Janaki Kalaganaledu September 1st Episode: జానకి అసలు రహస్యం తెలుసుకున్న మల్లిక.. ఇది అసలైన ట్విస్ట్

మల్లిక చెడు బుద్ధి

రాఖీ పండుగ సందర్భంగా జ్ఞానాంబ కూతురు వెన్నెలతో తన అన్నయ్యలకు రాఖీ కట్టిస్తుంది. అయితే అప్పుడు రామచంద్ర తన చెల్లికి ఖరీదైన కానుకను కూడా ఇస్తాడు. వెన్నెల కూడా అన్నయ్య ప్రేమకు ఎంతగానో ఎమోషనల్ అవుతుంది. ఇక విష్ణు వంతు వచ్చేసరికి అతని భార్య మల్లిక మరోసారి తన చెడు బుద్దిని చూపిస్తుంది. ఎక్కువగా డబ్బులు పెడితే మంచిది కాదు అని కేవలం 50 రూపాయలు మాత్రమే ఇవ్వాలి అని అంటుంది. అయినప్పటికీ వెన్నెల ఏ మాత్రం బాధ పడకుండా విష్ణు అన్నయ్య హ్యాపీగా ఉంటే చాలు అని అంటుంది.

జానకిని ఎత్తి పొడిచిన మల్లిక

ఇక సమయం చూసుకొని అత్త దగ్గరకు వెళ్లిన మల్లిక తన తమ్ముడికి రాఖీ కట్టాలని అందుకే ఇంటికి వెళ్లాలని అనుకుంటున్నట్లు చెబుతుంది. అందుకు ఏ మాత్రం ఒప్పుకొని జ్ఞానాంభ నీకు అంత శ్రమ అవసరం లేదు. మీ తమ్ముడినే ఇక్కడికి రమ్మన్నాను అని చెబుతోంది. దీంతో మల్లిక మరోసారి అత్తని లోపలే తిట్టుకుంటూ ఉంటుంది. ఇక ఇంతలో మల్లిక తమ్ముడు ఇంటికి రావడంతో ప్రేమతో రాఖీ కడుతుంది.

ఆ సన్నివేశాన్ని చూసిన జానకి తన అన్నయ్యను గుర్తుచేసుకుని ఎమోషనల్ అవుతుంది. జానకి బాధపడటానికి చూసిన మల్లిక అదే అవకాశంగా చేసుకొని మరింత బాధ పెట్టాలని అనుకుంటుంది. నీకు రాఖీ కట్టే అదృష్టం లేదని భవిష్యత్తులో కూడా ఇదే తరహాలో ఉంటుందని మరింత బాధకు గురిచేస్తుంది. అప్పుడే కలుగజేసుకొని రామచంద్ర జానకి అన్నయ్యకు రాఖీ పంపించిన విషయాన్ని గుర్తు చేస్తాడు.

ఎన్ని గొడవలున్నా సంతోషంగా ఉండాలని

జానకి అన్నయ్య వదినలతో వీడియో కాల్ కూడా మాట్లాడించిన రామచంద్ర మరోసారి భార్యకు మరింత దగ్గరవుతాడు. దీంతో ఎంతగానో సంతోషించిన జానకి భర్తకు ముద్దు కూడా పెడుతుంది. అందుకు ఎంతగానో సంతోషించిన రామచంద్ర అది తన బాధ్యత అంటూ జానకి మరింత భరోసా ఇస్తాడు. మీకు ఇబ్బందికరమైన సమయంలోనే పెళ్లి చేయడం మీ అన్నయ తప్పే కావచ్చు. కానీ అన్న చెల్లెలి మధ్య ఎన్ని గొడవలున్నా సంతోషంగా ఉండాలని రామచంద్ర సర్ది చెప్పే ప్రయత్నం చేస్తాడు. అంతే కాకుండా మీరు ఇద్దరు ఇక్కడ సంతోషంగా ఉంటేనే.. పైన ఉన్న మీ అమ్మ నాన్నలు కూడా సంతోషిస్తారని అంటాడు. అందుకు జానకి కూడా ఎంతగానో ఆనందపడుతుంది.

అత్తకు జానకి సేవలు

ఇక మరోవైపు అత్తను ఎలాగైనా పోలీసులకు పట్టించాలని మల్లిక కుట్ర పన్నుతుంది. తనకు నరకం చూపిస్తున్నారు అని ఒక వీడియో సైతం చేయాలనుకుంటుంది. ఇక అప్పుడే విష్ణు వచ్చి మల్లికను డిస్టర్బ్ చేస్తాడు. తన భార్య టార్చర్ కూడా తట్టుకోలేక పోతున్నానని ఆ వీడియోలో కనిపించే విధంగా మాట్లాడతాడు.

