Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
శివగామి అందుకే దక్కింది.. రమ్యకృష్ణపై మధుబాల సెన్సేషనల్ కామెంట్స్
దక్షిణాది సినీ నటి మధుబాల మరోసారి శివగామి పాత్రను మీడియాలోకి లాక్కొచ్చింది.
దక్షిణాది సినీ నటి మధుబాల మరోసారి శివగామి పాత్రను మీడియాలోకి లాక్కొచ్చింది. ఓ ప్రాజెక్ట్ ఫైనల్ కావడానికి ముందు ఓ పాత్రను పలువురికి ఆఫర్ చేస్తారని, తమ అంచనాలకు లోబడి ఉన్నవారికి ఆ పాత్రను ఇవ్వజూపుతారనే అభిప్రాయాన్ని మధుబాల వ్యక్తం చేశారు. ప్రతిష్ఠాత్మకంగా రూపొందించిన బాహుబలి చిత్రంలోని శివగామి పాత్రను తొలుత శ్రీదేవికి ఆఫర్ చేయగా.. ఆమె పెట్టిన డిమాండ్లకు భయపడి ఆ పాత్రను రమ్యకృష్ణకు ఇచ్చామని దర్శకుడు రాజమౌళి చేసిన వ్యాఖ్యలు వివాదాస్పదమైన సంగతి తెలిసిందే. ఈ నేపథ్యంలో మరోసారి శివగామి పాత్రపై మధుబాల వ్యాఖ్యలు చేయడం మరోసారి ప్రాధాన్యత సంతరించుకొన్నది.
అందుకే ఆ పాత్ర రమ్యకృష్ణకు దక్కింది..
శివగామి పాత్రను పది మందికి ఆఫర్ చేసి ఉండవచ్చేమో. కానీ అది ప్రధాన విషయం కాదు. ఆ పాత్ర రమ్యకృష్ణ చేయాలని రాసి పెట్టి ఉంది. అందుకే ఆమె ఆ పాత్ర దక్కింది. శివగామి పాత్రకు మరెవరూ సరిపోరనే విధంగా ఆ పాత్రకు రమ్యకృష్ణ న్యాయం చేసింది. ఆమె కోసమే ఆ పాత్ర పుట్టిందా అనే అభిప్రాయాన్ని మధుబాల వ్యక్తం చేసింది.
పాత్రను ఆఫర్ చేయడం సర్వసాధారణం
సినిమా పరిశ్రమలో ఓ పాత్ర కోసం పలువురిని సంప్రదించడం చాలా సర్వసాధారణం. ఓ పాత్రను ఒప్పుకొంటారు. మరికొందరు ఒప్పుకోరు. దానిని పట్టించుకోవాల్సిన అవసరం లేదు. ఎవరు ఎంత బాగా న్యాయం చేకూర్చారు అనేదే పట్టించుకోవాల్సిన అంశం అని ఆమె అన్నారు.
ఆ పాత్రకు ముందు వేరొకరిని అనుకొన్నారంట..
1991లో పూల్ ఔర్ కాంటే సినిమాతో నేను సినీ పరిశ్రమకు పరిచయం అయ్యాను. ఆ పాత్రకు ముందు వేరెకరిని అనుకొన్నారట. మరికొంత మందికి ఆడిషన్ నిర్వహించారనే విషయం ఆ తర్వాత తెలిసింది. నాకు ఆ పాత్రను పోషించే అవకాశం దక్కింది. ఆ సినిమా సూపర్ హిట్ అయింది అని మధుబాల అన్నారు.
శివగామి పాత్రలో రమ్యకృష్ణ అద్భుతంగా
బాహుబలి సినిమాలో శివగామి పాత్రను రమ్యకృష్ణ అద్భుతంగా పోషించింది. ఎలాంటి పాత్రనైనా ఆసక్తికరంగా మలిచే టాలెంట్ ఆమెకు ఉంది. రమ్యకృష్ణ నాకు క్లోజ్ ఫ్రెండ్ అని పొగడటం లేదు. ఏ పాత్రకైనా న్యాయం చేసే సత్తా ఆమెకే సొంతం అని మధుబాల పేర్కొన్నారు. రాఘవేంద్రరావు దర్శకత్వం వహించిన అల్లరిప్రియుడు చిత్రంలో రమ్యకృష్ణ, మధుబాల కలిసి నటించిన సంగతి తెలిసిందే.
బుల్లితెరపై శివగామిగా మధుబాల
బాహుబలి సినిమా కథ ఆధారంగా టీవీలో ప్రసారమవుతున్న ఆరంభ్ సీరియల్లో మధుబాల శివగామి పాత్రను పోషిస్తున్నారు. ఈ పాత్రను పోషించామని ఆఫర్ వచ్చినప్పుడు రమ్యకృష్ణతో మాట్లాడాను. అప్పుడు ఈ విషయం గురించి మాట్లాడుకొని నవ్వుకున్నాం. రమ్యకృష్ణ పోషించిన పాత్రను చేయాల్సి రావడం సంతోషం కలిగించింది. నా పాత్రకు, రమ్య పాత్రను పోల్చి చూడకూడదు అని మధుబాల పేర్కొన్నది.