బిగ్ బాస్ 3 లో హాట్ భామ.. శ్రీముఖికి పోటీగా! యూత్‌కి పండగే..

శ్రీముఖి, సావిత్రి గుడ్ బై.. కారణమిదే

'బిగ్ బాస్ 3' పార్టిసిపెంట్స్ గురించిన ఎన్నో విశేషాలు ఆసక్తి రేపుతున్నాయి. ఇప్పటికే బిగ్ బాస్ 3 పార్టిసిపెంట్స్ లిస్టులో తెలంగాణ తీన్మార్ పిల్ల సావిత్రి, హాట్ యాంకర్ శ్రీముఖి కూడా ఉందనే సమాచారం హల్చల్ చేస్తోంది. దీనికి సంబంధించి సావిత్రి, శ్రీముఖిలతో సంప్రదింపులు కూడా జరిగాయని, అందుకే శ్రీముఖి పటాస్ షోని, సావిత్రి తీన్మార్ షోని వదులుకున్నారని వార్తలు వస్తున్నాయి.

కుమారి 21 F బ్యూటీ.. హెబ్బా

కుమారి 21F సినిమాతో కుర్రకారు గుండెల్లో గ్లామర్ బ్యూటీగా స్థిర పడిపోయింది హెబ్బా పటేల్. ఆ తర్వాత అందం, అభినయం పుష్కలంగా ఉన్న హీరోయిన్‌గా పేరు తెచ్చుకొని పలు సౌత్ సినిమాల్లో గ్లామర్ బ్యూటీగా ముద్ర వేయించుకుంది హెబ్బా. దీంతో అమ్మడికి యూత్ ఫాలోయింగ్ బాగా పెరిగిపోయింది. హెబ్బా ఉందంటే సెగలు పుట్టించడం ఖాయం అని ఫిక్సయ్యాయారంతా.

హాట్ యాంకర్ శ్రీముఖికి పోటీగా హెబ్బాపటేల్

అయితే తాజాగా బిగ్ బాస్ 3 పార్టిసిపెంట్ లిస్ట్ లో హెబ్బా పటేల్ పేరు వినిపిస్తుండటంతో అందం, అట్రాక్షన్ పరంగా హాట్ యాంకర్ శ్రీముఖికి హెబ్బాపటేల్ పోటీగా నిలుస్తుందనే టాక్ మొదలైంది. ఇప్పటికే బిగ్ బాస్ నిర్వాహకులు హెబ్బాపటేల్ తో సంప్రదింపులు కూడా చేశారని సమాచారం అందుతోంది. ఇదే జరిగితే బుల్లితెర యూత్ ఆడియన్స్‌కి పండగే మరి.

ఫైనల్ లిస్ట్.. నెలాఖరులో ప్రారంభం

బుల్లితెర ఆడియన్స్ ఎప్పటినుంచో ఎదుచూస్తున్న సమయం ఆసన్నమైంది. ఈ నెలాఖరులో బిగ్ బాస్ సీజన్ 3 పేక్షకుల ముందుకు వచ్చేందుకు రెడీ అయింది. ప్రస్తుతం ప్రమోషన్స్ నిర్వహిస్తున్న బిగ్ బాస్ నిర్వాహకులు మరో రెండు మూడు రోజుల్లో ఫైనల్ లిస్ట్ ప్రకటించే అవకాశం ఉంది.