ఇక ఆ విషయం గురించి మల్లికపట్టించుకోకుండా జానకి రామచంద్ర ఏం చేస్తున్నారు అని వారికి దగ్గరికి వెళుతుంది. ఇక తల్లి కాళ్లు నొక్కి సేవలు చేసే రామచంద్రను అడ్డుకున్న జానకి ఈరోజు నేను మా అత్తగారికి కాళ్లు పడతానని అంటుంది. ఎంత చెప్పినా కూడా ఏమాత్రం ఒప్పుకోదు. డైరెక్ట్ గా అత్త దగ్గరికి వెళ్లిన జానకి కాళ్లు నొక్కుతూ ఉంటుంది. మొదట రామచంద్ర అనుకున్నాను జ్ఞానంభ జానకి వైపు చూసి ఒక్క సారిగా ఉలిక్కి పడుతుంది. కోడళ్ళతో నాకు ఇలాంటి సేవలు చేసుకోవడం ఏ మాత్రం నచ్చదు అంటూ నచ్చజెప్పే ప్రయత్నం చేస్తోంది.

సీక్రెట్ లాగే ప్రయత్నం

అయినప్పటికీ జానకి ఆ విషయాన్ని పెద్దగా పట్టించుకోకుండా మీరు నా తల్లి లాంటి వారు అంటూ సేవలు చేసుకోనివ్వండి అని అంటుంది. అందుకు గోవిందరాజులు కూడా ఎంతగానో సంతోషించి పెద్దకోడలు మంచి గుణవంతురాలు అంటూ సంబర పడుతుంటాడు. ఇక ఆ మాటలకు మరోసారి కుళ్ళుకున్న మల్లిక ఎలాగైనా వారి మధ్య లో చిచ్చు పెట్టాలని అనుకుంటుంది. వెంటనే జానకి రామచంద్ర ఉండే గదిలోకి వెళ్ళి తొంగి చూస్తుంది అయితే అక్కడ పుస్తకాలు, టేబుల్, లైట్ ఉండడం చూసి తనకు తెలియకుండా ఏదో జరుగుతోందని అనుకుంటుంది. గతంలో జానకి ఫోటో పేపర్లో పడటం కూడా మరోసారి ఆలోచిస్తుంది.

Recommended Video

Sanjana Galrani About Swarna Khadgam Serial | Interview Part 2

అసలు నిజం తెలుస్తుందా?

దీని వెనుక ఏదో పెద్ద సీక్రెట్ ఉందని అనుకుంటుంది ఎలాగైనా దాన్ని బయటకు తీసి జానకిని ఇంటి నుంచి బయటకు పంపించాలని అనుకుంటుంది. వెంటనే పరిగెత్తుకుంటూ అత్త దగ్గరికి వస్తుంది. మీ కోడలు మీ అందరికీ తెలియకుండా ఏదో ఘనకార్యం చేయబోతోంది అంటూ సూటిపోటి మాటలతో చాడీలు చెబుతుంది. అయితే ఎవ్వరికీ కూడా కొంత సేపటి వరకూ ఏమీ అర్థం కాదు.

జ్ఞానాంబ కూడా జానకి మొహం చూసి ఆశ్చర్యపోతుంది. కానీ మల్లిక మాత్రం చాలా గట్టిగా వాదిస్తూ ఉంటుంది. ఒకసారి జానకి రూమ్ లోకి వచ్చి చూస్తే తప్పకుండా ఆ విషయం మీకు చాలా క్లియర్ గా అర్థం అవుతుంది అని అంటుంది. మల్లిక దేని గురించి మాట్లాడుతోంది అని జానకి ఆలోచనలో పడుతుంది. ఇక వెంటనే పుస్తకాల విషయం గుర్తుకు వస్తుంది.

గదిలో ఉన్న పుస్తకాలను అలానే ఉండటం చూసి ఉంటుందని పసిగడుతుంది. మరి మల్లిక అనుకున్నట్లుగానే జానకి చదువుకున్న విషయాన్ని బయట పెడుతుందో లేదో తెలియాలంటే రేపటి ఎపిసోడ్ వరకు ఆగాల్సిందే.