పెళ్లి తర్వాతే అన్నీ ఇస్తా.. ఆటో రాంప్రసాద్‌కు జబర్దస్త్ బ్యూటీ షాక్!

తెలుగు బుల్లితెరపై కామెడీ షోలకు కొత్త నిర్వచనం ఇచ్చిన కార్యక్రమం 'జబర్దస్త్'. ఈ షో దాదాపు 13 ఏండ్లుగా ప్రేక్షకులను అలరిస్తూ విజయవంతంగా కొనసాగుతోంది. కాలం మారినా, కొత్త కొత్త వినోద కార్యక్రమాలు వచ్చినా.. జబర్దస్త్ మాత్రం తన ప్రత్యేకతను నిలబెట్టుకుంటూ ప్రేక్షకులను కడుపుబ్బా నవ్విస్తోంది. ఒకప్పుడు టీఆర్పీ రేటింగ్స్‌లో సంచలనాలు సృష్టించిన ఈ షోకు ప్రస్తుతం కొంతమేర ఆదరణ తగ్గినా.. ఇప్పటికీ లక్షలాది మంది ప్రేక్షకులు ప్రతి వారం కొత్త ఎపిసోడ్ కోసం ఎదురుచూస్తుంటారు. ఈ వారం ప్రసారం కానున్న ఎపిసోడ్‌కు సంబంధించిన ప్రోమోను ఈటీవీ విడుదల చేయగా.. అందులోని స్కిట్లు, పంచ్‌లు, కామెడీ సన్నివేశాలు సోషల్ మీడియాలో వైరల్ అవుతున్నాయి.

ప్రోమో ప్రారంభంలో రాంప్రసాద్ తన లవర్‌తో కలిసి కనిపిస్తాడు. చాలా రోజుల తర్వాత కలిశాం కాబట్టి ఒక ముద్దు ఇవ్వమని అడగగా..అన్ని పెళ్లి తర్వాతే అంటూ ఆమె చెప్పడం నవ్వులు పూయిస్తుంది. ఆ తర్వాత జెన్‌జీ జనరేషన్ గురించి ఇద్దరి మధ్య జరిగే సంభాషణ ప్రేక్షకులను ఆకట్టుకుంటుంది. "నేను అందరిలాంటి జెన్‌జీని కాదు.. డిఫరెంట్ జెన్‌జీ" అంటూ హీరోయిన్ చెప్పిన డైలాగ్‌కు స్టూడియో మొత్తం నవ్వులతో మార్మోగిపోతుంది.

ఇదే సమయంలో దొరబాబు ఎంట్రీ ఇవ్వడం, ఫోన్ అడిగిన రాంప్రసాద్‌కు ఫోన్‌కు లాక్ పెట్టిన విధానం, దాన్ని అన్‌లాక్ చేయడానికి నాలుకను ఉపయోగించడం వంటి కామెడీ ఎలిమెంట్స్ ప్రేక్షకులకు ఫుల్ ఎంటర్‌టైన్‌మెంట్ అందిస్తాయి. తరువాత ఇద్దరూ ఒకే అమ్మాయిని ప్రేమించి మోసపోయామని పోలీస్ స్టేషన్‌కు వెళ్లే సన్నివేశం కూడా నవ్వులు పూయిస్తుంది. రైజింగ్ రాజు పోలీస్ ఆఫీసర్ పాత్రలో కనిపిస్తూ తనదైన కామెడీ టైమింగ్‌తో అలరిస్తాడు. ఫోన్ పాస్‌వర్డ్‌ల గురించి జరిగే సంభాషణలో రాంప్రసాద్ నాలుకతో, దొరబాబు పెదవులతో, రైజింగ్ రాజు దగ్గుతో ఫోన్ అన్‌లాక్ అవుతుందని చెప్పడం ప్రేక్షకులకు కడుపుబ్బా నవ్వులు తెప్పిస్తుంది.

మరోవైపు ధనరాజ్ రాజు గెటప్‌లో చేసిన స్కిట్ కూడా మంచి ఆకర్షణగా నిలిచింది. వైద్యుడి దగ్గర అప్పు అడిగి, ఇవ్వలేదని అతడిని ఉద్యోగం నుంచి తొలగించే సన్నివేశం నవ్వులు పూయించింది. "అప్పు ఇచ్చేవాడే వైద్యుడు అంటారు.. మీరు అప్పు ఇవ్వలేనప్పుడు వైద్యుడు ఎలా అవుతారు?" అంటూ ధనరాజ్ వేసిన పంచ్‌కు జడ్జీలు సైతం నవ్వులు ఆపుకోలేకపోయారు. అలాగే పంచ్ ప్రసాద్, వినోదినీ జంట చేసిన స్కిట్ కూడా ప్రోమోలో ప్రత్యేక ఆకర్షణగా నిలిచింది. లివింగ్ రిలేషన్‌షిప్ గురించి సరదాగా మాట్లాడుకుంటూ చేసిన కామెడీ ప్రేక్షకులను ఆకట్టుకుంది. ఉద్యోగం పోయిందని పెళ్లి వాయిదా వేసుకున్నానని ప్రసాద్ చెప్పగా.. "ఎప్పుడూ ఏదో ఒకటి పోతూనే ఉంటుంది కదా" అంటూ జడ్జ్ ఇంద్రజ వేసిన పంచ్ స్టేజ్‌ను నవ్వులతో నింపేసింది.

