శేఖర్ మాస్టర్ మరీ అలాంటోడా?.. ఘోరంగా అవమానిస్తోన్న హైపర్ ఆది

రోజా స్థానంలో..

రాబోయే వారం జబర్దస్త్‌లో రోజా స్థానంలో శేఖర్ మాస్టర్ రాబోతోన్నాడు. ఈ మేరకు విడుదల చేసిన ప్రోమో తెగ వైరల్ అవుతోంది. స్కిట్స్ మధ్యలో మాస్టర్ వేసిన పంచ్‌లు ఫుల్ వైరల్ అవుతున్నాయి. అన్నంటి కంటే ఎక్కువగా హైపర్ ఆది మాస్టర్‌పై వేసిన సెటైర్స్ ఓ రేంజ్‌లో పేలాయి.

ఈ సారి కొత్త అమ్మాయి..

ప్రతీ ఎపిసోడ్‌కు ఓ కొత్త అమ్మాయిను పరిచయం చేయడం హైపర్ ఆదికి అలవాటే. అయితే ప్రతీసారి యాంకర్, సీనియర్ నటి వంటి వారిని తీసుకొచ్చే ఆది ఈసారి అంతగా పరిచయం లేనటువంటి అమ్మాయిని తీసుకొచ్చారు. ఇక ఆమె కూడా రెచ్చిపోయి కౌంటర్లు వేసింది.

కౌంటర్లతో దాడి..

హైపర్ ఆది తీసుకొచ్చిన సదరు అమ్మాయి ఎంట్రీ ఇచ్చి.. ‘ఏమండీ.. ఆ ఇద్దర్నీ (మను, శేఖర్ మాస్టర్) చూశారా?? ఆయన దగ్గర ఆట ఉంది.. ఈయన దగ్గర పాట ఉంది'స్కిట్ ప్రారంభించింది. ఇక వెంటనే అందుకన్న హైపర్ ఆది.. ‘ఏమే.. మొగుడు మల్లెపూలు చేతికి చుట్టుకుని రెడీగా ఉంటే.. ఆయన దగ్గర ఆట ఉంది.. ఈయన దగ్గర పాట ఉంది అంటావా?? మరి నా దగ్గర ఏం లేదనా??' అంటూ డబుల్ మీనింగ్ కౌంటర్ వేశాడు.

ఆయన కన్ను పడితే..

పరాయి పురుషుడ్ని చూస్తే మీకు జెలాసీ అని మళ్లీ ఆమె అనడంతో.. ‘పర పురుషుడు అయితే ఓకేనే.. అక్కడ ఉన్నది శేఖర్ మాస్టర్.. పురుషులందు ఆ పురుషుడు వేరయా.. విశ్వదాభి రామా ఆయన కన్ను పడిందంటే నువ్ సేఫ్ కాదే భామా??' అంటూ మరో సెటైర్ వేశాడు.

Recommended Video

Jabardasth Comedian Hyper Aadi Demands High Remuneration For Bigg Boss Season 4

మరీ అలాంటి వాడా?

‘ఈ అందం అంతా అడవి కాచిన వెన్నెల కావాల్సిందేనా' అని సదరు మహిళ మరో డైలాగ్ చెప్పడంతో ‘నువ్ అలాంటి హింట్లు ఇవ్వకు.. అక్కడ ఆయన కాచుకుని కూర్చున్నాడు' అంటూ శేఖర్ మాస్టర్‌ని ఓ ఆట ఆడుకున్నాడు హైపర్ ఆది. ఇక ఈ ప్రోమోను చూసిన వారికి నిజంగా శేఖర్ మాస్టర్ అలాంటివాడా? అనే అనుమానం రాకమానదు.