Karthika Deepam Episode 1115: నేనే హత్య చేశా.. నన్ను అరెస్ట్ చేయండి.. పోలీసులకు సౌందర్య సరెండర్

సాక్ష్యాలు ఇవే అంటూ ఏసీపీ సీరియస్

సాక్ష్యం ఏమిటి అని దీప అడిగితే.. కార్తీక్ మీ అత్తగారే సాక్ష్యం అంటూ ఏసీపీ రోషిణి చెప్పింది. అంతలోనే కానిస్టేబుల్ వచ్చి కార్తీక్ కారులో రక్తపు మరకలు ఉన్నాయి అంటూ చెప్పడంతో దీప షాక్ తిన్నది. ఆ తర్వాత పిన్ని భాగ్యం కూడా అవును.. అల్లుడు గారిని వదిలేయమనడానికి నేను మోనిత ఇంటికి వెళ్లాను. అప్పుడు కార్తక్ అక్కడికి వచ్చి మోనితపై ఆగ్రహం వ్యక్తం చేస్తూ చంపేస్తానని చెప్పడం.. బుల్లెట్ పేలిన శబ్దం వినిపించింది అని చెప్పింది. దాంతో నీకు ఎన్ని బుల్లెట్స్ పేలిన శబ్దం వినిపించింది అంటే.. భాగ్యం రెండు అని చెప్పింది. మోనిత ఇంట్లో ఒక బుల్లెట్ దొరికింది. రెండోది మోనిత బాడీలో దిగింది అంటూ ఏసీపీ చెప్పింది.

నీ భర్తే అరెస్ట్ చేశాడు..

మోనిత ఇంట్లో లభించిన బుల్లెట్ మీ అమ్మ సౌందర్య వాడే లైసెన్స్‌డ్ రివాల్వర్‌కు చెందినది. మీ అమ్మ ఊర్లో లేదు. కారులో రక్త మరకలు ఉన్నాయి. ఇంకా ఏమైనా సాక్ష్యాలు కావాలా అంటూ దీపతో ఏసీపీ అంటే.. ఏంటి డాక్టర్ బాబు... నీవు ఏమిటి? హత్య చేయడం ఏమిటి? అని దీప రోదిస్తుంటే.. లోకమంతా నీ మాదిరిగా పవిత్రంగా ఉండదు. నీ భర్తే ఈ హత్య చేశాడు. ఇందులో అనుమానం లేదు అని ఏసీపీ అన్నారు దీంతో ఏసీపీ చెప్పేది నిజమేనా? మౌనంగా ఎందుకు ఉంటావు.. నీవు ఇలాంటి పని ఎప్పటికీ చేయవు. ఇందులో ఏదో జరిగింది.. నీకు తెలిసి చెప్పమంటూ తండ్రి ఆనందరావు గుచ్చి గుచ్చి అడిగారు. అయినా కార్తీక్ మౌనంగానే ఉన్నాడు.

కార్తీక్‌పై ఇంత నమ్మకం ఎందుకు

ఆదిత్య కూడా నిజం చెప్పమని అడిగితే.. ఇంకా మీ అన్నయ్య ఏం చెబుతాడు. 25వ తేదీన పెళ్లి చేసుకోమని మోనిత ఫోర్స్ చేసింది. పెళ్లి చేసుకోవాల్సి వస్తుందని కార్తీక్ ఆమెను చంపాడు. మోనిత పట్టుబడ్డే సరికి తాను తెచ్చుకొన్న రివాల్వర్‌తో కాల్చి చంపాడు అని ఏసీపీ అంటే.. మీరు నమ్ముతున్నావా అని దీప ప్రశ్నించింది. కార్తీక్ బాబు ఈ హత్య చేశారంటే నేను నమ్మను అంటే.. ఏంటీ దీప ఈ మనిషి మీద ఎందుకింత నమ్మకం. స్వయంగా మీ పిన్ని సాక్ష్యం చెప్పింది కదా.. ఎందుకింత నమ్మకం అంటూ ఏసీపీ ఘాటుగా స్పందించింది. అయితే నేను లాయర్ ద్వారా వచ్చి కార్తీక్‌ను సరెండర్ చేస్తాను అని తండ్రి ఆనందరావు అంటే.. ఇది నాన్ బెయిలబుల్ కేసు. కాబట్టి అలాంటి అవకాశం లేదు అంటూ సీరియస్‌గా ఏసీపీ స్పందించింది.

