twitter
    For Quick Alerts
    ALLOW NOTIFICATIONS  
    For Daily Alerts

    రానా దగ్గుబాటికి క్రేజీ ఆఫర్.. ప్రాజెక్ట్ ఓకే అయితే ఇక ముంబైకి మకాం

    |

    వెండితెర, బుల్లితెర అనే తేడా లేకుండా హడలెత్తిస్తున్న రానా దగ్గుబాటికి మరో అరుదైన అవకాశం లభించినట్టు బాలీవుడ్ మీడియా కథనాలు వెల్లువెత్తుతున్నాయి. జాతీయ టెలివిజన్ మీడియాలో మంచి ప్రజాదరణ ఉన్న రియాలిటీ షోకు హోస్ట్‌గా వ్యవహరించబోతున్నట్టు వార్తలు గుప్పమంటున్నాయి. ఇప్పటికే తెలుగులో నంబర్‌వన్ యారీ అనే రియాలిటీ షోను అత్యంత సమర్ధవంతంగా నిర్వహిస్తున్న సంగతి తెలిసిందే. తాజాగా ఎంటీవీలో ప్రసారమయ్యే రియాలిటీ షో ఏస్ ఆఫ్ స్పేస్‌కు హోస్ట్‌గా వ్యవహరిస్తున్నట్టు వార్తలు వెలువడుతున్నాయి. వివరాల్లోకి వెళితే..

     ఎంటీవీ గేమ్ షోకు హోస్ట్‌గా

    ఎంటీవీ గేమ్ షోకు హోస్ట్‌గా

    ఏస్ ఆఫ్ స్పేస్ షో ఇటీవల తన తొలి సీజన్‌ను పూర్తి చేసుకొన్నది. ఈ కార్యక్రమానికి వికాస్ గుప్తా హోస్ట్‌గా వ్యవహరించాడు. 18 మంది కంటెస్టెంట్లు 6 రూమ్‌ల కోసం ఫైట్ చేయడం ఈ గేమ్ షోలో భాగం. ఆరు గదులను సొంతం చేసుకొనే క్రమంలో ప్రేక్షకుల మదిని గెలుచుకోవడం గేమ్‌లో ప్రధాన ఆకర్షణ.

    రెండో సీజన్‌ కోసం

    రెండో సీజన్‌ కోసం

    తొలి సీజన్ గ్రాండ్‌గా ముగియడంతో ఎంటీవీ రెండో సీజన్‌పై దృష్టిపెట్టింది. వికాస్ గుప్తా స్థానంలో రానా దగ్గుబాటిని హోస్ట్‌గా చేయాలనే ప్రతిపాదనను నిర్వాహకులు తీసుకొచ్చినట్టు సమాచారం. ఇప్పటికే సంప్రదింపులు జరుగుతున్నాయని మీడియా కథనాల్లో పేర్కొంటున్నారు.

     ముంబైలో రానా దగ్గుబాటి అడ్డా

    ముంబైలో రానా దగ్గుబాటి అడ్డా

    ఒకవేళ హెస్ట్‌గా అవకాశం దక్కితే ముంబైలో రానా బిజీగా మారడంలో ఎలాంటి సందేహం అక్కర్లేదు. హోస్ట్‌గా కన్ఫర్మ్ అయితే ఆయన ముంబైకి మకాం మార్చే అవకాశం ఉందని వార్తలు వినిపిస్తున్నాయి. రానాతోపాటు కుబ్రా సేథ్, విద్యుత్ జమ్వాల్ కూడా ఈ హోస్ట్ రేసులో ఉన్నట్టు తెలుస్తున్నది. అయితే ఎక్కువ అవకాశాలు రానాకే ఉండొచ్చనేది తాజా సమాచారం.

    భారీ ప్రాజెక్టుల్లో రానా దగ్గుబాటి

    భారీ ప్రాజెక్టుల్లో రానా దగ్గుబాటి

    బాహుబలి తర్వాత రానా క్రేజ్ దేశవ్యాప్తంగా పెరిగిపోయింది. హౌస్‌ఫుల్ 4, హాథీ మేరి సాథీ లాంటి పలు భారీ ప్రాజెక్టుల్లో నటిస్తున్నాడు. అలాగే హిందీ, తెలుగు భాషల్లో రూపొందే విరాటపర్వం సినిమాకు గ్రీన్ సిగ్నల్ ఇచ్చాడు. వేణు ఊడుగుల రూపొందించే ఈ సినిమాలో రానా సరసన సాయిపల్లవి హీరోయిన్‌గా నటిస్తున్నది.

    English summary
    MTV reality show Ace Of Space's first season was hosted by Vikas Gupta. The first season was a success due to the unique tasks and choice of contestants. According to TOI report, the makers are considering Baahubali actor Rana Daggubati to host the show. It is also being said that if everything falls in place, Rana shall shift to Mumbai for the show.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X