ఈ నెలలోనే నా పెళ్లి జరగాల్సింది.. దాని వల్ల ఆగిపోయింది.. అమ్మాయి ఎవరంటే: జబర్ధస్త్ వినోద్

ఆడవేషాలతో బాగా ఫేమస్

వినోద్.. జబర్ధస్త్ షో ద్వారా బుల్లి తెరకు పరిచయం అయ్యాడు. ఎప్పుడూ ఆడ వేషాలతోనే కనిపించే వినోద్.. వినోదిని అనే పేరుతో ఫేమస్ అయ్యాడు. ముఖ్యంగా చమ్మక్ చంద్ర స్కిట్లలో వినోద్ చేసే పర్‌ఫార్మెన్స్ హైలైట్ అని చెప్పుకోవచ్చు. జబర్ధస్త్ షోలోనే కాకుండా బయట జరిగే ఈవెంట్లకు కూడా ఆడవేషాలతోనే వెళ్తుంటాడు. దీంతో అతడికి ఫాలోయింగ్ కూడా భారీగా పెరిగిపోయింది. ఎక్కడికి వెళ్లినా చాలా మంది తనను సెల్ఫీలు అడుగుతుంటారని వినోద్ గతంలో చెప్పాడు.

వివాదాలతో సతమతం

జబర్ధస్త్ కమెడియన్ వినోద్ తీరు మొదటి నుంచీ వివాదాస్పదంగానే ఉంది. గతంలో ఒకసారి వినోద్‌కు పెళ్లి చేసేందుకు కుటుంబ సభ్యులు ప్రయత్నింగా ఆత్మహత్యాయత్నం చేశాడు. ఈ ఘటన అప్పట్లో పెద్ద దుమారం రేపింది. ఆ తర్వాత అతడు కిడ్నాప్‌కు గురయ్యాడు. ఈ ఘటన తెలుగు రాష్ట్రాల్లోనే సంచలనం అయింది. ఇక, తాజాగా జరిగిన దాడి ఘటనతో అతడు మరోసారి వార్తల్లోకి వచ్చాడు. దీని నుంచి ఇప్పుడిప్పుడే కోలుకుంటున్నాడు.

మేమున్నామని అండగా నిలిచారు

ఇటీవల వినోద్‌పై దాడి జరిగిన విషయం తెలిసిందే. ఈ దాడిలో అతడు తీవ్రంగా గాయపడ్డాడు. అంతేకాదు, ఇది పెద్ద దుమారమే రేపింది. దాని తర్వాత జబర్ధస్త్ వాళ్లు అండగా నిలబడ్డారని చెప్పుకొచ్చాడు వినోద్. ‘ఈ మధ్య నాకు జరిగిన ఇష్యూలో జబర్ధస్త్ ఫ్యామిలీ నాకు తోడుగా నిలిచింది. అందరికీ చాలా చాలా థ్యాంక్స్' అని వినోద్ చెప్పాడు.

సినిమా అవకాశాలపై స్పందిస్తూ...

జబర్దస్త్ షోతో పాటు తనకు వచ్చే అవకాశాలపై స్పందిస్తూ.. ‘నేను మొదట రామప్ప అనే సినిమాలో చేశాను. ఆ తర్వాత రెండు మూడు టీవీ షోలలో పాల్గొన్నాను. వీటి తర్వాతే జబర్ధస్త్‌లో అవకాశం వచ్చింది. అయితే, ఎక్కడా రాని పేరు ఈ షోలో వచ్చింది. అందరికీ వినోదినిగా బాగా గుర్తుండిపోయేలా ఫేమస్ అయ్యానంటే దానికి కారణం జబర్ధస్తే' అని వినోద్ వివరించాడు.

నాకు ఎంగేజ్‌మెంట్ కూడా అయిపోయింది

అలాగే, తన పెళ్లి గురించి వివరిస్తూ.. ‘నాకు ఆల్రెడీ ఎంగేజ్‌మెంట్ అయిపోయింది. ఈ శ్రావణమాసంలో పెళ్లి జరగాల్సింది. కానీ, ఆ ఘటన (దాడి) జరగడం వల్ల అది ఆగిపోయింది. నేను మానసికంగా, శారీరకంగా ధృడంగా అయిన తర్వాత దాని గురించి ఆలోచిస్తాను. ఈ ఇష్యూ కూడా క్లియర్ అవ్వాలి కదా. మరోసారి మంచి ముహూర్తం చూసుకుని పెట్లుకుంటాం' అని పేర్కొన్నాడు.

అమ్మాయి ఎవరంటే...

తనతో ఎంగేజ్‌మెంట్ చేసుకున్న అమ్మాయి గురించి ప్రత్యేకంగా చెప్పాడు వినోద్. ‘నేను ఎంగేజ్‌మెంట్ చేసుకున్న అమ్మాయి మా బంధువే. తను నన్ను చిన్నప్పటి నుంచి చూస్తోంది. నా గురించి ప్రతి విషయం తెలుసు. ఫ్యూచర్‌లో ఎలాంటి ఇబ్బందులు రావన్న నమ్మకం ఉంది. అందుకే నాతో పెళ్లికి ఒప్పుకుంది' అని వినోద్ చెప్పుకొచ్చాడు.