Intinti Gruhalakshmi Weekly Roundup: తులసికి ఫ్రెండ్స్ షాక్.. మళ్లీ ఆ ఇంటికే.. ఫోన్ రావడంతో ట్విస్ట్

12వ తేదీన ప్రసారమైన ఎపిసోడ్‌లో

12వ తేదీ సోమవారం ప్రసారం అయిన ఎపిసోడ్‌లో.. గుడికి వెళ్లేందుకు బయలుదేరిన సామ్రాట్‌ను అసలు మీకు దేవాలయానికి వెళ్లమని ఎవరు చెప్పారని తులసి ప్రశ్నిస్తుంది. దీంతో ఆఫీస్‌లోని కొందరు చెప్పారని అంటాడు. ఆ తర్వాత ఆ గుడికి వెళ్లి పూజలు చేయించుకున్నాక.. ముడుపు కట్టమని పూజారి చెప్తాడు. దీంతో సామ్రాట్, తులసి ముడుపులు కడతారు. అయితే, తులసి ఏం కోరిక కోరిందో అని సామ్రాట్ చూస్తాడు. అదంతా చూసిన పూజారి.. ఆ కోరికను నువ్వే తీర్చాలి అని సామ్రాట్‌కు చెబుతాడు. ఇక, లాస్య తనను అవమానించిన విషయాన్ని ప్రేమ్‌కు శృతి చెప్పేస్తుంది. ఈ ఎపిసోడ్ కోసం కింది లింక్‌పై క్లిక్ చేయండి.

13వ తేదీన ప్రసారమైన ఎపిసోడ్‌లో

13వ తేదీ మంగళవారం ప్రసారం అయిన ఎపిసోడ్‌లో.. తులసిని ఏ కోరిక కోరుకున్నారో చెప్పమని సామ్రాట్ పదే పదే అడుగుతాడు. కానీ, ఆమె మాత్రం అస్సలు చెప్పదు. అనంతరం ఇంటికి వెళ్లిన సామ్రాట్‌కు హనీ తనకు ఫస్ట్ ర్యాంక్ వచ్చిందన్న గుడ్ న్యూస్ చెబుతుంది. దీంతో ఈ విషయాన్ని అతడు తులసికి చెప్తాడు. ఆ తర్వాత ఉదయాన్నే ఓ ఊరు వెళ్దామని ఆమెతో అంటాడు. మరోవైపు, ప్రేమ్‌కు ఫుడ్ ఆర్డర్ రావడంతో లాస్య.. నందూకు అబద్దాలు చెబుతుంది. దీంతో శృతికి నందూ క్లాస్ పీకుతాడు. తర్వాత పరందామయ్య తినే వంటకాన్ని లాస్య లాక్కుని తినేసి ఇబ్బంది పెడుతుంది. ఈ ఎపిసోడ్ కోసం కింది లింక్‌పై క్లిక్ చేయండి.

14వ తేదీన ప్రసారమైన ఎపిసోడ్‌లో

14వ తేదీ బుధవారం ప్రసారం అయిన ఎపిసోడ్‌లో.. తులసి ముడుపులో ఉన్నట్లుగా ఆమె కోరిక తీర్చడం కోసం సొంతూరుకు తీసుకెళ్లాలని డిసైడ్ అయిన సామ్రాట్ కారులో తీసుకెళ్తుంటాడు. కానీ, ఆ ఊరు చూసిన తులసి గుర్తు పట్టదు. దీంతో ఊరి పేరు ఉన్న బోర్డు దగ్గర ఆపుతాడు. ఆ తర్వాత తులసి అది చూసి చాలా సంతోషిస్తుంది. ఆ తర్వాత ఆ ఊరిలోనే రోజంతా తిరగాలని అంటుంది. దీంతో సామ్రాట్ కూడా ఓకే అంటాడు. మరోవైపు, అంకిత దగ్గర వైద్యం చేయించడం కోసం ఇంటికి వచ్చిన పేషెంట్ల దగ్గర లాస్య 500 రూపాయలు వసూలు చేస్తుంది. ఈ ఎపిసోడ్ కోసం కింద లింక్‌పై క్లిక్ చేయండి.

