జబర్ధస్త్ వర్షపై దారుణమైన ప్రచారం: సంచలనంగా మారిన షాకింగ్ న్యూస్

సీరియల్ నటిగా ఫుల్ ఫేమస్

మోడల్‌గా కెరీర్‌ను ప్రారంభించిన వర్ష.. నటిగా అవకాశాలను అందుకోవడం కోసం ప్రయత్నాలు చేసింది. ఈ క్రమంలోనే తనదైన అందంతో అందరి దృష్టినీ ఆకర్షించింది. ఈ క్రమంలోనే 'అభిషేకం' అనే సీరియల్ ద్వారా నటిగా ఎంట్రీ ఇచ్చింది. ఆ తర్వాత 'తూర్పు పడమర', 'ప్రేమ ఎంత మధురం' వంటి సీరియళ్లలో నటించి ఫుల్ ఫేమస్ అయిపోయింది.

జబర్ధస్త్‌గా వర్ష యాక్టింగ్ కెరీర్

తెలుగు బుల్లితెరపై వరుసగా సీరియళ్లు చేస్తూ బిజీగా గడుపుతోన్న సమయంలోనే వర్ష.. జబర్ధస్త్ షోలోకి వచ్చి ఓ స్కిట్ చేసింది. అది సూపర్ హిట్ అవడంతో పాటు ఆమె బాగా హైలైట్ అయిపోయింది. దీంతో అదే షోలో మరిన్ని స్కిట్లు చేసే ఛాన్స్ దక్కించుకుంది. అలా అందులోనే కొనసాగుతోంది. దీంతో ఆమె కెరీర్‌ కూడా జబర్ధస్త్‌గానే సాగుతుందని చెప్పుకోవచ్చు.

వరుస షోలతో ఫుల్ బిజీగానే

అందంతో పాటు అభినయం చూపిస్తూ విశేషమైన ఆదరణను సొంతం చేసుకున్న వర్ష.. తన ఫాలోయింగ్‌ను అంతకంతకూ పెంచుకుంటూనే ఉంది. అదే సమయంలో ఆఫర్లను కూడా దక్కించుకుంటోంది. ఇలా ఇప్పటికే ఈ బ్యూటీ 'జబర్ధస్త్‌', 'ఎక్స్‌స్ట్రా జబర్ధస్త్', 'శ్రీదేవీ డ్రామా కంపెనీ'తో పాటు పలు ఈవెంట్లు, షోలలో కూడా భాగం అవుతూ హవాను చూపిస్తోంది.

లవ్ ట్రాక్‌తో మరింత క్రేజీగా

జబర్ధస్త్‌ షోలో నటిగా పాపులర్ అయిన వర్ష తన క్రేజ్‌ను మరింతగా పెంచుకుంటోంది. దీనికి ఆమె యంగ్ కమెడియన్ ఇమాన్యూయేల్‌తో ప్రేమాయణం కూడా ఒక కారణం అని చెప్పొచ్చు. అతడితో ట్రాక్ నడుపుతున్నట్లు చేసే స్కిట్ల వల్లే భారీ స్థాయిలో క్రేజ్ వచ్చింది. ఇక, తరచూ అతడితో హగ్గులు, ముద్దులతో రెచ్చిపోతూ హైలైట్ అయింది. దీంతో ఆమె క్రేజ్ బాగా పెరిగింది.

సోషల్ మీడియాలో సందడి

చాలా కాలంగా బుల్లితెరపై వరుస పెట్టి షోలు, సీరియళ్లు, స్పెషల్ ఈవెంట్లు చేస్తూ కెరీర్ పరంగా ఫుల్ బిజీగా గడుపుతోన్న జబర్ధస్త్ వర్ష సోషల్ మీడియాలో సైతం ఎంతో యాక్టివ్‌గా ఉంటోంది. ఇందులో భాగంగానే నిత్యం తనకు, తన కెరీర్‌కు సంబంధించిన విషయాలను ఫ్యాన్స్‌తో పంచుకుంటోంది. అదే సమయంలో ఫొటోలు, వీడియోలు షేర్ చేస్తూ మరింత హైలైట్ అవుతోంది.

వర్ష చనిపోయిందని పుకార్లు

వరుస పెట్టి ఆఫర్లను అందుకోవడంతో పాటు సోషల్ మీడియాలో సెన్సేషన్ అవుతోన్న జబర్ధస్త్ వర్ష తరచూ వార్తల్లోనే ఉంటోంది. ఈ క్రమంలోనే తాజాగా ఆమె గురించి ఓ షాకింగ్ న్యూస్ వైరల్ అవుతోంది. అదేమిటంటే.. వర్ష చనిపోయిందంటూ కొన్ని వెబ్‌సైట్లలో కథనాలు వస్తున్నాయి. తాజాగా దీనికి సంబంధించిన స్క్రీన్ షాట్లను ఆమె ఇన్‌స్టాగ్రామ్ ఖాతాలో షేర్ చేసింది.

చావు వార్తలపై వర్ష రియాక్షన్

తాను చనిపోయానని కొన్ని వెబ్‌సైట్లలో వస్తున్న కథనాలపై జబర్ధస్త్ వర్ష సోషల్ మీడియా వేదికగా స్పందించింది. ఈ మేరకు ఆ స్క్రీన్ షాట్లను తన ఇన్‌స్టాగ్రామ్ ఖాతాలో షేర్ చేసిన ఈ బ్యూటీ... 'హ హా హా' అంటూ నవ్వుతూ స్పందించింది. దీంతో ఇప్పుడీ న్యూస్ హాట్ టాపిక్‌గా మారింది. అదే సమయంలో వర్ష సుతిమెత్తగా స్పందించిన తీరును చాలా మంది ప్రశంసిస్తున్నారు.