Guppedantha Manasu: ఎర్ర గులాబీలతో వసుధారకు రిషి సర్​ప్రైజ్​! సాక్షి మరో ప్లాన్​?

వసుధారతో రిషి లాంగ్​డ్రైవ్​..

వసుధార అలా స్పృహ తప్పిపోవడానికి కారణం ఎవరని రిషి అడగ్గా.. ఏం చెప్పకుండా ఉంటుంది వసుధార. తనకు ఏం గుర్తులేదని, దానిని గుర్తు చేయకండి సార్​.. దానిని నేను మర్చిపోవాలనుకుంటున్నాను అని చెబుతుంది వసుధార. దీంతో సారీ వసుధార అని చెప్పి పదా వెళదాం అంటాడు. ఎక్కడికి అని వసుధార అడగడంతో లాంగ్ డ్రైవ్​కు వెళ్లాలని ఉందని ఎగ్జామ్స్​కు ముందు అడిగావ్​గా అని చెబుతాడు రిషి.

పెళ్లికి ప్లాన్..

మరోవైపు గౌతమ్, మహీంద్రాలు కలిసి రిషి, వసుధార ఫొటోలను చూస్తూ ఈ ఫొటో అయితే వెడ్డింగ్​ కార్డులో బాగుంటుంది కదా అని మాట్లాడుకుంటూ ఉంటారు. అప్పుడు తొందరపడకండి అని జగతి అంటుంది. ఇలా కొద్దిసేపు డిస్కషన్ తర్వాత గౌతమ్​, మహేంద్రా, ధరణి వీళ్లందరూ కలిసి రిషి, వసుధార పెళ్లి కోసం ప్లాన్స్​ వేస్తుంటారు. ఈ పెళ్లి మ్యాటర్​ను ఎలా ముందుకు తీసుకువెళ్లాలని అని ఆలోచిస్తూ ఉంటారు. అది చూసిన దేవయాని రగిలిపోతూ ఉంటుంది. సాక్షిని తిడుతూ ఉంటుంది. వాళ్లను నువ్వేం చేయలేకపోయావ్​. ప్రతీసారీ నీ ప్లాన్ ఫెయిల్​ అవుతూ వస్తుంది అని అంటుంది.

సాక్షి మరో ప్లాన్​..

దీంతో సాక్షి.. ఈసారి నేను వేసిన ప్లాన్​ మాములుగా ఉండదు. కచ్చితంగా రిషి, వసుధార విడిపోతారు. ప్లాన్​ ఫెయిల్​ అవ్వడం అనే మాటే ఉండదు. మీరే చూస్తారు కదా అని స్ట్రాంగ్​గా చెబుతుంది సాక్షి. మరోవైపు వసుధారను లాంగ్​ డ్రైవ్​కు తీసుకు వెళ్తాడు రిషి. అలా కారులో లాంగ్ డ్రైవ్​కు వెళుతూ ఒక చోట ఆపుతాడు రిషి. ఆ ప్లేస్ చాలా బాగుంటుంది. పచ్చన పొలాలతో, నదులతోనూ ఎంతో ఆహ్లాదకరంగా ఉంటుంది. వసుధార కారు దిగి సంతోషపడుతుంది. ఆ వాతావరణాన్ని ఆస్వాదిస్తుంటుంది. ఇంతలో వెనుక నుంచి ఎర్ర గులాబీల బొకేతో సర్​ప్రైజ్ ఇస్తాడు రిషి. ఆ గులాబీలు ఇస్తూ వసుధారకు ప్రపోజ్​ చేస్తాడు రిషి.

మహీంద్రా మ్యారేజ్ యానివర్సరీ..

దీంతో సార్​.. ఈ గులాబీలన్నీ నాకోసమేనా? అని అడగ్గానే నేను అడిగిన ప్రశ్నలన్నింటికి టకా టకామని సమాధానం చెప్పు అప్పుడు ఇవన్నీ నేకే అంటాడు రిషి. దీంతో వసుధార ఆలోచిస్తూ ఉంటుంది సార్ ఏం అడుగుతాడా అని. ఇదిలా సాగుతుంటే మరోవైపు అడ్వాన్స్​ హ్యాపీ యానివర్సరీ అంకుల్ అని మహీంద్రాకు చెబుతాడు గౌతమ్. అయితే తనకు మ్యారేజ్ యానివర్సరీ చేసుకోవాలని అంతగా ఇంట్రెస్ట్ లేదని చెబుతాడు మహీంద్రా. దీంతో ఎపిసోడ్​ పూర్తికాగా.. ఈసారి సాక్షి ఏం కుట్ర చేయబోతోంది? వసుధారను రిషి ఏ ప్రశ్నలు అడగబోతున్నాడు వంటి తదితర విషయాలు తెలుసుకోవాలంటే తర్వాతి ఎపిసోడ్ వరకు ఆగాల్సిందే.