15వ తేదీన ప్రసారమైన ఎపిసోడ్‌లో

15వ తేదీ గురువారం ప్రసారం అయిన ఎపిసోడ్‌లో.. సామ్రాట్‌తో కలిసి తన ఊరంతా తిరుగుతుండగా తులసికి తన సొంత ఇల్లు కనిపిస్తుంది. దీంతో ఈ విషయాన్ని అతడికి చెబుతుంది. అంతేకాదు, ఆ ఇల్లు కోర్టు కేసులో ఉందని అంటుంది. అప్పుడు సామ్రాట్ గేటు ఓపెన్ చేసి తులసిని లోపలికి తీసుకెళ్తాడు. అలా వెళ్లిన ఆమె తులసి కోటను శుభ్రం చేస్తుంది. ఆ తర్వాత ఇంటిని చూసి బాధ పడుతుంది. మరోవైపు, అంకిత తన కోసం వచ్చిన వాళ్లకు వైద్యం చేస్తుంది. అప్పుడు వాళ్లు లాస్య 500 తీసుకున్న విషయం చెప్పగా.. వాళ్లకు అంకితే ఆ డబ్బులు ఇచ్చేసి పంపిచేస్తుంది.

16వ తేదీన ప్రసారమైన ఎపిసోడ్‌లో

16వ తేదీ శుక్రవారం ప్రసారం అయిన ఎపిసోడ్‌లో.. తులసి, సామ్రాట్ ఇంట్లో ఉండగానే ఒకరు అక్కడకు వెళ్తారు. ఆ వచ్చింది వాళ్ల సంగీతం టీచర్ అని ఆమె గుర్తిస్తుంది. అంతేకాదు, తాను కొత్తగా మ్యూజిక్ స్కూల్‌ను పెట్టబోతున్నానని, దాని ఓపెనింగ్‌ను రావాలని గురువును కోరుతుంది. దీనికాయన ఓకే అంటాడు. అనంతరం ఈ ఇంటిని తులసికి వచ్చేలా చేస్తానని సామ్రాట్ అంటాడు. ఇక, పేషెంట్ల దగ్గర డబ్బులు తీసుకున్నదని లాస్యతో అంకిత గొడవ పడుతుంది. దీంతో ఆమెను లాస్య అవమానించేలా మాట్లాడుతుంది. తర్వాత నందూకు లేనిపోనివి చెప్పి క్లాస్ పీకిస్తుంది.

17వ తేదీన ప్రసారమైన ఎపిసోడ్‌లో

17వ తేదీ శనివారం ప్రసారం అయిన ఎపిసోడ్‌లో.. ఇంట్లో దొరికిన పెట్టెలో పాత వస్తువులను చూసి తులసి సంతోషిస్తుంటుంది. అలాగే, అప్పటి విషయాలను గుర్తు చేసుకుంటోంది. అలా ప్రతి విషయాన్ని సామ్రాట్‌కు వివరిస్తుంది. అప్పుడు వాక్‌మెన్ దొరకగా.. తన తల్లి పాట ఇందులో రికార్డు చేశానని చెబుతుంది. మరోవైపు, లాస్య తనను అవమానించడంతో అంకిత రగిలిపోతూ ఉంటుంది. ఆ సమయంలో అభితో గొడవకు దిగుతుంది. ఇక, లాస్య ఇంట్లోని ఫ్రిడ్జ్‌కు తాళం వేయడంతో పరందామయ్య టీ లేక ఇబ్బంది పడతాడు. చివర్లో తులసి తన స్నేహితులను కలుస్తుంది. ఈ ఎపిసోడ్ కోసం కింద లింక్‌పై క్లిక్ చేయండి.

ఈ వారంలో హైలైట్ అయింది ఇదే

డిసెంబర్ 12వ తేదీ నుంచి 17వ తేదీ వరకు సాగిన ‘ఇంటింటి గృహలక్ష్మి' సీరియల్ ఎన్నో ఆసక్తికరమైన సంఘటనలతో సాగింది. ఈ వారంలో తులసి తన ఊరికి వెళ్లడం.. అక్కడ సామ్రాట్‌తో కలిసి మొత్తం తిరగడం.. అ క్రమంలోనే తన చిన్ననాటి సంఘటనలను గుర్తు చేసుకోవడం వంటివి చూపించారు. మరోవైపు, లాస్య ఇంట్లో తన మాటే చెల్లుబాటు అయ్యేలా ప్లాన్ చేస్తుంటుంది. ఇందుకోసం పరందామయ్య, అనసూయను ఇబ్బంది పెట్టడంతో పాటు అంకిత, శృతిని ఘోరంగా అవమానిస్తుంది. దీంతో ఇంట్లో వాళ్లు తులసికి కంప్లైంట్ చేయాలని చూస్తారు.