అందుకే ఆయన మెగాస్టార్ అయ్యాడు: తీవ్రమైన నొప్పితో కూడా...

తీవ్రమైన గొంతు నొప్పితో ముద్ద మింగలేని స్థితిలో

ప్రస్తుతం ‘కౌన్ బనేగా కరోడ్‌పతి' సీజన్ 9 హోస్ట్ చేస్తున్న అమితాబ్ బచ్చన్ నెల రోజుల పాటు కంటిన్యూగా మాట్లాడుతూ షో చేయడంతో తీవ్రమైన గొంతు నొప్పికి గురయ్యారు. ముద్ద మింగలేని పరిస్థితికి వచ్చారు. ఆ నొప్పిని భరిస్తూ కూడా ఆయన ఈ సీజన్ చివరి ఎపిసోడ్ పూర్తి చేశారు.

ప్రజలకు దగ్గరవ్వడంతో పాటు అనారోగ్యం కూడా

'కౌన్ బనేగా కరోడ్‌పతి' కార్యక్రమం తనను ప్రజలకు మరింత దగ్గర చేసిందని... ఇదే సమయంలో అనారోగ్య సమస్యలను కూడా ఎదుర్కొనేలా చేసిందని బాలీవుడ్ మెగాస్టార్ అమితాబ్ బచ్చన్ తన బ్లాగ్‌లో పేర్కొన్నారు.

పెయిన్ కిల్లర్స్, యాంటీ బయోటిక్స్ వాడుతూ

ఈ షో కోసం దాదాపు నెల రోజుల పాటు తాను కంటిన్యూగా మాట్లాడానని... దీంతో, తన స్వరపేటిక దెబ్బతిందని బిగ్ బీ తెలిపారు. తీవ్రమైన గొంతు నొప్పితో ఆహారాన్ని మింగలేక పోతున్నానని చెప్పారు. రోజంతా యాంటీ బయోటిక్స్, పెయిన్ కిల్లర్స్ వాడుతూ ఫైనల్ ఎపిసోడ్ పూర్తి చేయాల్సి వచ్చిందని అమితాబ్ తెలిపారు.

చాలా బాధాకరమైన వార్తే...

రాత్రి తొమ్మిది గంటలకు ప్రసారమయ్యే ఈ కార్యక్రమం కోసం ఎంతో మంది ఎదురుచూస్తుంటారని, తన ఆనారోగ్య సమస్య కారనంగా నెక్ట్స్ సీజన్ మొదలవ్వడానికి బహుశా కొన్ని నెలల బ్రేక్ ఇవ్వక తప్పడం లేదు. అభిమానులకు, ఈ షో కోసం పనిచేస్తున్న ఎంతో మందికి ఇది బాధాకరమైన వార్తే అని చెప్పారు. ఈ షో కోసం 24 గంటలూ కష్టపడుతున్న 450 మంది సభ్యులకు తన అభినందనలు అని అమితాబ్ తెలిపారు.

ఆదివారం ప్రసారం కానున్న ఫైనల్ ఎపిసోడ్

‘కౌన్ బనేగా కరోడ్ పతి' కార్యక్రమం ఫైనల్ ఎపిసోడ్ ఈ ఆదివారం ప్రసారం కాబోతోంది. ఈ ఫైనల్ ఎపిసోడ్‌తో ‘కౌన్ బనేగా కరోడ్‌పతి' సీజన్ 9 ముగియబోతోంది.