‘జబర్దస్త్’ నుంచి హైపర్ ఆది ఔటా?... ఇదే అదునుగా ఏం జరుగుతుందంటే!

రకరకాల ప్రచారం

ఆది ‘జబర్దస్త్' షోకు దూరం కావడంపై రకరకాల ప్రచారాలు జరుగుతున్నాయి. ఈ షో ద్వారా వచ్చే సంపాదనతో అతడు సంతృప్తి పడటం లేదని, సినిమాల్లో ట్రై చేస్తున్నాడని ఇలా పుకార్లు షికార్లు చేస్తున్నాయి.

పవన్ కళ్యాణ్ తరుపున ప్రచారం కోసమా?

పవన్ కళ్యాణ్, జనసేన మద్దతుదారుడైన హైపర్ ఆది... ఎన్నికల సమయం కాబట్టి పూర్తి స్థాయిలో తన అభిమాన నటుడి పార్టీకి ప్రచారం చేయడానికి సమయం కేటాయించాడని, అందుకే ఈ షోకు దూరం అయ్యారనే మరో వానద కూడా ఉంది.

ఇదే అదునుగా ఏం జరుగుతుందంటే..

అయితే హైపర్ ఆది జబర్దస్త్ షోకు ఎందుకు దూరం అయ్యాడనే విషయం తెలుసుకోవడానికి అభిమానులు ఆసక్తి చూపుతున్నారు. ఇదే అదునుగా యూట్యూబ్లో వ్యూస్ కోసం జనాలను బోల్తాకొట్టిస్తూ వీడియోలను ట్రెండ్ చేస్తున్నారు. హైపర్ ఆది ఎందుకు జబర్దస్త్ నుండి వెళ్లిపోయాడో చెప్పేసిన రైజింగ్ రాజు... అంటూ పాత వీడియోలను ట్రెండ్ చేస్తున్నారు. అయితే వీడియో మొత్తం చూసినా అందులో అసలు మ్యాటర్ లేక పోవడంతో అభిమానులు ఖంగుతింటున్నారు.

తన టీమ్‌ను బాగా చూసుకున్న హైపర్ ఆది

హైపర్ ఆది గురించి టీమ్ మెంబర్స్ రైజింగ్ రాజు గతంలో ఓ ఇంటర్వ్యూలో పలు ఆసక్తికర విషయాలు వెల్లడించారు. అతడు తన టీమ్‌ను చాలా బాగా చూసుకుంటాడని, తనతో సమానంగా నాకు డబ్బులు ఇస్తాడని, ఇతర టీమ్ మెంబర్స్‌కు డబ్బులిచ్చే విషయంలో కూడా చాలా న్యాయంగా ఆలోచిస్తాడని చెప్పుకొచ్చారు.

కోట్లు సంపాదించామనేది అవాస్తవం

మేమిద్దరం కలిసి బయట ఈవెంట్స్ చేసుకుంటూ కోట్లు సంపాదించారని అనుకుంటారు. నెలలో 15 రోజులు ఈవెంట్స్ చేస్తున్నామని జనం అనుకుంటారు. కానీ అది నిజం కాదు. నెలలో రెండు మూడు సార్లు ఉంటాయి. ఒక్కోసారి ఉండక పోవచ్చు. సీజన్ బట్టి ఈవెంట్స్ ఉంటాయి అని రైజింగ్ రాజు గతంలో ఓ ఇంటర్వ్యూలో తెలిపారు.