జబర్దస్త్ టీం లీడర్ ఫ్యాక్షన్ ప్రేమ.. చమ్మక్ చంద్ర, రోజా వల్లే...సొంత బావని కిడ్నాప్ చేసి !

చంద్ర అదిరిందికి వెళ్ళడంతో

ఈ జబర్దస్త్ టీమ్ లీడర్ అదుర్స్ ఆనంద్ ముందుగా చమ్మక్ చంద్ర టీమ్ లో పనిచేశాడు. చంద్ర మంచి ఫామ్ లో ఉండగా నాగబాబు జీ తెలుగు అదిరింది షో కి వెళ్లడం, ఆయన వెంట చమ్మక్ చంద్ర వంటి కొందరు సీనియర్లు వెళ్లడంతో అప్పట్లో టీంలకి లీడ్ చేసే వాళ్ళు లేక జబర్దస్త్ నిర్వాహకులు ఆనంద్ లాగా యాక్టివ్ గా ఉన్న వాళ్లను చూసి టీం లీడర్స్ ను చేశారు. అలా చంద్ర అదిరింది వెళ్లడంతో ఆనంద్ కి టీం లీడర్ అవకాశం దక్కింది.

ఫ్యాక్షన్ రేంజ్ పెళ్లి

ఇక తాను జబర్దస్త్ లో చమ్మక్ చంద్ర టీంలో చేస్తున్న సమయంలో తన ప్రేమ పెళ్లి, ఒక ఫ్యాక్షన్ సినిమాలాగా సాగిందని ఆనంద్ చెప్పుకొచ్చాడు. తన భార్య ఫోన్ లో పరిచయం అయిందని, అలా ప్రేమించుకుని పెళ్లి చేసుకునే దాకా వెళ్లామని చెప్పుకొచ్చాడు. తన భార్యది అనంతపురం కావడంతో ఆమె తల్లిదండ్రులు కనీసం తనను కలవడానికి కూడా ఒప్పుకోలేదు అని ఈ నేపథ్యంలోనే ఇద్దరం కలిసి పెళ్లి చేసుకోవడానికి సిద్ధం అయి ఆమె వచ్చేయడంతో ప్రేమ పెళ్లి చేసుకున్నామని చెప్పుకొచ్చాడు.

సుమోల్లో హైదరాబాద్ కి

అయితే తాను సినిమాల్లో పని చేస్తున్నానని సంగతి తెలుసుకున్న అమ్మాయి తల్లిదండ్రులు తనను చంపి అయినా ఆమెను తీసుకు వెళ్లాలనే ఉద్దేశంతో హైదరాబాదుకు సుమోల్లో వచ్చారని, ఆ సమయంలో తన గురువు చమ్మక్ చంద్ర అలాగే తమ జడ్జి రోజా ఇద్దరు అండగా నిలిచారని చెప్పుకొచ్చారు. కుర్రవాడు మంచివాడే అని వాళ్లకు సర్ది చెప్పారని ఆనంద్ చెప్పుకొచ్చాడు. అలాగే తన వల్ల ఇబ్బంది పడిన రోజాకి చంద్రకు ఇప్పుడు క్షమాపణలు చెబుతున్నానని కూడా ఆయన చెప్పుకొచ్చారు.

రోజా చెప్పినా వినకుండా

అయితే వాళ్ళు చెప్పినా సరే తమ భార్య బంధువులు వినలేదని తనకోసం హైదరాబాద్ అంతా గాలిస్తున్న నేపథ్యంలో పోలీసులు ఒక నెల రోజులు ఎక్కడికైనా వెళ్లిపోవాలని సూచించారని అన్నాడు. అలా తమ సొంత ఊరైన నెల్లూరు వెళ్లి ఒక నెలరోజులు ఉన్నాక లాయర్ల ద్వారా కాంప్రమైజ్ కి వద్దామని ప్రయత్నిస్తుండగా తమ నెల్లూరు అడ్రస్ కూడా తెలుసుకుని తమ ఇంట్లో ఉన్న సొంత బావని కిడ్నాప్ చేశారని చెప్పుకొచ్చాడు. అమ్మాయిని ఇస్తేనే అతన్ని వదులుతామని కండిషన్ పెట్టారని అన్నాడు. ఇదంతా జరిగిన నేపథ్యంలో చివరికి పోలీసులు దగ్గర కూర్చొని కాంప్రమైజ్ కి వచ్చామని చెప్పుకొచ్చాడు.

Recommended Video

Hyper Aadi Skit Not Shown In Popular Comedy Show Latest Episode || Filmibeat Telugu

దానికి కారణం రోజా, చమ్మక్ చంద్రలే

అంతా సర్దుకున్నాక పెళ్లి చేస్తామని వాళ్ళు చెప్పారని అయితే తాను నమ్మలేదని చెప్పుకొచ్చాడు. అనంతపురం లో పెళ్లి ఉందని ఫోన్ చేయగా తనకు భయం వేసింది అని అక్కడికి వెళ్ళాక ఏమైనా చేస్తే అనే భయంతో అనంతపురంలో ఉన్న స్నేహితులతో వాకబు చేస్తే అసలు విషయం తెలిసింది అని ఆనంద్ పేర్కొన్నారు. తన భార్య కుటుంబం కూడా చాలా మంచిదేనని కాకపోతే ఇలా సినిమాల్లో చేసే వ్యక్తి కూతుర్ని తీసుకుని వెళ్లి పోతే ఎక్కడో అమ్మేస్తాడు ఏమో అనే భయం వాళ్లను వెంటాడింది అని అందుకే అలా వెంట పడ్డారు అని చెప్పుకొచ్చాడు. తాను తన భార్యతో ఇప్పుడు సుఖంగా ఇప్పుడు ఉన్నానంటే దానికి కారణం రోజా, చమ్మక్ చంద్రలే అని ఆయన చెప్పుకొచ్చాడు.