కార్తీకదీపం శౌర్యతో అంత ఈజీ కాదు.. జబర్దస్త్ నరేష్‌ను ఓ ఆటాడేసుకుంది!!

సోషల్ మీడియాలో యాక్టివ్..

కృతిక సోషల్ మీడియాలో ఫుల్ యాక్టివ్‌గా ఉంటుంది. కార్తీకదీపం సెట్స్‌లోని విశేషాలు, క్యాస్టింగ్‌తో పెట్టే ముచ్చట్లను సోషల్ మీడియాలో షేర్ చేస్తూ ఉంటుంది. వయసు చిన్నదే అయినా ఆలోచనలో మాత్రం అందరికంటే ఎంతో ఎత్తులో ఉంటుంది. దానం చేయడంలో, ఎదుటివారికి సాయపడటంలో ముందుంటుంది.

తాజాగా షోలో..

సాయి కుమార్ హోస్ట్‌గా నిర్వహిస్తోన్న వావ్ ప్రోగ్రాం గురించి అందరికీ తెలిసిందే. ప్రస్తుతం వావ్ మూడో సీజన్ ప్రారంభం కాగా.. అది బాగానే క్లిక్కయింది. వచ్చే వారం ఎపిసోడ్‌లో పిల్లల గ్యాంగ్‌తో రచ్చ చేసేందుకు రాబోతోన్నాడు. ఈ క్రమంలో బేబీ కృతిక, నేహాంత్, జబర్దస్త్ నరేష్, బేబీ శ్రీదేవీ విచ్చేశారు.

నరేష్‌పై పంచులు..

ఇక జబర్దస్త్ నరేష్ ఇలా చిన్నపిల్లలతో కలిసి ఆట ఆడటానికి రావడంపై అందరూ సెటైర్లు వేశారు. పోడియం వద్ద నరేష్ నిల్చుంటే కనీసం దాని అంత ఎత్తు కూడా లేడు. నరేష్ ఎక్కడున్నాడు కనిపించడం లేదని కృతిక ఓ పంచ్ వేయడంతో అందరూ పగలబడి నవ్వేశారు. ప్రోమోలో అందరూ కలిసి నరేష్‌ను బాగా వాడేసుకున్నట్టు కనిపిస్తోంది.

అమాంతం నెట్టేసింది..

ఇక మరోసారి నేహాంత్ పంచ్ వేశాడు. భాషా లెవెల్‌లో నరేష్ పోజు కొడుతుండగా నేహాంత్ వేసిన పంచ్‌కు నవ్వులు పూశాయి. బేబీ శ్రీదేవితో డైలాగ్ చెప్పించేందుకు నరేష్ నానా తంటాలు పడ్డాడు. ఇక చివర్లో నరేష్‌ను అమాంతం నెట్టడంతో ఎగిరిపడ్డాడు. మొత్తానికి పిల్లల సందడితో షో మొత్తం నవ్వులఝల్లులు కురిశాయి.

Recommended Video

Karthika Deepam fame Nirupam AKA Karthik Got gift from Chiranjeevi's Mother Anjana Devi

కంటెస్టెంట్ల రచ్చ..

వావ్ మూడో సీజన్‌లొ కంటెస్టెంట్లు చేసే రచ్చతో షో బాగానే క్లిక్ అవుతోంది. హైపర్ ఆది, అనసూయ, శ్రీముఖి, విషుప్రియ, రాం ప్రసాద్ వంటి కంటెస్టెంట్లను తీసుకొచ్చి షోను బాగానే నడిపిస్తున్నారు. తాజాగా ఈ పిడుగులతో చేసిన ఎపిసోడ్ కూడా క్లిక్ అయ్యేట్టే కనిపిస్తోంది.