అప్పుడే కసి పెరిగింది, డైరెక్టర్ల కోసం వెయిటింగ్, నా తడాఖా చూపిస్తా: కౌశల్

డైరెక్టర్ల కోసం వెయింటింగ్, తడాఖా చూపిస్తా

మనం హీరో అవ్వాలంటే డైరెక్టర్లు రావాలి, నేను వారి కోసం వెయిట్ చేస్తున్నాను. నిజంగా కౌశల్ హీరోగా సినిమా తీస్తానని ఎవరైనా పెద్ద డైరెక్టర్ వస్తే నా తడాఖా అక్కడ కూడా చూపించేస్తాను. ఇన్ని రోజులు ఒక బ్రేక్ కోసం వెయిట్ చేశాను. కానీ బిగ్ బాస్ 2 టైటిల్ విన్నర్ కావడం నా జీవితంలో బిగ్ బ్రేక్. ఈ బ్రేక్‌ను తప్పకుండా సద్వినియోగం చేసుకుని మీ అందరి సహకారంతో ఒక్కో అడుగు ముందుకు వెళతాను... అని కౌశల్ వ్యాఖ్యానించారు.

ప్రతి అభిమానిని కలుస్తాను

మీరు నాతో లైఫ్ లాంగ్ ఉండాలి. నాకు ఈ మూడు నెలలు ఓటు వేసిన ప్రతి ప్రేక్షక దేవుడి దగ్గరకు పర్సనల్‌గా వెళ్లి అందరినీ హగ్ చేసుకుని వాళ్ల మీద నాకున్న ప్రేమను చాటుకుంటాను. వారు యూఎస్ఏ, ఆస్ట్రేలియా, కెనడా ఎక్కడ ఉన్నా వెళతాను. వారితో నా సమయం గడిపి కృతజ్ఞతలు తెలియజేసుకుంటాను.... అని కౌశల్ అన్నారు.

అందుకే ఎవరితోనూ రిలేషన్స్ పెట్టుకోలేదు

బిగ్‌బాస్ ఇంట్లోకి వెళ్లిన వెంటనే అందరూ అక్కా, చెల్లి, అన్న, తమ్ముడు రిలేషన్స్ పెట్టుకున్నారు. ఈ రిలేషన్స్ అన్నీ ఆ మూడు నెలల కోసమే, ఆ గేమ్ కోసమే అని తెలుసు. మన ఒకరిని అక్కా అంటే బిగ్‌బాస్‌లో ఉన్నంత సేపు మనల్ని నామినేట్ చేయరు. మనం ఎన్ని తప్పలు చేసినా తప్పని చెప్పరు. ఈ గొడవ అంతా ఎందుకని నేను ఎవరితోనూ రిలేషన్స్ పెట్టుకోలేదు.

నేను బంధాలు పెట్టుకుంది ముగ్గురితోనే

నేను బిగ్‌బాస్ ఇంట్లో బంధాలు పెట్టుకుంది ముగ్గురితోనే. ఒకటి మైడియర్ బిగ్ బాస్‌తో, రెండు మై స్వీట్ హార్ట్ నానితో, మూడోది మై లవ్లీ పీపుల్ ఆడియన్స్‌తో మాత్రమే. అందరూ ఇంట్లో వారితో బంధాలు పెట్టుకుంటే... నేను ఇంటి బయట ఉన్న వారితో బంధాలు పెట్టుకున్నాను. ఆ బంధాల వ్యాల్యూ ఏమిటో నాకు తెలుసు. ఇంట్లో ఉన్న వారికి ఇపుడు తెలుస్తుంది... అని కౌశల్ అన్నారు.

అప్పటి నుండి కసి పెరిగింది

సెకండ్ వీక్‌లో నేను అంతగా ఫోకస్ చేయలేదు. ఫస్ట్ వీక్ లోనే ఇన్ని గొడవలు ఏంటి అనుకున్నాను. అంతా కలిసి నా మీద ఎటాక్ చేస్తున్నారని డిప్రెస్ అయ్యాను. ఎప్పుడైతే కిరీటి గొడవ అయిందో నాని గారు ఒకటే చెప్పారు... కౌశల్ నీకు ఫ్యాన్స్ ఉన్నారు, ఆ ఫ్యాన్స్ కోసం నువ్వు ఆడాలి అన్నారో అప్పుడు నా నరనరాల్లో కసి పెరిగింది. నేను గేమ్ గెలిచి ఫ్యాన్స్ రుణం తీర్చుకోవాలనుకున్నాను... అని కౌశల్ అన్నారు.

మా అమ్మ ఒక్కటే చెప్పింది

నాకు జన్మనిచ్చిన తల్లి ఒకటే చెప్పింది. పుట్టామా? జీవించామా? చనిపోయామా? అని కాదు... జీవితం అంటే పుట్టామా.. సాధించామా.. చనిపోయామా.. చనిపోయిన తర్వాత కూడా మన పేరు పది కాలాల పాటు ఉండాలని... నేను అదే ఇన్స్‌స్పిరేషన్ తో ముందుకు వెళ్లడం జరిగింది. సెకండ్ వీక్ లో నానిగారు నన్ను మోటివేట్ చేసిన విధానంతో నేను చాలా ఇంప్రెస్ అయ్యాను... అని కౌశల్ అన్నారు.

కౌశల్ ఆర్మీ గ్రేట్

బిగ్ బాస్‌ నుండి బయటకు వచ్చిన తర్వాత మిత్రులు చెప్పారు. 39 కోట్ల ఓట్లు వచ్చాయని... ఇదంతా కౌశల్ ఆర్మీ వల్లే సాధ్యమైంది. కౌశల్ ఆర్మీ కౌశల్ కోసం ఫైట్ చేయడం మాత్రమే కాదు.... కేరళ వరద బాధితుల కోసం 50 లక్షలు కలెక్ట్ చేసి పంపించడం చాలా గొప్ప విషయం...అని కైశల్ అన్నారు.