Janaki Kalaganaledu July 9 Episode: అందుకే శోభనం జరగలేదు.. మరో ట్విస్ట్ ఇచ్చిన రామచంద్ర

అత్త కష్టాన్ని తెలుసుకున్న జానకి

మోసం చేయడం తప్పని నిజం చెప్పాలని అనుకున్న జానకిని మామ పిలిచి గుడిలో జరిగిన విషయాన్ని వివరిస్తాడు. జ్ఞానాంబ వారసుడి కోసం చేసిన పూజలు, మొక్కు తీర్చుకోవడం వంటి కష్టాన్ని కూడా చెబుతాడు. దీంతో ఎమోషనల్ అయిన జానకి మంచి మనసులను మోసం చేయడం నా వల్ల కాదు అనుకోని నిజం చెప్పాలని జ్ఞానాంబ దగ్గరకు వెళుతుంది.

శోభనం జరగలేదని చెప్పడంతో

ఇక అప్పుడే ఇంట్లోకి వచ్చిన రామ అసలు విషయాన్ని నేను చెబుతాను అంటూ ముందుకు వస్తాడు. శోభనం జరగలేదని చెప్పడంతో జ్ఞానాంబ కూడా బాధపడుతుంది. మీకు నా బాధ అర్థం కావడం లేదా? వారసుడు కావాలని అనుకుంటూ ఉంటే పిచ్చిదాన్ని అనుకుంటున్నారా అని బాధపడుతుంది.

మరొక బలమైన కారణం

అయితే జానకి బాధ వెనుక మరొక బలమైన కారణం ఉందని అందుకే శోభనం జరగలేదని రామ వివరిస్తాడు. జానకి తల్లిదండ్రుల ఫొటోను తీసుకువచ్చి.. ఈ మధ్యే వాళ్ళు చనిపోయారు అంటూ ఇంకా తను ఆ బాధ నుంచి కొలుకోలేదని అంటాడు. దీంతో జ్ఞానాంబ జానకిని అర్థం చేసుకొని నేను కూడా నీ అమ్మ లాంటిదేన్నే అంటూ ఆప్యాయంగా చెబుతుంది.

మోసం చేయడం నా వల్ల కాదు

ఇక జానకి అసలు విషయాన్ని చెప్పడానికి ప్రయత్నం చేసినప్పటికీ రామ అడ్డు పడుతూ లోపలికి తీసుకువెళతాడు. అత్తయ్యను మోసం చేయడం నా వల్ల కాదు అంటూ జానకి రామచంద్రతో చెబుతుంది. అందుకు రామ అడ్డుపడతాడు. మీరు చదువుకున్న విషయం మీ అన్నయ్య చెప్పకపోతే మీ తప్పు ఎలా అవుతుంది అంటూ జనాకికి అర్థమయ్యేలా చెబుతాడు.

Recommended Video

Karthika Deepam సీరియల్ పై Manchu Lakshmi Tweet వైరల్!! || Filmibeat Telugu

నిజం చెబితే నా మీద ఒట్టు

అమ్మకు నిజం చెబితే నువ్వు వెళ్లిపోతావు. అప్పుడు నేను బాధపడతాను. నా కోసం ఆలోచించండి. నిజం చెబితే నా మీద ఒట్టు అని రామ భార్యకు అడ్డుపడతాడు. ఇక మరోవైపు జ్ఞానాంబ జానకి తల్లిదండ్రుల ఫొటోను ఇంట్లో దండ వేయించి గోడకు తగిలుస్తుంది. అది చూసి జానకి మరింత ఎమోషనల్ అవుతుంది. ఇక రేపటి ఎపిసోడ్ లో ఏం జరుగుతుందో చూడాలి.