జె.కె భారవికి ‘కాళోజీ స్మారక పురస్కారం’ (ఫోటోస్)

జె.కె.భారవి మాట్లాడుతూ..

జె.కె.భారవి మాట్లాడుతూ..పుట్టుక నీది, చావు నీది, బతుకంతా దేశానిదే అన్నది షోడషోత్తర మంత్రమని కాళోజీ సాహిత్యం సమాజాన్ని ఎంతో జాగృతపరిచిందని, కాళోజీది తనది ఒకటే జన్మస్థానమని(ఓరుగల్లు) ఈ మట్టిలో పౌరుషం, ధైర్యం, విప్లవభావాలు ఎక్కువని ఈ పురస్కరం తనకివ్వడం తన పట్ల ఎంతో బాధ్యత పెంచిందని అన్నారు.

నాగబాల సురేష్ మాట్లాడుతూ...

తెలుగు టెలివిజన్ రచయితల సంఘం అధ్యక్షుడు నాగబాల సురేష్ కుమార్ అధ్యక్షోపన్యాసం చేస్తూ ‘కాళోజీ గొడవ, సమాజం గొడవ అని, కాళోజీ నిరాడంబర కవి అని భారవికి, కాళోజీకి ఎన్నో విషయాలలో సమీప్యత, సారూప్యత ఉందని అందుకే ఈ పురస్కారానికి ఆయన్ను ఎంపిక చేశామన్నారు.రచయితల సంఘం ప్రధాన కార్యదర్శి రాజేంద్రరాజు మాట్లాడుతూ....తన మొదటి, రెండవ కవితా సంపుటాలను కాళోజీ ఆవిష్కరించి ప్రశంసించారని, కాళోజీగారి కవితను వినిపించి సభను ఉత్తేజపరిచారు.

ఇతరులు...

ఇలాంటి సత్సంగంలో పాల్గొనటం తన అదృష్టమని ప్రముఖ నిర్మాత శ్రీమతి నారా జయశ్రీదేవి అన్నారు. కాళోజీ వ్యక్తిత్వాన్ని, సాహిత్యాన్ని ప్రముఖ రచయిత డాక్టర్ వడ్డేపల్లి కృష్ణ, జె.కె.భారవి రచనలని, వ్యక్తిత్వాన్ని బీచరాజు శ్రీధర్ సభకు పరిచయం చేసారు.

కాళోజీ

ప్రజా రచయిత మాస్టార్ జీ, శ్రీశైలమూర్తి, దర్శకుల సంఘం కార్యదర్శి అళహరిలు ప్రసంగించారు. డాక్టర్ వెనిగళ్ల రాంబాబు వందన సమర్పణ చేసారు. ఉదయ్ భాగవతుల, రుద్రంగి రమేష్ లతో పాటు పలువురు చలన చిత్ర టి.వి. రచయితలు పాల్గొన్న సభ ఆద్యంతం సాహిత్య గుభాళింపులతో, కాలోజీ కావ్యాలతో పులకరించిపోయింది.