కౌశల్ ఆర్మీని కెలికిన కత్తి మహేష్.. ఆ పేరులోనే హింస!

ప్రతి అంశంలోనూ

ప్రతి అంశం గురించి తనదైన శైలిలో వివాదాస్పద వ్యాఖ్యలు చేసి వార్తల్లో నిలిచే కత్తి మహేష్ తాజగా కౌశల్ ఆర్మీ గురించి స్పందించాడు. ఎప్పటిలాగే ఘాటు వ్యాఖ్యలు చేస్తూ సందేశం ఇచ్చే ప్రయత్నం చేశాడు.

పేరులోనే హింస ఉంది

కౌశల్ ఆర్మీ అనే పేరులోనే హింస ఉంది అంటూ కత్తి మహేష్ ఓ మీడియా ఛానల్ తో మాట్లాడుతూ వ్యాఖ్యానించాడు. ఎవరికోసం ఈ కౌశల్ ఆర్మీ, సాలు కౌశల్ ఎవరు. బిగ్ బాస్ షోలో ఉన్న ఇంటి సభ్యులలో కొందరు నచ్చుతారు.. కొనరు నచ్చరు. అంత మాత్రాన నచ్చని వారిని ఎలా పడితే అలా ట్రోల్ చేయడమేనా అంటూ కత్తి మహేష్ ప్రశ్నించాడు.

2కె రన్ ఎందుకు

కౌశల్ కోసం 2 కె రన్ ఎందుకు అంటూ కత్తి ప్రశ్నించాడు. కేరళ వరద భాదితుల కోసం ఇలాంటి పని చేసి ఉంటే సమాజంలోకి మంచి సంకేతాలు వెళ్ళేవి అని కత్తి తెలిపాడు. అభిమానం ఉండవచ్చు కానీ దురాభిమానం ఉండకూడదని సూచించాడు.

వాళ్లకు కూడా ఫ్యామిలీస్

మీరు ట్రోల్ చేసే వ్యక్తులకు కూడా కుటుంబాలు ఉంటాయనేది గమనించాలి. ఇలా ట్రోల్ చేస్తే వారి కుటుంబ సభ్యులు బాధపడతారు అంటూ కత్తి మహేష్ కౌశల్ ఆర్మీపై మండిపడ్డాడు.