Mahesh Babu: ’బిగ్‌బాస్‘ రోహిణితో మహేశ్ బాబు ఫన్​.. సూపర్ స్టార్ పంచ్​ మాములుగా లేదుగా!

బుల్లితెరపై..

మహేశ్ బాబు వేసే పంచ్​లకు కచ్చితంగా నవ్వాల్సిందేనని ఇప్పటికే చాలా మంది హీరోయిన్లతోపాటు హీరోలు కూడా అనేక సందర్భాల్లో చెప్పుకొచ్చారు. కొన్ని ఈవెంట్లు, మీడియా మీట్​లతో మహేశ్​ బాబు మాట్లాడే విధానం చూస్తే ప్రేక్షకులకు సైతం అర్థమైపోతుంది. ఇక మరోసారి తన కామెడీ టైమింగ్​ను, పంచ్​లను బుల్లితెరపై చూపించాడు మహేశ్​ బాబు.

తనదైన స్టైల్​లో నవ్వులు..

జీ తెలుగు టీవీ ఛానెల్ నిర్వహిస్తోన్న డ్యాన్స్ ఇండియా డ్యాన్స్ షోలో మహేశ్​ బాబు తన కూతురు సితారతో కలిసి సందడి చేసిన విషయం తెలిసిందే. తాజాగా దీనికి సంబంధించిన ప్రోమోను విడుదల చేసింది జీ తెలుగు. ఇందులో తనదైన స్టైల్​లో నవ్వులు పూయించాడు మహేశ్​ బాబు.

పూరిలా గెటప్​..

ఈ షోలో జబర్థస్త్​ లేడి కమెడియన్​ రోహిణి అతడు మూవీలో త్రిష పాత్ర పూరిలా గెటప్​ వేసుకొని వచ్చంది. మహేశ్ బాబు పూరి అని పిలవగానే రోహిణి వచ్చింది. అలా చూడకండి, మీ చూపులు నా వీపును గుచ్చుకుంటున్నాయి అని నవ్వించింది రోహిణి. తర్వాత హీరోయిన్​ అవ్వాలంటే ఏం చేయాలి అని మహేశ్​ బాబుని రోహిణి అడగ్గా.. సినిమాలు చేయాలని పంచ్ వేశాడు మహేశ్​ బాబు.

రోహిణితో మహేశ్​ కామెడీ..

ఆ తర్వాత ఇలా బుగ్గలు వచ్చేస్తున్నాయి.. బాగుండాలి అంటే ఏం చేయాలి అని రోహిణి అడగ్గా.. బాగున్నారండీ అని మహేశ్ బాబు అనడంతో సిగ్గుతో పక్కనున్న యాంకర్​ను గుద్దేస్తుంది రోహిణి. ఇలా రోహిణి, మహేశ్ బాబు కలిసి షోలో కామెడీ పండించారు. అలాగే ఈ షోలో ఇద్దరు డ్యాన్సర్లకు సినిమాలో అవకాశం ఇస్తానని మహేశ్ బాబు మాట ఇచ్చిన విషయం తెలిసిందే.

వారికి ఫిదా..

ఈ షోలో బాబు అండ్​ కుమార్​ చేసిన డ్యాన్స్​కు ఫిదా అయిన మహేశ్ బాబు ''మీకు హ్యాట్సాఫ్​. మీరు నటించలేదు. జీవించేశారు. నేను చేసే సినిమా గానీ, నేను తీసే సినిమాలో గానీ మీకు కచ్చితంగా అవకాశం ఇస్తాను'' అని తెలిపాడు. ఈ ఒక్క మాటతో స్టేజ్​ అంతా చప్పట్లో మారుమోగిపోయింది.

సితార కామెంట్​..

తమకు అవకాశం ఇస్తా అన్న మహేశ్ బాబు కాళ్లపై బాబు అండ్​ కుమార్​ పడగా, వారిని ఆత్మీయంగా కౌగిలించుకున్నాడు మహేశ్ బాబు. అలాగే ఇందులో పాల్గొన్న సితార సైతం వారి డ్యాన్స్​ పెర్ఫామెన్స్​ను ''ఇట్ వాస్​ మైండ్​ బ్లోయింగ్'' అంటూ పొగిడింది.