స్వాతి దీక్షిత్‌ ఎలిమినేషన్ అలా జరిగింది.. అసలు విషయం బయటపెట్టిన కౌశల్

వైల్డ్ కార్డుగా ప్రవేశించి త్వరగా ఎలిమినేషన్

బిగ్‌బాస్ హౌస్‌లోకి హీరోయిన్ స్వాతి దీక్షిత్ వైల్డ్ కార్డు ఎంట్రీగా ఇంట్లోకి వచ్చింది. ఇంటి సభ్యులతో కలిసి పోతున్నారనే ఫీలింగ్ కలుగుతున్న సమయంలో అనూహ్యంగా ఇంటి నుంచి నిష్క్రమించింది. అయితే స్వాతి దీక్షిత్‌ మాత్రమే కాకుండా మూడో వారం దేవీ నాగవల్లి కూడా బయటకు వెళ్లడం కూడా కొంత వివాదంగా మారింది.

స్వాతి దీక్షిత్ ఎలిమినేషన్‌కు మీరే కారణం

ఇక స్వాతి దీక్షిత్ ఎలిమినేట్ కావడానికి కారణం మీరే మాస్టారూ అంటూ అమ్మా రాజశేఖర్‌పై కంటెస్టెంట్ నోయల్ సీన్ ఆగ్రహం వ్యక్తం చేశారు. మొక్కగా ఉండగానే ఆమెను తుంచి వేసి ఇంటి నుంచి బయటకు పంపించావు. ఏ కారణం లేకుండా నామినేట్ చేయడం దారుణం అంటూ అమ్మా రాజశేఖర్‌ను నోయల్ ఐదోవారానికి నామినేట్ చేశారు.

స్వాతి దీక్షిత్ గురించి కౌశల్ మండా

ఇక బిగ్‌బాస్ నుంచి ఎలిమినేట్ అయిన స్వాతి దీక్షిత్ గురించి కౌశల్ మండా ఆసక్తికరమైన వ్యాఖ్యలు చేశారు. హీరోయిన్‌గా రాణించాలనే కోరికతో ఉన్న స్వాతి దీక్షిత్ తొలినాళ్లలో నా వద్ద మోడలింగ్‌లో ఏబీసీడీలు నేర్చుకొన్నారు. అలాంటి స్వాతి బిగ్‌బాస్‌ కంటెస్టెంట్‌గా కనిపించడం హ్యాపీగా అనిపించింది. కానీ చాలా త్వరగా ఇంటి నుంచి రావడం బాధ కలిగించింది అని కౌశల్ మండా ట్వీట్ చేశారు.

Recommended Video

Kaushal Manda Breaks His Mobile Gifted By Bigg Boss

బిగ్‌బాస్‌ తెలుగు 4లో ఆ రూల్ లేదు

బిగ్‌బాస్ గేమ్ నియమాలను కౌశల్ మండా వెల్లడిస్తూ.. సాధారణంగా, వైల్డ్ కార్డు ఎంట్రీగా ప్రవేశించే కంటెస్టెంట్లకు రెండు వారాల మినహాయింపు ఈ రియాలిటీ షో ఉంటుంది. కానీ, అలాంటి మినహాయింపు ఈ సీజన్‌లో లేదు. అయినా ఫర్వాలేదు. భవిష్యత్‌లో స్వాతి మరింత రాణించాలని కోరుకొంటున్నాను. నా యూట్యూబ్ ఛానెల్‌లో ఆమెతో నా ఇంటర్వ్యూ గురువారం ప్రసారం అవుతుంది అని కౌశల్ చెప్పారు.