మోనాల్ నిజస్వరూపం బయటకు: వీడియో లీక్ కాకముందే తేరుకుంది.. మళ్లీ ముద్దులు పెట్టడంతో!

లవ్ ట్రాకులతో చెడ్డ పేరు తెచ్చుకుంది

నాలుగో సీజన్ ఆరంభంలోనే మోనాల్ గజ్జర్ బాగా పాపులర్ అయింది. దీనికి కారణం తోటి కంటెస్టెంట్ అభిజీత్‌తో ఆమె లవ్ ట్రాక్ నడుపుతున్నట్లు ప్రచారం జరగడమే. వీళ్లిద్దరూ అలాగే కనిపించడంతో అంతా నిజమేనని అనుకున్నారు. అదే సమయంలో మోనాల్.. అఖిల్ సార్థక్‌తోనూ కలిసి తిరుగుతూ షాకిచ్చింది. ఈ ట్రాకుల వల్ల చెడ్డ పేరును మూటగట్టుకుంది.

చివరిలో తేరుకుని గేమ్‌లో మిగిలింది

బిగ్ బాస్ నాలుగో సీజన్ చివరి దశకు చేరుకుంది. దీంతో ఒంటరిగా ఆడాలని డిసైడ్ అయిందేమో.. మోనాల్ గజ్జర్ చివరిలో తేరుకుంది. ఇందులో భాగంగానే తన ఆట తాను ఆడుతూ హైలైట్ అవుతోంది. ఇన్ని రోజులు టాస్కులు ఆడుతున్నా పెద్దగా కనిపించని ఆమె.. ఇప్పుడు అఖిల్‌కు పోటీగానే శ్రమిస్తోంది. అంతేకాదు, అందరితో గొడవలకు కూడా దిగుతోంది.

అవినాష్‌ను కాలితో తన్నిన మోనాల్

ఈ వారం బిగ్ బాస్ హౌస్‌లో ‘రేస్ టు ఫినాలే' టాస్క్ మొదలైంది. మొదటి లెవెల్‌లో భాగంగా గార్డెన్ ఏరియాలో ఉన్న ఆవు నుంచి వచ్చే పాలను తమ దగ్గర ఉన్న బాటిల్స్‌లో నింపుకోవాలి కంటెస్టెంట్లు. ఈ టాస్కులో పాలు నింపుకునే సమయంలో మోనాల్ గజ్జర్.. అవినాష్‌ను కాలితో తన్నింది. దీంతో అతడు ఆమె కాలికున్న షూను పట్టుకుని విసిరేశాడు.

సీరియస్‌గా తీసుకోవడంతో గొడవలు

ఒక అమ్మాయి తనను కాలితో తన్నడంతో అవినాష్ జీర్ణించుకోలేకపోయాడు. దీంతో ఆ టాస్క్ ఆడనంటూ మధ్యలోనే బయటకు వెళ్లిపోయాడు. ఆ తర్వాత కూడా దీన్నే ప్రస్తావిస్తూ ఆవేదన వ్యక్తం చేశాడు. ఇక, బుధవారం ఎపిసోడ్‌లోనూ ఈ వ్యవహారాన్ని మరోసారి హైలైట్ చేశాడు. దీంతో సోహెల్.. ‘ఆమె నిన్ను నిజంగా తన్ని ఉంటే ఇకపై తనతో అస్సలు మాట్లాడను' అని చెప్పాడు.

మోనాల్ నిజస్వరూపం బయటకు

అవినాష్‌ విషయంలో మోనాల్ గంటకో మాట చెబుతూ తప్పించుకునే ప్రయత్నం చేస్తున్నట్లు అర్థం అవుతోంది. ఆరోజు రాత్రి ‘ఆరియానా కోసం తన్నాను' అని ఒప్పుకున్న ఆమె.. సోహెల్ అడగగా.. ‘నేను అలా చేయలేదు' అంటూ మరో మాట చెప్పింది. ఆ తర్వాత అఖిల్ దగ్గర ఈ ప్రస్తావన వచ్చినప్పుడు కూడా తానేమీ కొట్టలేదని చెప్పింది. తర్వాత తనకు గుర్తు లేదని కవర్ చేసింది.

Recommended Video

Varsha Bollamma, Anand Devarakonda Interview Part 3 | Middle Class Melodies

వీడియో లీక్ కాకముందే తేరుకుంది

ఈ వ్యవహారంపై క్లారిటీ కోసం అవినాష్.. వీకెండ్ ఎపిసోడ్‌లో ఆ వీడియో ప్లే చేయమని నాగార్జునను కోరాడు. అంత వరకు వస్తే తనకు నష్టం జరుగుతుంది అనుకుందో ఏమో.. మోనాల్ అతడి దగ్గరకు వెళ్లి సారీ చెప్పింది. తాను కావాలని చేయలేదని చెబుతూ కాళ్లు పట్టుకుంది. అంతేకాదు, ఆ తర్వాత ఏకంగా అతడి బుగ్గపై ముద్దుల మీద ముద్దులు పెట్టి తప్పు ఒప్పుకోకనే ఒప్పుకుంది.