హైపర్ ఆదికి చుక్కలు చూపించిన అనసూయ.. దెబ్బకు దడుసుకున్నాడు!!

అత్తో అత్తమ్మ కూతురో..

ప్రతీ ఈవెంట్‌లో ఏదో ఒక కొత్త కాన్సెప్ట్‌తో ప్రేక్షకులను మెప్పించేందుకు ప్రయత్నిస్తుంటారు. అలా ఈ సారి మాత్రం మూడు జంటలతో అత్తో అత్తమ్మ కూతురో అంటూ రాబోతోన్నారు. ఇందులో రోజా మెయిన్ లీడ్‌గా సెంటరాఫ్ అట్రాక్షన్‌గా ఉండబోతోంది. ఇక వెరైటీగా రష్మీ చేత యాంకరింగ్ చేయిస్తున్నారు.

మూడు జంటలతో రచ్చ..

హైపర్ ఆది అనసూయ, రోహిణి రాం ప్రసాద్, వర్ష ఇమాన్యుయేల్‌లు జంటలుగా నటిస్తున్నారు. ఈ మూడు జంటలు రోజాకు కూతుళ్లు అల్లుళ్లు. ఇలా ఒక కాన్సెప్ట్‌తో ఎంటర్టైన్ చేయడం ఎప్పటి నుంచో వస్తోన్న కథే. కానీ ఇక్కడ ఈ మూడు జంటలు మాత్రం రచ్చ రచ్చ చేయడమే కొత్త.

అల్లుకుపోయిన ఆది..

దొరికిందే చాన్స్ అని ఆది అనసూయకు అల్లుకుపోయినట్టు కనిపిస్తోంది. మొదటగా రిలీజ్ చేసిన ప్రోమోలో ఏకంగా మన బేబీ గురించి అత్తమ్మ అడుగుతోందంటూ కొంటె కామెంట్ చేశాడు ఆది. అలా అనసూయ ఆది రొమాన్స్ బాగానే వర్కవుట్ అయింది.

తాజాగా ఇలా..

అయితే తాజాగా రిలీజ్ చేసిన ప్రోమోలో మాత్రం ఈ మూడు జంటలకు ట్రాక్టర్ డ్రైవింగ్ పోటీలు పెట్టారు. ఇందులో వర్ష ఇమాన్యుయేల్, ఆది అనసూయ, రోహిణి రాం ప్రసాద్‌ల జంటలు మూడు ట్రాక్టర్‌లపైకి ఎక్కారు. ప్రదీప్ కూడా వారితో పాటు పోటీల్లో పాల్గొన్నాడు.

దెబ్బకు దడుసుకున్న ఆది..

అనసూయకు ట్రాక్టర్ డ్రైవింగ్ రాదు.. కనీసం యాక్సలేటర్, బ్రేక్ ఎక్కడుందో కూడా తెలియడం లేదు.. ఏదోలా మెల్లిగా స్టార్డ్ చేసింది.. అలా జెర్క్‌లు ఇస్తుండటంతో అది వణికి పోయాడు. నీకు కూడా డ్రైవింగ్ రాదా? అంటూ భయపడ్డాడు. కాపాడండిరో అంటూ ఆది కేకలు వేసేశాడు. మొత్తానికి అనసూయ చేసిన పనికి ఆదికి చుక్కలు కనిపించినట్టున్నాయి.