అయితే ఈ ప్రోమోలో అందరి దృష్టిని ఆకర్షించిన స్కిట్ మాత్రం బుల్లెట్ భాస్కర్, పొట్టి నరేష్‌లది. సినిమా షూటింగ్ నేపథ్యంలో రూపొందించిన ఈ స్కిట్‌లో భాస్కర్ దర్శకుడిగా, ఫైమా హీరోయిన్‌గా, నరేష్ హీరోగా కనిపిస్తారు. ప్రారంభంలోనే హీరోగా నరేష్ తన స్టైల్‌లో కామెడీ చేయగా.. ఫైమా డబుల్ మీనింగ్ పంచ్‌లతో స్కిట్‌ను మరింత ఆసక్తికరంగా మార్చింది. ఇక కథలో ట్విస్ట్ ఏమిటంటే.. హీరో నరేష్ ఇటీవల సైకిల్ కొనుగోలు చేశాడని తెలిసి స్కిట్‌లోని పాత్రలంతా అతడికి శుభాకాంక్షలు చెబుతారు. సైకిల్ కొన్నందుకు ఇంత హడావుడి చేయడం, దానిని హీరో స్థాయిలో చూపించడం ప్రేక్షకులను నవ్వుల్లో ముంచెత్తింది. ఇక్కడే ఇంద్రజ వేసిన పంచ్ మరోసారి హైలైట్‌గా మారింది.

ఆ తర్వాత షూటింగ్ సన్నివేశంలో నరేష్ సరిగా నటించకపోవడంతో దర్శకుడి పాత్రలో ఉన్న బుల్లెట్ భాస్కర్ ఒక్కసారిగా ఆగ్రహం వ్యక్తం చేస్తాడు. "ఒక్క సినిమా హిట్ అయ్యి సైకిల్ కొన్నావని పొగరు తలకెక్కిందా?" అంటూ నరేష్‌ను అందరి ముందూ తిట్టినట్లుగా నటించడం ప్రేక్షకుల్లో ఆసక్తి రేపింది. అయితే ఇది పూర్తిగా స్కిట్‌లో భాగమే అయినప్పటికీ.. భాస్కర్ చెప్పిన డైలాగ్‌లు, నరేష్ ఇచ్చిన రియాక్షన్స్ ప్రోమోకు హైలైట్‌గా నిలిచాయి. భాస్కర్ మందలింపుతో తనను తాను నిరూపించుకోవాలని నిర్ణయించుకున్న నరేష్.. "నన్ను మించిన నటుడు లేడు" అన్నట్లు ఓవర్ కాన్ఫిడెన్స్ చూపించే సన్నివేశాలు మరింత నవ్వులు తెప్పించాయి. చివర్లో జరిగే ఫైట్ సీన్‌లో నరేష్ షర్ట్ విప్పి మరీ యాక్షన్ చేయడం ప్రేక్షకులను కడుపుబ్బా నవ్వించింది.

ఇలా ఈ వారం జబర్దస్త్ ఎపిసోడ్‌లో కామెడీ, పంచ్‌లు, సెటైర్లు, డబుల్ మీనింగ్ డైలాగ్‌లు, ఫుల్ ఎంటర్‌టైన్‌మెంట్ ప్యాకేజీగా కనిపిస్తోంది. ముఖ్యంగా బుల్లెట్ భాస్కర్-నరేష్ స్కిట్, రాంప్రసాద్-దొరబాబు కామెడీ ట్రాక్, ధనరాజ్ పంచ్‌లు ఈ వారం ఎపిసోడ్‌కు ప్రధాన ఆకర్షణలుగా నిలిచే అవకాశం కనిపిస్తోంది. ఇప్పటికే ఈ ప్రోమో సోషల్ మీడియాలో వైరల్ అవుతుండగా.. పూర్తి ఎపిసోడ్ కోసం ప్రేక్షకులు ఆసక్తిగా ఎదురుచూస్తున్నారు.