Don't Miss!
- News గేదెల మందులమ్మేవాళ్లు వైసీపీకి సర్వే చేశారంట?
- Sports Rohit x Hardik: పదేళ్లుగా కెప్టెన్సీ చేశా.. ఎలా గెలవాలో తెలుసు- రోహిత్
- Lifestyle Happy Birthday Wishes : పుట్టినరోజు శుభాకాంక్షలను ఇలా అందంగా తెలపండి..
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Technology వన్ప్లస్ 11R 5G కొత్త వేరియంట్ విడుదల.. అమెజాన్లో ఈ కార్డులపై రూ.1000 తగ్గింపు..!
- Automobiles జనాలు ఎక్కువగా కొంటున్న టాప్-3 SUVలు ఇవే.. జాబితాలో లేని టాటా కార్లు!!
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ఇంట్లో టైం దొరకడం లేదా?.. లైట్లు ఆర్పేయాలా.. జాకీ, హరితపై అలీ నాటు కామెంట్స్
బుల్లితెరపై జంటలుగా నటించే కొంత మంది సెలెబ్రిటీలునిజ జీవితంలోనూ జంటలుగా మారారు. సీరియల్లో నటిస్తూ అలా స్నేహం, ప్రేమ మొదలై చివరకు పెళ్లి బంధంతో ఒక్కటైన వారు కూడా ఉన్నారు. అందులో జాకీ, హరితలు ముందు వరుసలో ఉంటారు. ఇప్పటికే సీరియల్లో జంటలుగా నటిస్తుంటారు. తాజాగా ఈ ఇద్దరూ అలీతో సరదాగా షోలో గెస్ట్లు విచ్చేశారు. ఎంట్రీతోనూ అలీకి పెద్ద షాక్ ఇచ్చారు.
రొమాన్స్లో మునిగి..
జాకీ హరితలు షోలోకి ఎంట్రీ ఇస్తూనే రొమాంటిక్ పర్ఫామెన్స్ ఇచ్చారు. అదిరిపోయే పాటకు స్టెప్పులు వేస్తూ అన్నీ మరిచిపోయారు. ఇక అలీ పక్కనే ఉండి అన్నీ చూస్తున్నాడు. కానీ వారు ఎంతకీ డ్యాన్సులు ఆపడం లేదు. ఇక ఎంతసేపైనా చేసుకోండన్నట్టుగా వారిద్దరినీ వదిలేశాడు.
ఇంట్లో టైం లేదా?
జాకీ హరితల డ్యాన్సు చూసిన అలీ పంచ్ వేశాడు. ఇంట్లో మీకు టైం దొరకడం లేదా? అంటూ రొమాన్స్పై కౌంటర్ వేశాడు. లైట్లు ఆపేయమంటారా? అని మరో పంచ్ వేశాడు. లైట్లు ఆర్పేయడంతో ఇద్దరూ పగలబడి నవ్వేశారు. ఇంత యంగ్గా ఉండటానికి కారణమేంటంటూ జాకీపై అలీ పంచ్ వేశాడు.
ప్రేమ కథపై...
‘ఎవరు ఎవరికి మొదట ప్రపోజ్ చేశారు' అని ఆలీ అడగ్గా.. ‘ఇద్దరికీ ఇద్దరం ఇష్టమని తెలుసు. అయితే, ఏమీ తెలియనట్టు నటిస్తూ ఉండేవాళ్లం. అమ్మాయిని లవ్లో పడేసే క్రమంలో ‘ఇంట్లో నాకూ సంబంధాలు చూస్తున్నారు. నేను ఓకే చెప్పడం లేదు' ఇలా చాలా కబుర్లు చెబుతాం కదా. అలానే నేను కూడా చెప్పేవాడిని' అంటూ జాకీ నవ్వుతూ సమాధానం ఇచ్చారు.
హరిత సమాధానం..
‘మన' అనుకున్నప్పుడే భార్యభర్తల మధ్య గొడవలు వస్తాయని హరిత చెప్పుకొచ్చింది. మా ఆయనకే లేడీ ఫాలోయింగ్ ఎక్కువగా ఉంది.. ఆ విషయంలో నేను గర్వపడతాను అంటూ హరిత సెటైర్ వేసింది. మొత్తానికి ఈ ఇద్దరి ముచ్చట్లు మాత్రం సోషల్ మీడియాలో అందరినీ ఆక్టటుకుంటున్నాయి.