Click it and Unblock the Notifications
Karthika Deepam March 30th: జ్యోత్స్నకు ప్రపోజ్ చేసిన కార్తీక్... కానీ ఎవరూ ఊహించని ట్విస్ట్!
Karthika Deepam 2 Serial March 30th Episode: కార్తీక దీపం సీరియల్ కు సీక్వెల్ గా కార్తీక దీపం ఇది నవ వసంతం తెరకెక్కింది. ఇక ఈ సీరియల్ ప్రారంభం అయి కేవలం 6 రోజలు మాత్రమే అయింది. అయితే ఇంకా ఈ సీరియల్ మీద క్లారిటీ రాలేదు. అసలు దీప భర్త ఎవరు.. శౌర్య తండ్రి ఎవరు.. కార్తీక్ ను చూసి దీప ఎందుకు అసహ్యాంచుకుంది. దీపకు తాను తప్పు చేయలేదని ఎందుకు కార్తీక్ చెప్పాలనుకుంటున్నాడు.. ఇలా అన్నీ ప్రశ్నలు తలెత్తుతున్నాయి.
అప్పులోడి పెళ్లాం ఎంట్రీ...
అప్పులోడు దీప ఇంటికి వచ్చి గొడవ చేస్తుంటాడు. మొగుడు లెక్క చూసుకోమంటే ఎవడితోనే కొట్టించాలని చూశావ్ అని అంటాడు. పదా అంటూ బలవంతం చేయబోతాడు. దీప ఇంట్లో మల్లేష్ భార్య కనకం ఉంటుంది. దీపకి మొగుడు అవుతావా అని లాగిపెట్టి ఒకటి పీకుతుంది. మొగుడిని చెప్పుతో కొట్టబోతుంటే దీప ఆపుతుంది. మగతోడు లేని ఆడది..తలుపులు తెరిచిన ఇల్లు లాంటిది దీప.. దారిన పోయే ప్రతి కుక్క దూరాలనుకుంటది.. మంచోడైనా చెడ్డోడైనా మొగుడు మన పక్కన ఉంటేనే మంచిది. నర్సింహ ఎక్కడ ఉన్నాడో తెలుసుకుని వాడిని తీసుకురా అని సలహా ఇస్తుంది. మల్లేష్ ని తీసుకుని కనకం వెళ్ళిపోతుంది.
శివనారాయణ వార్నింగ్...
పారిజాతం శివనారాయణ దగ్గరకు వచ్చి రెండు లక్షలు కావాలని డబ్బు అడుగుతుంది. ఇప్పుడే నువ్వు పెడుతున్న దుబారా ఖర్చు ఎంతని లెక్కపెడితే నెలకు మూడు లక్షలు దాటింది... నువ్వు అడిగిన దాని బట్టి చూస్తే నువ్వే లక్ష నాకు తిరిగి ఇవ్వాలని అంటాడు. దీంతో బిత్తరపోతుంది. నచ్చింది తిని ఇంట్లో మూలన పడి ఉండు హక్కులు గిక్కులని మాట్లాడితే ఇంట్లో నుంచి గెంటేస్తానని కూల్ గా వార్నింగ్ ఇస్తాడు. డబ్బులు ఇవ్వలేదని కోపంతో రగిలిపోతూ ఉంటుంది పారిజాతం.
మిస్ హైదరాబాద్ గెలిచినందుకు పార్టీ
బంటు వచ్చి పాతికవేలు కావాలని అడిగేసరికి పారిజాతం చెంప చెల్లుమనిపిస్తుంది. అసలు విషయం చెప్తుంది బంటుకు. మిమ్మల్నే అంత మాట అంటాడా? వేసేయమంటారా అంటాడు. వద్దులే అంటుంది. మిస్ హైదరాబాద్ గెలిచినందుకు పార్టీ ఏర్పాటు చేస్తారు. మూవీస్ లో ట్రై చేస్తావా అని జ్యోత్స్నని తన ఫ్రెండ్స్ అడుగుతారు. లేదు మా బావకి పెళ్ళాం కావడమే తన గోల్ అని చెప్తుంది జ్యోత్స్న. ఎప్పుడూ బావ అని తన జపం చేయడం తప్ప అసలు మీ బావ ఎక్కడని అంటారు.
కార్తీక్ బొకే పట్టుకుని ఎంట్రీ
ఫుల్ బిజీ అంటే ఇది అబద్ధాలు చెబుతుందని ఫ్రెండ్స్ సెటైర్స్ వేస్తారు. అప్పుడే కార్తీక్ బొకే పట్టుకుని ఎంట్రీ ఇస్తాడు. కార్తీక్ ని అలాగే చూస్తూ ఉండిపోతుంది. బొకే ఇచ్చిన తర్వాత రింగ్ పట్టుకుని విల్ యు మ్యారీ మీ అని అడుగుతాడు. ఐయామ్ వెయిటింగ్ ఫర్ దిస్ బావ అంటుంది. బావ కాదు నేను గౌతమ్ అంటాడు. అప్పుడే జ్యోత్స్న ఊహలో నుంచి బయటకు వస్తుంది. నీతో పాటు చదువుకున్నాను. నువ్వంటే నాకు చాలా ఇష్టం అందుకే రింగ్ తీసుకుని పెళ్లి చేసుకోమని చెప్పడానికి వచ్చానని అంటాడు.
