానం కావాలి అని అంటాడు రిషి.

అది మాత్రం మరిచిపోకు..

దీంతో కన్నీళ్లు పెట్టుకుంటుంది వసుధార. ఆ కన్నీళ్లు రిషి చేతిపై పడతాయి. కొద్దిసేపు వసుధారను చూసిన రిషి ఈ మూడు రోజుల విషయాన్ని మాత్రం మర్చిపోకు వసుధార అని వెళ్లిపోతాడు. తర్వాత ఒక వ్యక్తి నుంచి పెన్ డ్రైవ్ తీసుకుని ఇంటికి వెళ్తాడు రిషి. ఇంట్లో కి ఎంటర్ అవుతున్న రిషిని చూసి తనతో మాట్లాడుతాడో.. లేదో అని అనుకుంటూ ఉంటాడు మహేంద్ర.

ఇంతలో మహేంద్ర వద్దకు వచ్చి సారీ చెబుతాడు రిషి. నా కోపం ఎంతోసేపు ఉండదు డాడ్ అని సారీ చెబుతూ ఉంటాడు రిషి. ఆ తర్వాత వసుని ఏమైనా అన్నావా అని గౌతమ్ అడగ్గా.. అప్పుడే జగతి వస్తుంది. జగతిని చూసిన రిషి.. నాకు దూరమైన వాళ్లు దగ్గర కాలేరు.. దగ్గరైన వాళ్లు దూరం కారు అని జగతి, వసుధారను ఉద్దేశించి చెప్పినట్లు ఉంటాయి రిషి మాటలు.

దేవయాని ఆగ్రహం..

ఇక్కడ కట్ చేస్తే.. ఇంట్లో వదిలేసిన చీరను తీసుకెళ్లి వసుధారకు ఇస్తుంది ధరణి. కాసేపు మాట్లాడక అక్కడి నుంచి వెళ్లిపోతుంది ధరణి. కానీ అప్పుడే ధరణి యాక్సిడెంట్ అవుతుంది. దీంతో ధరణి కాలుకు దెబ్బ తగులుతుంది. రిషి ఇంట్లో ధరణి గదిలో ఆమెకు డాక్టర్ చేత చికిత్స చేయిస్తారు. ధరణిని వసుధార ఇంటికి తీసుకురావడం చూసి దేవయాని మండిపడుతుంది. తర్వాత వసుధారను, ధరణి కొన్ని మాటలు అంటుంది దేవయాని. ఇలా ఈ ఎపిసోడ్ ముగుస్తుంది.