Bigg Boss Telugu 6 నాగార్జున అక్కినేనికి భారీ రెమ్యునరేషన్.. సౌత్‌లో మన్మథుడే టాప్!

జూనియర్ ఎన్టీఆర్ హోస్ట్‌గా

బిగ్‌బాస్ తెలుగు సీజన్ 1 ఎన్టీఆర్ హోస్ట్‌గా ముంబైకి సమీపంలోని లోనావాలాలో వేసిన సెట్‌లో ప్రారంభమైంది. తొలి సీజన్‌లో 71 ఎపిసోడ్స్ జరిగాయి. 2017 జూలై 16వ తేదీన ప్రారంభమైన బిగ్‌బాస్ తెలుగు సెప్టెంబర్ 24 వరకు కొనసాగింది. దాదాపు 16 మంది కంటెస్టెంట్లు పాల్గొన్నారు. విజేతగా శివ బాలాజీ, రన్నరప్‌గా ఆదర్శ్ బాలకృష్ణ నిలిచారు.

నేచురల్ స్టార్ నాని హోస్ట్‌గా

ఇక బిగ్‌బాస్ తెలుగు రెండో సీజన్‌ సమయంలో రెమ్యునరేషన్, ఇతర అంశాల కారణంగా జూనియర్ ఎన్టీఆర్ తప్పకోవడంతో ఆ అవకాశం నానికి దక్కింది. నాని హోస్ట్‌గా బిగ్‌ బాస్ తెలుగు 2 సీజన్ 2018 జూన్ 10న ప్రారంభమై.. 2018 సెప్టెంబర్ 30వ వరకు కొనసాగింది. దాదాపు 18 మంది కంటెస్టెంట్లు పాల్గొన్నారు. హైదరాబాద్ కేంద్రంగా ఉత్కంఠగా, వివాదాల మధ్య జరిగిన ఈ సీజన్‌లో కౌశల్ మండా విజేతగా, గీతా మాధురి రన్నరప్‌గా నిలిచారు.

బిగ్‌బాస్ తెలుగు 3 సీజన్‌కు నాగార్జున హోస్ట్‌గా

బిగ్‌బాస్ తెలుగు సీజన్ 3 నుంచి నాని తప్పుకోవడంతో హోస్ట్‌గా నాగార్జున అక్కినేని తెరపైకి వచ్చారు. అప్పటికే స్టార్ మా టెలివిజన్‌లో మీలో ఎవరు కోటీశ్వరుడుతో ప్రేక్షకులను ఆకట్టుకొన్న నాగార్జున తనదైన శైలిలో దూసుకెళ్లాడు. అప్పటి నుంచి ఇప్పటి వరకు అంటే బిగ్ బాస్ తెలుగు 3, బిగ్ బాస్ తెలుగు 4, బిగ్ బాస్ తెలుగు 5 సీజన్లకు నాగార్జునే హోస్ట్‌గా వ్యవహరించారు.

బిగ్ బాస్ 3 సీజన్ల విజేతలు వీరే..

బిగ్‌బాస్ తెలుగు 3 సీజన్ 17 మంది కంటెస్టెంట్లతో 2019 జూలై 21 ప్రారంభమై.. 2019 నవంబర్ 3వ తేదీన ముగిసింది. రాహుల్ సిప్లిగంజ్ విజేతగా, శ్రీముఖి రన్నరప్‌గా నిలిచింది. శ్రీముఖిని విజేత కాకుండా కొందరు అడ్డుకొన్నారనే ప్రచారం ఆ సమయంలో జరిగింది. అయితే ఈ రెండు సీజన్లను నాగార్జున సమర్ధవంతంగా ముగించారనే ప్రశంసలు మీడియాలో కనిపించాయి.

బిగ్‌బాస్ తెలుగు సీజన్ 4, 5 గురించి

ఇక బిగ్ బాస్ తెలుగు 4 సీజన్ 19 మంది కంటెస్టెంట్లతో 2020 సెప్టెంబర్ నుంచి 2020 డిసెంబర్ వరకు కొనసాగింది. విజేతగా అభిజిత్, రన్నరప్‌గా అఖిల్ సార్థక్ గెలిచారు. ఇక ఐదో సీజన్‌లో 2021 సెప్టెంబర్ నుంచి 2021 డిసెంబర్ వరకు జరిగింది. వీజే సన్ని విజేతగా, షణ్ముఖ్ జస్వంత రన్నరప్‌గా నిలిచారు.

నాగార్జున రెమ్యునరేషన్ ఎంతంటే?

గత ఐదు సీజన్లను దిగ్విజయంగా పూర్తి చేసుకొన్న తర్వాత ఆరో సీజన్ కోసం నాగార్జున హోస్ట్‌గా సిద్దమవుతున్నాయి. బిగ్‌బాస్ తెలుగు 6 సీజన్ కోసం ప్రతీ ఎపిసోడ్‌కు నాగార్జున 12 లక్షల రూపాయలను రెమ్యునరేషన్‌గా అందుకొంటున్నట్టు సమాచారం. బిగ్‌బాస్ సీజన్‌కు హోస్ట్‌గా వ్యవహరించినందుకు గాను.. నాగార్జునకు మొత్తంగా 12 కోట్ల రూపాయాలను ఎండెమాల్ షైన్ ఇండియా ముట్టజెపుతుందనేది తాజా సమాచారం.