కార్తీక్ కాదు.. గౌతమ్...
సారి గౌతమ్ మా బావ కార్తీక్ అంటే నాకు ప్రాణమని జ్యోత్స్న చెప్తుంది. నువ్వు ఎందురుగా ఉన్న నాకు మా బావ కనిపిస్తున్నాడు. నేను పుట్టకముందే నాకు మా బావతో పెళ్లి అయిపోయిందని చెప్తుంది. జ్యోత్స్న మాటలకు కుటుంబ సభ్యులందరూ సంతోషిస్తారు. కంగ్రాట్స్ చెప్పి గౌతమ్ వెళ్ళిపోతాడు. జ్యోత్స్న దిగాలుగా కూర్చుంటుంది. రింగ్ ఎందుకు తిరిగి ఇచ్చేశావ్ అది కాస్ట్లీ గా ఉందని పారిజాతం అంటుంది. రింగ్ తీసుకుంటే పెళ్లికి ఒప్పుకున్నట్టేనని సుమిత్ర అంటుంది. శివనారాయణ నాలుగు తిట్లు తిడతాడు.
చిరునవ్వు చూడాలని
పిల్లల మనసు చెడగొట్టకుండా ఉంటేనే మంచిదని సుమిత్ర పారిజాతాన్ని అంటుంది. తనకు అవమానం జరిగిందని తెగ బాధపడిపోతుంది పారిజాతం. మీరు ఇలాగే ఉంటే సుమిత్ర మిమ్మల్ని ఉండనివ్వరు ఆవిడ విలువ తగ్గాలి మీ విలువ పెరగాలి. మీ రేంజ్ పెంచుతాను మీ పెదవుల మీద చిరునవ్వు చూడాలని బంటు అంటాడు. సుమిత్ర గట్టిగా పారిజాతాన్ని పిలిచి బంటు ఎక్కడని అడుగుతుంది. ఏమైందని అడిగితే చెప్పదు. తమ ప్లాన్ సక్సెస్ అయిందని తెగ సంతోషపడతాడు బంటు.
పారిజాతం టెన్షన్...
అప్పుడే పారిజాతం ఫోన్ చేస్తుంది. బంటి రాగానే చెంప పగలగొడుతుంది. నన్ను మోసం చేస్తావా అంటూ తిడుతుంది. నా పేరు చెప్పి క్యాషియర్ మూడు లక్షలు తీసుకున్నాడు. విషయం చెప్పొద్దని చెప్పి లక్ష లంచం కూడా ఇచ్చాడని సుమిత్ర చెప్తుంది. ఇంట్లో నుంచి వెళ్లిపొమ్మని సుమిత్ర తిడుతుంది. వాడు వెళ్లిపోతే తన పనులన్నీ ఎవరు చేస్తారని పారిజాతం టెన్షన్ పడుతుంది. సుమిత్ర కోపం తగ్గించడం కోసం కావాలని పారిజాతం బంటుని వాయించేస్తుంది.
రివర్స్ డ్రామా...
క్షమించమని కోడలు కాళ్ళు పట్టుకోమని చెప్తుంది. అవసరం లేదని సుమిత్ర అంటే చూశావా నా కోడలు ఎలా క్షమించిందో వెళ్ళి బుద్ధిగా పని చేసుకో అని కవర్ చేస్తుంది. ఒంటి మీద పడిన ప్రతి దెబ్బకు లెక్క చెప్తానని బంటు మనసులో కోపంతో రగిలిపోతాడు. నిన్ను తంతే వాడికి బుద్ధి వస్తుందని శివ నారాయణ తిట్టేసి వెళ్ళిపోతాడు. దీప తండ్రి ఫోటో పట్టుకుని చూస్తూ కన్నీరు పెట్టుకుంటుంది. మల్లేష్ ఊరి పెద్దలని తీసుకుని దీప ఇంటికి వస్తాడు. ఇచ్చి ఆరేళ్లు అవుతుంది ఇంతవరకు డబ్బు కట్టలేదని మల్లేష్ గొడవ చేస్తాడు. అనసూయ వచ్చి ఏంటి జనాలు వచ్చారని అంటే మీ అబ్బాయి చేసిన అప్పుల కోసం వచ్చారని అంటుంది. ఇక్కడితో ఎపిసోడ్ ముగుస్తుంది.
Continue with Google