Janaki Kalaganaledu June 17th Episode: ఆపద్బాంధవుడిలా జానకిని కాపాడిన రామ.. మరో గుట్టు పసిగట్టిన మల్లిక

వీడియోలు చూస్తూ

వంట కూడా జానకి చేయాలని జ్ఞానాంబ ఆదేశాలు జారీ చేయడంతో సరికొత్త ఎపిసోడ్ మొదలవుతుంది. వంటలు ఎలా చేయాలో తెలియని జానకి కంగారు పడుతుంది. మొత్తానికి వీడియోలు చూస్తూ ఎలాగోలా వంట పూర్తి చేస్తుంది. అయితే వంట సక్సెస్ అయితే తనను ఎత్తి పొడవడం కాయకని మల్లిక ఆ వంటను చెడగొట్టాలని అనుకుంటుంది.

ఈ కూర అమ్మ తింటే ప్రళయమే

వంట పూర్తి చేసిన అనంతరం మల్లిక కూరలో కారం, ఉప్పు ఎక్కువగా వేస్తుంది. ఇక అదే వంటను పని మనిషి చికిత్త రామచంద్రకు పంపిస్తుంది. జానకి చేసిందన్న ఆనందంలో రామచంద్ర వాటిని తినడానికి సిద్ధమవుతాడు. మొదటి ముద్దకే కూరలో కారం ఉప్పు ఎక్కువయినట్లు అనిపించడంతో ఈ కూర అమ్మ తింటే ప్రళయమే అని భార్యను కాపాడాలని అనుకుంటాడు.

చెత్తలో పడేసిన రామ

అప్పటికే జానకి చేతి వంట రుచి చూసేందుకు ఎంతో ఆకలితో జ్ఞానాంబ భర్తతో కలిసి ఇంటికి వస్తుంది. మరోవైపు మల్లిక గొడవ అవ్వడం కాయమని భర్తను కూడా ఇంటికి పిలిపిస్తుంది. ఈ క్రమంలో జ్ఞానాంబ కాళ్ళు చేతులు కడుక్కునేందుకు వెళ్లగా సడన్ గా రామచంద్ర వచ్చి జానకి డైనింగ్ టేబుల్ మీద పెట్టిన కూరలన్ని తీసుకొచ్చి చెత్తలో పడేస్తాడు.

మల్లికకు కౌంటర్లు

బయట నుంచి తెచ్చిన కర్రీస్ ను మరో గిన్నెల్లో వేసి జనాకికి ఇచ్చి పంపిస్తాడు. కానీ జనాకికి తన భర్త ఎందుకు అలా చేస్తున్నాడనేది అర్థం కాదు. భోజనం తిన్న జ్ఞానాంబ జానకిని పొగడ్తలతో ముంచెత్తుతుంది. అప్పుడు మల్లిక షాక్ అవుతుంది. రివర్స్ గా మళ్ళీ మల్లికకు ఎప్పటిలానే కౌంటర్లు పడతాయి. చూసి నేర్చుకుంటే మంచిది అంటూ జ్ఞానాంబ మల్లికను ఎత్తి పొడుస్తుంది.

ఊపిరి పీల్చుకున్న జానకి

ఇక జానకి అత్త మాటలకు సంతోషిస్తుంది. అయితే రామ అలా ఎందుకు చేశాడు అనే సందేహం కలిసి కారణం లేకుండా ఆయన అలా చేయరని అనుకుంటుంది. తను చేసిన కూర రుచి చూస్తుంది. అందులో కారం ఉప్పు ఎక్కువగా అనిపించడంతో పెద్ద గండం నుంచి తప్పించుకున్నట్లు ఊపిరి పీల్చుకుంటుంది. భర్త చేసిన సహాయాన్ని గుర్తు చేసుకున్న జానకి ఇపుడు ఆయన భోజనం కూడా చేసి ఉండరని అనుకుంటుంది.

Recommended Video

Karthika Deepam సీరియల్ పై Manchu Lakshmi Tweet వైరల్!! || Filmibeat Telugu

మరో విషయాన్ని పసిగట్టిన మల్లిక

ఇక జానకి బయటకు వెళుతుండగా ఒక మహిళ ఇంగ్లీష్ లెటర్ ను చదివి వినిపించాలని కోరుతుంది. అది చూసిన మల్లిక షాక్ అవుతుంది. 5వ తరగతి వరకు చదువుకున్నానని చెప్పిన జానకి ఈ రేంజ్ లో ఇంగ్లీష్ చదవడం ఏమిటని ఆశ్చర్యపోతుంది. మరి ఆ వంకతో మల్లిక జానకి గ్రాడ్యుయేట్ అనే సంగతి పసిగడుతుందో లేదో రేపటి ఎపిసోడ్ లో చూడాలి.