నేను మళ్లీ మోసపోయాను అంటూ..

కార్తీక్‌ను అరెస్ట్ చేసి వ్యాన్ ఎక్కించేందుకు తీసుకెళ్తుంటే.. ఏంటి డాక్టర్ బాబు ఇదంతా అంటే.. జీవితంలో మరోసారి నేను మోసపోయాను. మోనిత గర్బం కడుపులో పెరిగే బిడ్డకు ఎలా కారణం అయ్యానో.. ఈ హత్యకు కూడా అలానే కారణం అయ్యాను అంటూ కార్తీక్ చెప్పాడు. తన అరెస్ట్ చూసి ఏడుస్తున్న తండ్రిని ఊరడిస్తూ.. మీ ఆరోగ్యం బాగాలేదు. జాగ్రత్తగా ఆరోగ్యాన్ని కాపాడుకో. ఆదిత్య నాన్న ఆరోగ్యాన్ని జాగ్రత్తగా నువ్వే చూసుకోవాలి అని కార్తీక్ అన్నారు. పోలీసులతో వెళ్తుంటే భాగ్యం వచ్చి కార్తీక్ కాళ్లపై పడి క్షమించమని కోరింది. ఇందులో మీ తప్పులేదు అంటూ భాగ్యంకు సర్ది చెప్పారు. మీరంతా పిల్లల్ని జాగ్రత్తగా చూసుకోవాలి. దీప ఆరోగ్యం పాడు చేసుకోకు అంటూ కార్తీక్ జాగ్రత్తల చెప్పాడు.

తండ్రి అరెస్ట్ చూసి శౌర్య, హిమ షాక్

ఇక పోలీసులతో వ్యాన్ ఎక్కేందుకు వెళ్లడానికి సిద్దం కాగా, స్కూల్ నుంచి వచ్చిన హిమ, శౌర్య తండ్రి అరెస్ట్ చేసి ఏడుపు మొదలుపెట్టారు. నాన్న నిన్ను ఎందుకు అరెస్ట్ చేశారు. నీవు వెళ్లవద్దు అంటూ పిల్లలు ప్రాధేయపడ్డారు. అమ్మ చెప్పినట్టు వినండి. మీ ముగ్గురు తాతయ్య చెప్పినట్టు వినండి అని చెప్పి కార్తీక్ ముందుకు కదిలాడు.

పదేళ్ల పాపం అంటూ కార్తీక్

కార్తీక్ పరిస్థితి చూసి తట్టుకోలేకపోయిన కార్తీక్ ఏంటిరా ఇది.. నీవు హత్య చేయడం ఏమిటిరా... ఈ కేసులో ఇరుక్కుపోవడం ఏమిటిరా అంటే నాన్న ఇది పదేళ్ల పాపం అంటూ దీపవైపు కార్తీక్ చూశాడు. ఇలాం కుటుంబ సభ్యుల రోదనల మధ్య కార్తీక్ జైలుకు వెళ్లాడు. అయితే తండ్రి జైలు నుంచి ఎప్పుడు వస్తాడు.. ఎందుకు అరెస్ట్ చేశాడు అంటూ తల్లిపై ప్రశ్నల వర్షం కురిపించారు.

Recommended Video

Karthika Deepam సీరియల్ పై Manchu Lakshmi Tweet వైరల్!! || Filmibeat Telugu

లొంగిపోయిన సౌందర్య

ఇక తాజా ప్రోమోలో విదేశాలకు వెళ్లిన సౌందర్య సడెన్‌గా ఏసీపీ రోషిణి ముందు పోలీస్ స్టేషన్‌లో ప్రత్యక్షం అయ్యారు. ఏంటీ మీరు ఇక్కడ అని ఏసీపీ ప్రశ్నిస్తే.. సరెండర్ అవ్వడానికి వచ్చాను. హత్యకు ఉపయోగించిన రివాల్వర్ ఇదే.. నా కొడుకుకు నేనంటే చాలా ప్రేమ. అందుకే నేను చేసిన నేరాన్ని వాడి పేరున వేసుకొన్నాడు అని సౌందర్య చెప్పిన మాటలతో ఏసీపీ రోషిణి షాక్‌కు గురయ్యారు. ఆ షాక్ నుంచి తేరుకోక ముందే నన్ను అరెస్ట్ చేసి.. నా కొడుకు కార్తీక్‌ను రిలీజ్ చేయండి అంటూ సౌందర్య మరో షాక్ ఇచ్చింది.