రోజమ్మ చేసిన సహాయానికి కాళ్ళు మొక్కాల్సిందే..: జబర్దస్త్ కమెడియన్ ఎమోషనల్

జబర్దస్త్ ఆనంద్..

ఓ వైపు రాజకీయ నాయకురాలిగా కొనసాగుతున్న రోజా జబర్దస్త్ షో ద్వారా మంచి క్రేజ్ అందుకున్నారనే చెప్పాలి. నాగబాబు షో నుంచి దురమైనప్పటికి రోజా మాత్రం అదే స్థానంలో కొనసాగుతున్నారు. ఇక ఆమె కమెడియన్స్ జీవితాలకు ఎంతగా ఉపయోగపడతారో ఇటీవల అదుర్స్ ఆనంద్ ఎమోషనల్ అవుతూ చెప్పాడు.

ఇంతకు మించిన సక్సెస్ మరొకటి ఉండదు.

ఆనంద్ మాట్లాడుతూ.. నేను ఈ స్థాయిలో ఉండడానికి మొదటి కారణం జబర్దస్త్ షో. అవకాశాల కోసం కష్టాలు పడుతున్న సమయంలో మా ఆకలి తీర్చిన మల్లెమాల సంస్థకు అలాగే నిర్మాత శ్యామ్ ప్రసాద్ రెడ్డి గారికి ప్రత్యేక కృతజ్ఞతలు తెలుపుకుంటున్నాను. ఇంతకు మించిన సక్సెస్ మరొకటి ఉండదు. అలాగే నాగబాబు, రాజా గారు కూడా చాలా సహాయం చేశారు.

ఆమె వల్లే ఇల్లు, పెళ్లి..

రోజాగారు నాకు ఒక దేవత. రోజమ్మ చేసిన సహాయం వల్ల నా లైఫ్ మరో స్థాయికి వెళ్లింది. చిన్న పాత్రలు వేసుకుంటున్నప్పుడు టీమ్ లీడర్ గా మార్చారు. ఆ తరువాత పర్సనల్ లైఫ్ లో కూడా ఆమె ఎంతగానో సహాయం చేశారు. ముఖ్యంగా పెళ్లి విషయంలో ఆమె చాలా సపోర్ట్ చేశారు. అలాగే నాకు ఒక ఇల్లు ఉందంటే అందుకు కారణం కూడా రోజా గారే అంటూ..ఈ సందర్భంగా ఆమెకు పాదాభివందనం తెలియజేస్తున్నానని ఆనంద్ వివరణ ఇచ్చాడు.

Recommended Video

Anasuya Bharadwaj Likely To Out From Jabardasth Show

అనసూయా, రష్మీ కూడా..

అలాగే జబర్దస్త్ యాంకర్స్ గురించి మాట్లాడుతూ.. జబర్దస్త్ షోలకు స్పెషల్ ఎట్రాక్షన్ గా నిలిచే అనసూయా, రష్మీ ఇద్దరు కూడా చాలా మంచి వారు. ఎప్పుడైనా వారిపై జోకులు, పంచ్ లు వేసినా కూడా ఎలాంటి అభ్యంతరాలు చెప్పారు. వారు కూడా జబర్దస్త్ కమెడియన్స్ కి ఎంతగానో సపోర్ట్ చేస్తారు అంటూ ప్రతి ఎపిసోడ్ ని మరో లెవెల్ కి తీసుకు వెళ్ళడానికి వారు చేసే కృషి చాలానే ఉంటుందని ఆనంద్ తెలిపారు.