Janaki Kalaganaledu February 28th: వెన్నల పెళ్లి చెడగొట్టేందుకు మల్లిక మరో ప్లాన్.. రిస్క్ లో జానకి?

జ్ఞానాంబను నమ్మించిన జానకి

మొత్తానికి వెన్నెల దిలీప్ ప్రేమ వ్యవహారం జ్ఞానాంబకు తెలియకుండా పెద్దలు కుదిర్చిన వివాహంగా జరిపించాలని జానకి ప్లాన్ వేస్తుంది. దిలీప్ తన దగ్గరి కుటుంబ సభ్యుల అబ్బాయి అని చెప్పిన జానకి జ్ఞానాంబను నమ్మిస్తుంది. ఇక ఈ విషయంలో వెన్నెల, దిలీప్ కూడా ఎంతగానో హ్యాపీగా ఫీల్ అవుతారు. తప్పకుండా జానకి వదిన మన పెళ్లి చేస్తుందని వెన్నెల కూడా తన ప్రియుడితో ఆనందంగా చెప్పుకుంటుంది. ఈ విషయంలో మల్లికకు కొంత అనుమానం కూడా కలుగుతుంది.

జ్ఞానాంబ కేకుల కండిషన్

ఇక జానకి వెన్నెల పెళ్లి విషయంలో ఆలోచించిన విధానానికి భర్త రామచంద్ర ఎంతగానో హ్యాపీగా ఫీల్ అవుతాడు. అనంతరం ఆమెను అభినందిస్తూ మళ్ళీ ఐపీఎస్ చదువుకు సిద్ధం అవ్వాలని అంటాడు. మీరు చదువుకునేందుకు ప్రత్యేకంగా నైట్ క్లాసెస్ కు ఏర్పాట్లు చేసినట్లుగా కూడా రామ చెబుతాడు. అయితే అప్పుడే జ్ఞానాంబ మరొక కండిషన్ పెడుతుంది. తనకు తెలిసిన వాళ్ల కోసం అర్జెంటుగా ఏడు కేకులు తయారు చేయాలి అని చెప్పడంతో రామచంద్ర ఒక్కసారిగా ఆశ్చర్యపోతాడు. అప్పటివరకు ఐపీఎస్ కోచింగ్ సెంటర్ కు పంపించాలని అనుకుంటుండగా జ్ఞానాంబ అలా చెప్పడంతో జానకి కూడా కాస్త భయపడుతూనే ఒప్పుకుంటుంది.

జానకికి మరో అపశకునం

ఇక ఐపీఎస్ కోచింగ్ సెంటర్ కు వెళ్లి వచ్చేసరికి టైమ్ సరిపోదు అని అప్పటి లోపు అత్తగారి చెప్పిన కేకులు ఎలా తయారు చేయాలో అర్థం కావడం లేదు అని జానకి అందోళన లో ఉండగా రామచంద్ర మరోసారి ఆమెకు ధైర్యం చెబుతూ ఏం జరిగినా నేను చూసుకుంటాను అని అప్పటి వరకు అన్ని పనులు సక్రమంగా పూర్తి అవుతాయని మరోసారి భరోసా ఇస్తాడు. ఇక తర్వాత జానకిని ఐపీఎస్ కోచింగ్ సెంటర్ కు తీసుకు వెళుతుండగా మధ్య లో బైక్ టైర్ పంచర్ అవుతుంది. ఇక దాన్ని జానకి అపశకునంగా ఫీల్ అవుతుంది.

తెలివిగా బయటపడిన జానకి

ఇక అప్పుడు నేను ఇక్కడి నుంచి ఆటోలో కోచింగ్ సెంటర్ కు వెళ్లి పోతాను అని జానకి చెప్పగా.. రామ చంద్ర ఆటో డ్రైవర్ ని చూసి కొంత ఆందోళన చెందుతాడు. అసలు అర్ధరాత్రి సమయంలో ఎలా వెళతారని అడిగినప్పటికీ జానకి ఏ మాత్రం ఆందోళన చెందాల్సిన అవసరం లేదని ఆటోలో వెళ్లి పోతుంది. అయితే ఆటో డ్రైవర్ మాత్రం మధ్యలో నీ వంటి మీద ఉన్న బంగారం ఇచ్చేయాలి చేయాలి అని జానకిని బెదిరిస్తాడు కానీ నిజానికి మాత్రం తెలివిగా అతని కంట్లో మట్టి కొట్టి అక్కడినుంచి తెలివిగా బయటపడుతుంది.

రామచంద్ర కొంత ఆందోళన చెందుతున్నప్పటికి కూడా అనుకున్న సమయానికి జానకి అతని దగ్గరకు చేరుకుంటుంది. ఇక ఇద్దరు కూడా తరువాత ఇంటికి వెళ్లి జ్ఞానంతో చెప్పిన పని పూర్తి చేయాలని అనుకుంటారు. ఎలాగైనా తెల్లరే సరికి కేకులు సిద్ధం చేసి ఉంచాలి అని అనుకుంటూ ఉండగా మధ్యలో కరెంటు కూడా పోతుంది. ఇక రామచంద్ర అప్పుడు లాంతరు సహాయంతో పని పూర్తయ్యేలా చేస్తాడు.

చెడగొట్టేందుకు మల్లిక ప్లాన్

ఇదిలా ఉండగా మరోవైపు మల్లిక ఎలాగైనా వెన్నలకు జానకి నిశ్చయం చేసిన సంబంధం చెడగొట్టాలని అనుకుంటుంది. తన తల్లితో కూడా ఆ విషయం గురించి చెబుతుంది. వెన్నెల కు వచ్చిన సంబంధం చెడగొట్టి నా తమ్ముడు పండు గాడికి వెన్నెల కు పెళ్లి జరిగేలా చూస్తానని తల్లికి మాట ఇస్తుంది. మల్లికా ఏదైనా ఒక పొరపాటు జరిగితే దాన్ని పెద్దది చేయాలని ఆ తర్వాత పెళ్లి సంబంధాలు కూడా క్యాన్సిల్ చేయాలి అని అనుకుంటుంది.

ఈ తరుణంలో వెన్నెల మరొకవైపు తను ప్రేమించిన వ్యక్తితోనే పెద్దలు కుదిర్చిన పెళ్లి గా జరుగుతూ ఉండడంతో ఎంతో సంతోషంగా ఉంటుంది. ఇక దిలీప్ తో ఫోన్ లో మాట్లాడుతూ ఉంటుంది. అది గమనించిన మల్లికా ఏదో రహస్యం ఉంది అని తెలుసుకోవడానికి ప్రయత్నం చేస్తుంది. అదే విషయాన్ని జ్ఞానాంబ కు కూడా చెబుతుంది. మరి మల్లిక ఇలాంటి ఆలోచనలతో ఎలా ముందుకు వెళుతుంది అనే విషయం తెలియాలి అంటే మరొక ఎపిసోడ్ వరకు ఆగాల్సిందే.