దాని కోసమే పెంచుతూ వస్తున్నా.. అంతే తప్ప వేరే ఉద్దేశం లేదు.. క్లారిటీ ఇచ్చిన జబర్దస్త్ వినోద్

లేడీ గెటప్.. అందరి భావన అదే

జబర్దస్త్‌ ప్రోగ్రామ్ లో ఎప్పుడూ లేడీ గెటప్ ద్వారానే అలరిస్తుంటాడు వినోద్. కొందరైతే అతను అమ్మాయి కాదు అని గుర్తు కూడా పట్టారు. ఇక మరికొందరేమో అతన్ని చూసి ట్రాన్స్‌జెండర్ అనుకుంటారు. అయితే అలాంటి వారికి క్లారిటీ ఇస్తూ తాజాగా ఇంటర్వ్యూలో కొన్ని విషయాలు చెప్పాడు వినోద్.

జబర్ధస్త్‌లోకి వరుణ్ తేజ్.. ఒక్కడే కాదు ఆయనతో కలిసి.. ఎందుకో తెలుసా?

దయచేసి అలా అనుకోవద్దు

తాను ట్రాన్స్‌జెండర్ కాదని, తన ఒరిజినల్ ఐడెంటిటీ వినోద్ అని చెప్పిన ఆయన.. జీవితమంతా వినోద్ గానే కొనసాగుతాను తప్ప.. ట్రాన్స్‌జెండర్‌గా మారే ఆలోచనే లేదని తెలిపాడు. వినోదిని అనేది కేవలం పాత్ర మాత్రమే అని, అది జబర్దస్త్ ప్రోగ్రామ్ వరకు మాత్రమే పరిమితం అని, దాన్ని చూసి నన్ను వేరేలా ఉహించుకోవద్దని అన్నాడు వినోద్.

దాని కోసమే పెంచుతూ వస్తున్నా.. అంతేగానీ వేరే ఉద్దేశం లేదు

లేడీ గెటప్‌ అచ్చు గుద్దినట్లుగా ఉండాలనే చేతి గోళ్లు కూడా పెంచుకున్నానని, అంతేగానీ వేరే ఉద్దేశం లేదని వినోద్ అన్నాడు. లేడీ గెటప్‌లో ఆడియెన్స్‌ను మెప్పు పొందడానికే పెర్ఫామెన్స్‌పై కాస్త ప్రత్యేక శ్రద్ద పెడుతానని, అలాగే అమ్మాయిలా అందంగా తయారవుతానని అన్నాడు. దయచేసి ఇంకోలా అనుకోవద్దని ఈ సందర్బంగా ఆయన చెప్పాడు.

కెరీర్ గురించి చెబుతూ..

ఇక ఇటీవలే తనపై జరిగిన దాడి నుంచి ఇప్పుడిప్పుడే కోలుకుంటున్నానని, తిరిగి జబర్దస్త్‌ వేదికపై మీ అందరికీ వినోదం పంచుతానని వినోద్ చెప్పాడు. జబర్దస్త్‌తో పాటు సినిమాల్లో కూడా నటిస్తున్నానని, కెరీర్ సాఫీగా సాగేలా అడుగులు వేస్తున్నానని వినోద్ తెలిపాడు.