Mahesh Babu-Sitara: బుల్లితెరపై మహేశ్​ బాబు.. సితారతో కలిసి ఆ డ్యాన్స్​ షోలో..! వీడియో వైరల్​

సినిమాలతో బిజీ..

సూపర్ స్టార్ మహేశ్​ బాబు వరుస పెట్టి సనిమాలు చేస్తూ ఫుల్​ బిజీగా ఉన్నాడు. ఇటీవల సర్కారు వారి పాట చిత్రంతో మంచి విజయం అందుకున్న ఆయన మాటల మాంత్రికుడు త్రివిక్రమ్​ శ్రీనివాస్​ దర్శకత్వంలో ఓ సినిమా, దర్శక ధీరుడు రాజమౌళితో ఓ చిత్రం తీయనున్నాడనే విషయం తెలిసిందే.

కాస్త దూరంగా..

ఓవైపు సినిమాలతో ఫుల్ బిజీగా ఉంటూనే ఫ్యామిలీకి కూడా సమయం కేటాయిస్తాడు మహేశ్​ బాబు. ప్రతి సినిమా తర్వాత గ్యాప్​ తీసుకుని కుటుంబంతో కలిసి సరదాగా ఫారెన్ టూర్​లు వేస్తుంటాడు మహేశ్​ బాబు. అయితే సినిమాలు, ఫ్యామిలీతో గడిపే మహేశ్​ బాబు బుల్లితెరకు కాస్త దూరంగానే ఉంటాడని చెప్పాలి.

అన్​స్టాపబుల్ షోలో..

ఇటీవల నందమూరి నటసింహం బాలకృష్ణ హోస్ట్​గా వ్యవహరించిన అన్​స్టాపబుల్​ షోలో మహేశ్​ బాబు పాల్గొన్నాడు. ఆయన మాటలతో, పలు ఆసక్తికర విషయాలతో ఆద్యంత సందడిగా సాగింది ఆ ఎపిసోడ్​. తాజాగా మళ్లీ ఓ టీవీ షోలో తళుక్కున మెరిశారు మహేశ్​ బాబు.

సితారతో మహేశ్​..

ఓ ఛానెల్​ నిర్వహిస్తోన్న డ్యాన్స్ షోకి మహేశ్​ బాబు అతిథిగా హాజరయ్యారు. అంతేకాకుండా మహేశ్​ బాబుతో పాటు ఆయన గారాల కూతురు సితార కూడా ఈ షోలో కనిపించనుంది. మహేశ్​తో పాటు సితార కనిపించడంతో టాపిక్​ స్పెషల్​గా మారింది.

వీడియో వైరల్​..

దీనికి సంబంధించిన షూటింగ్​లో పాల్గొనెందుకు మహేశ్​ బాబు తన కూతురు సితారతో కలిసి సెట్స్​ పైకి వెళ్లాడు. ప్రస్తుతం దీనికి సంబంధించిన వీడియో నెట్టింట వైరల్ అవుతోంది. ఈ వీడియోలో సితార చేయి పట్టుకుని మహేశ్​ నడిపించడం మనం చూడొచ్చు.

ఫ్రాక్​లో సితార..

ఇందులో మహేశ్​ బాబు స్టైలిష్​ అవుట్ ఫిట్​ ధరించగా, సితారా కూడా గ్లిట్టర్​ ఫ్రాక్​ వేసుకుని ఆకట్టుకునేలా ఉంది. మరి మహేశ్ బాబు, సితార పాల్గొన్న ఈ షో ఎప్పుడు టెలికాస్ట్​ అవుతుందో వేచి చూడాలి. కాగా మహేశ్​ బాబు 28వ చిత్రం (SSMB 28) వచ్చే ఏడాది అంటే 2023 ఏప్రిల్​ 28న విడుదల చేయనున్నట్లు ప్రకటించారు.