Jabardasth Show rating.. టాప్ రేపిన జబర్దస్త్ కామెడీ... అనసూయ షో ఎవరికీ అందనంత రేంజ్‌లో!

25వ వారం రేటింగ్స్‌లో

ప్రస్తుత ఏడాది 25వ వారానికి సంబంధించి.. సీరియల్స్ విభాగంలో స్టార్ మా సత్తా చాటుకొంటే.. నాన్ సీరియల్ విభాగానికి సంబంధించిన రేటింగ్ విషయంలో ఈటీవీ భారీగా గణాంకాలను నమోదు చేసుకొన్నది. ఎంటర్‌టైన్‌మెంట్‌కు సంబంధించిన ర్యాంకింగ్‌లో ఈటీవీలోని పలు కార్యక్రమాలను ఉత్తమ ఫలితాలను సాధించింది.

జబర్దస్త్ టాప్ రేటింగ్‌తో

తెలుగు ప్రేక్షకులను విశేషంగా ఆకట్టుకొంటున్న జబర్దస్త్, ఎక్స్‌ట్రా జబర్దస్త్ షోలు టాప్ రేటింగును సొంతం చేసుకొన్నాయి. గత వారం అంటే.. 24వ వారంలో జబర్తస్త్ ఖతర్నాక్ కామెడీ షో అర్బన్‌లో 5.96, రూరల్‌లో 8.99 రేటింగ్‌ను నమోదు చేశాయి. ఇక తాజా వారంలో 7.64 అర్బన్‌లో, రూరల్‌లో 10.25 రేటింగును జబర్దస్త్ సొంతం చేసుకొన్నది.

ఎక్స్‌ట్రా జబర్దస్త్‌ గురించి

ఇక ఎక్స్‌ట్రా జబర్దస్త్ కామెడీ షో విషయానికి వస్తే.. 25వ వారంలో అర్బన్‌లో 6.55, రూరల్‌లో 8.86 రేటింగును నమోదు చేసుకొన్నది. గత వారంతో చూస్తే స్వల్పంగా క్షీణించింది. 24వ వారంలో ఎక్స్‌ట్రా జబర్దస్త్ కామెడీ షో అర్బన్‌లో 7.00, రూరల్‌లో 8.99 నమోదు చేసింది. అయితే ఈవారం తగ్గడానికి కర్ఫ్యూ, లాక్‌డౌన్ సడలింపులు కారణం కావొచ్చనే అభిప్రాయం వ్యక్తమవుతున్నది.

యాంకర్ సుమ, ఓంకార్ షోల రేటింగ్స్

ఇక స్టార్ మా ఛానెల్‌లో యాంకర్ సుమ హోస్ట్‌గా ప్రసారమయ్యే స్టార్ మ్యూజిక్ 25వ వారంలో అర్బన్‌లో 3.55, రూరల్‌లో 4.47 రేటింగ్‌ను సాధించింది. అలాగే కామెడీ స్టార్స్ విషయానికి వస్తే... అర్బన్‌లో 3.33, రూరల్‌లో 4.12 రేటింగ్‌ను సాధించింది. ఇక ఓంకార్ హోస్ట్‌గా నిర్వహించే సిక్త్‌సెన్స్ షో కూడా మంచి రేటింగ్‌ను నమోదు చేసింది. 25వ వారంలో అర్బన్‌లో 4.05, రూరల్‌లో 5.23 రేటింగ్‌ను సొంతం చేసుకొన్నది.