Janaki Kalaganaledu July 16 Episode: అత్తతో జానకి సరదాలు.. భార్య డ్రీమ్ గురించి తెలుసుకున్న రామ!

తలుపుల వద్దే ఎదురుచూస్తుంటారు

వసంతోత్సవం సందర్భంగా ఇంట్లో అందరూ రంగులతో సంబరాలు జరుపుకుంటూ ఉంటారు. ఈ క్రమంలో ప్రతి ఏడాది భార్య జ్ఞానాంబకు రంగులు పూయాలని అనుకుంటున్నాను అంటూ గోవిందరాజు శపథం చేస్తాడు. కానీ ఎంత పిలిచినా కూడా జ్ఞానాంబ రూమ్ నుంచి బయటకు రాదు. దీంతో ఆమె కోసం తలుపుల వద్దే ఎదురుచూస్తుంటారు.

భర్త కోసం అమ్మాయిలతో గొడవ

ఇక మరోవైపు రామ కోసం బయట అమ్మాయిలు వచ్చి కలర్స్ చల్లుతుంటారు. దీంతో జానకి అడ్డుపడి నా భర్తకు రంగులు పూస్తే ఏ మాత్రం ఒప్పుకోను అంటూ వాళ్ళతో గొడవకు దిగుతుంది. ప్రతి ఏడాది ఇలానే పూస్తామని అనగానే అప్పుడు వేరు ఇప్పుడు వేరు అంటూ జానకి తన భర్తను లాగేసుకుంటుంది. వాళ్ళను తిట్టేసి వెళ్ళిపొమ్మని చెబుతుంది.

జ్ఞానాంబ కోసం డ్రామా

ఇక భార్యకు రంగులు పూయాలని అనుకున్న మామగారికి కోడలు జానకి ఒక ఐడియా ఇస్తుంది. జానకి కనిపించడం లేదని డ్రామా ఆడతారు. కొడుకు రామచంద్రతో కలిసి గోవిందరాజు గట్టిగా అరుస్తూ ఉంటాడు. కోడలు అలిగి ఎక్కడికో వెళ్లిపోయిందని గట్టిగా మాట్లాడుకుంటూ ఉండగా వెంటనే జ్ఞానాంబ కూడా గదిలో నుంచి బయటకు వస్తుంది.

అత్తను కూల్ చేసిన జానకి

జ్ఞానాంబ బయటకు రాగానే అందరూ రంగులతో సరదాగా గడుపుతుంటే జ్ఞానాంబ కోప్పడుతుంది. ఇక ఆ తరుణంలో జానకి అత్తకు రంగు పూయడంతో అందరూ షాక్ అవుతారు. మొదట జానకి అంటూ జ్ఞానాంబ కోప్పడుతుంది. దీంతో జానకి ఈ పండగ సమయంలో మీరు లేకపోతే ఏదో వెలితిగా ఉందని చెప్పడంతో జ్ఞానాంబ కరిగిపోతుంది.

జ్ఞానాంబ మొట్టికాయలు

కాసేపు కోపంతోనే ఉన్నట్లు కనిపించిన జ్ఞానాంబ వెంటనే జానకి చెంపలపై నవ్వుతూ రంగులు పూస్తుంది. ఇక ఆ తరువాత అందరూ జ్ఞానాంబకు రంగులు పూస్తారు. అనంతరం అందరూ బైక్స్ పై గుడికి వెళతారు. ఈ క్రమంలో గోవిందరాజు పాటలు పాడుకుంటూ వెళుతుంటే రోడ్డు చూసి నడపండి అంటూ జ్ఞానాంబ మొట్టికాయలు వేస్తుంది.

Recommended Video

Vanitha Vijayakumar, Peter Paul Marriage BREAK UP మూడో మొగుడ్ని కూడా తరిమేసిన వనితా విజయ్‌కుమార్

నిజం తెలుసుకున్న రామ

ఇక గుడికి వెళ్లిన అనంతరం అక్కడ మొక్కులో భాగంగా కోరికలను చీటీలో రాసి చెట్టుకు తగిలించాలని అనుకుంటారు. జానకి కూడా చీటి రాస్తుంది. ఇక దేవతకు మొక్కి ఆ కాగితంలో ఉన్న విషయాన్ని రామ చూస్తాడు. ఇక జానకి ఐపీఎస్ కావాలని అనుకున్న కల కలగనే మిగిలి పోయిందని.. అందులో రాసి ఉండడంతో నిజం తెలుసుకున్న రామ ఎలాంటి నిర్ణయం తీసుకుంటాడో చూడాలి.