Karthika Deepam హిమ, దీపనే కాదు.. నీ తల్లి సౌందర్యను కూడా అంటూ కార్తీక్‌కు షాకిచ్చిన మోనిత

నీపైన ప్రేమతోనే ఇన్ని దారుణాలు అంటూ

హిమ చావు గురించి తెలిస్తేనే ఇలా రెచ్చిపోతున్నావు. నిన్ను సొంత చేసుకోవడానికి.. నీ భార్య దీపను చంపించడానికి దుర్గతో ప్రయత్నించాను. జరిగిన యాక్సిడెంట్‌ను నువ్వే చేయించావని దీపను తప్పుదోవ పట్టించి నీపై మనసు విరిగిపోవడానికే కుట్ర చేశాను. నిన్ను నీ భార్యను విడదీయడానికి వంటలక్కకు విహారి సంబంధం అంటగట్టాను. ఇదంతా ఎందుకు చేశానంటే అందుకు కేవలం ఒకే ఒక కారణం ప్రేమ. నీపై నాకు ఉన్న నాకు పిచ్చి ప్రేమ అంటూ మోనిత చెప్పుకొంటూ పోయింది.

నిలువెత్తు ప్రేమమూర్తికి తుపాకి గురిపెడుతావా?

తన తలకు కార్తీక్ పిస్టల్ గురిపెట్టడంతో నా కార్తీక్ నన్ను చంపేస్తాడా? ఇవన్నీ దారుణాలుగా కనిపిస్తున్నాయా? వీటి వెనుక నా కారణాలు అర్ధం కావడం లేదా? ఎంత వెర్రివాడివి. ఎదురుగా నిలుచున్న నిలువెత్తు ప్రేమమూర్తిని చేతులారా చంపేస్తావా? దీప ఏమనుకొంటుందనని ఆలోచిస్తున్నావా? ఇన్ని చేసిన దాన్ని దీపను చంపడం నాకు ఓ లెక్కనా.. అవసరమైతే మీ అమ్మను కూడా అంటూ మోనిత అనగానే.. ఆపపే అంటూ కార్తీక్ అరవడంతో ఎపిసోడ్‌కు ముగింపు పలికింది.

బందీగా భాగ్యం పరిస్థితి ఏమిటంటే..

కార్తీక్, మోనిత మధ్య జరుగుతున్న వాగ్వాదం, సంభాషణ వాడివేడిగా జరిగింది. మోనిత ఇంట్లో బందీ అయి మూతికి ప్లాస్టర్‌తో ఉన్న దీప పిన్ని భాగ్య పలు రకాల ఎమోషన్స్‌తో వింటూ వచ్చింది. మోనిత చెబుతున్న కుట్రలను విన్న భాగ్యం ఓ దశలో షాక్ గురైంది. ఏమీ చేయలేకపోతున్నాననే అసహనం ఆమెలో కనిపించింది.

తల్లి సౌందర్యను కూడా టార్గెట్ చేసిందా?

ఇక తన తల్లి సౌందర్యను కూడా ఏదో చేస్తానని మోనిత చెప్పడంపై కార్తీక్ ఏం చేశాడనేది ఆసక్తిగా మారింది. దీపను నిజంగానే షూట్ చేశాడా? లేదా ఇంకా ఏదైనా జరిగిందా? అనే విషయం ప్రేక్షకుల్లో ఆసక్తిని నింపింది. తదుపరి ఎపిసోడ్‌పై క్యూరియాసిటీని పెంచింది. అయితే భాగ్యం ఆ ఇంటి నుంచి బయటపడిందా? మోనిత పరిస్థితి ఏమైంది అనే ప్రశ్నలకు సమాధానం వచ్చే ఎపిసోడ్ 1114లో సమాధానాలు లభించనున్నాయి.

కార్తీక్ అరెస్ట్‌తో మరో మలుపు

ఇక తదుపరి ఎపిసోడ్‌లో మోనిత హత్యకు గురైంది. శవం ఎక్కడ దాచిపెట్టావు అంటూ ఏపీసీ రోషిణి రావడం, దీప ఇంటిని నుంచి కార్తీక్‌ను అరెస్ట్ చేసి తీసుకెళ్లడం మరో ట్విస్టుకు తెరలేపారు. కార్తీకదీపం సీరియల్‌లో ప్రస్తుతం ట్విస్టుల పర్వం కొనసాగుతున్నది. ఈ ట్విస్టులకు ముగింపు ఎప్పుడు అనే ప్రశ్న బుల్లితెర ప్రేక్షకులను వెంటాడుతున్నది.

Recommended Video

#HBDMaheshBabu : Surprising Facts సినిమాల్లో అలా.. బయట ఇలా | #SarkaruVaariPaata || Filmibeat Telugu

30వ వారంలో కూడా టాప్ రేటింగ్‌తో

కార్తీకదీపం సీరియల్ 2021 సంవత్సరంలో 30వ వారం కూడా టాప్ రేటింగ్‌తో దూసుకెళ్తున్నది. 29వ వారాన్ని మించి 30వ వారంలో మెరుగైన టీఆర్పీని సాధించింది. 30వ వారంలో కార్తీక దీపం (17.68 (అర్బన్), 17.03 (రూరల్))‌లో రేటింగ్‌ను సాధించింది. తెలుగులో ప్రసారం అవుతున్న సీరియల్స్‌కు అందనంత దూరంలో ఈ సీరియల్ ఉండటం విశేషంగా చెప్పుకోవచ్చు.