నాగబాబుపై హైపర్ ఆది పంచ్.. పగలబడి నవ్విన రోజా

రెండూ పోటాపోటీగా..

జబర్దస్త్ షో నుంచి బయటకు వచ్చిన నాగబాబు.. కొత్త షోలను ప్రారంభిస్తే వాటికి పోటీగా అయిపోయిన షోలను మళ్లీ వేయడం వంటివి చేసింది మల్లెమాల. దీంతో ఫైర్ అయిన నాగబాబు.. జబర్దస్త్‌కు పోటాగా షోను నడపాలను కోవడం లేదని కానీ వారు మాత్రం మమ్మల్ని టార్గెట్ చేస్తున్నారని మండిపడ్డాడు.

జబర్దస్త్‌పై పంచులు..

అదిరింది షోలోనూ జబర్దస్త్‌పై పంచ్‌లు వేస్తుంటారు. షో ఆరంభంలోనైతే వీటి తాకిడి మరీ ఎక్కువగా ఉండేది. వారి స్కిట్స్‌లో జబర్దస్త్ షోను ఎక్కువ టార్గెట్ చేసేవారు. అయితే రాను రాను వారి షోపైనా శ్రద్ద పెట్టినట్టు కనిపిస్తోంది. హైపర్ ఆది మాత్రం సమయం దొరికినప్పుడల్లా.. నాగబాబు, అదిరింది షోపై పంచ్‌లు వేస్తూనే ఉంటాడు.

గతంలోనూ టార్గెట్..

హైపర్ ఆది తన స్కిట్స్‌లో పంచులను ఎలా ప్రవహింపజేస్తాడో అందరికీ తెలిసిందే. జబర్దస్త్‌ను, అదిరింది షోలను చేయడంపై అనసూయను, ఎప్పుడు ఎవరుంటారో ఎవరు పోతారో తెలియడం లేదంటూ పరోక్ష పంచ్‌లు ఇలా వేస్తూనే వస్తున్నాడు. తాజాగా మరో పంచ్‌ వేశాడు.

కుదిరింది షో..

గురువారం ప్రసారమైన జబర్దస్త్‌లో హైపర్ ఆది వేసిన స్కిట్‌లో పంచ్‌ల వర్షం కురిసింది. ఆ స్కిట్‌లో భాగంగా ఓ దొంగ వచ్చి.. నగల్ని, చీరల్ని, వీళ్లని తీసుకెళ్తా అని డైలాగ్ చెబుతాడు. వెంటనే ఆది అందుకుని.. ‘ఆ తీసుకెళ్లురా. మమ్మల్ని, యాంకర్లను, జడ్జిలను తీసుకెళ్లి.. నువ్వు కూడా 'కుదిరింది'అని ఒక షో పెట్టుకో' అని అందరికీ అర్థమయ్యేట్టుగానే కౌంటర్ వేశాడు.హైపర్ ఆది వేసిన ఆ పంచ్‌తో రోజా పగలబడి నవ్వుతూ పక్కనే ఉన్న మనోతో ఏదో గుసగుసలు పెట్టింది.