Click it and Unblock the Notifications
ఏడాది తర్వాత బిగ్ సీక్రెట్ రివీల్.. బిగ్ బాస్ నటుడు సర్ప్రైజ్ ఇచ్చాడుగా!
ముక్కు అవినాష్ (Mukku Avinash).. తెలుగు బుల్లితెర ప్రేక్షకులకు ఈ నటుడి గురించి ప్రత్యేకంగా పరిచయం అవసరం లేదు. జబర్దస్త్ ద్వారా తెలుగు వారికి పరిచయమయ్యారు. తన కామెడీ టైమింగ్ తో ఎంతో మంది అభిమానులను సొంతం చేసుకున్నారు. ఈ ఫేమ్ తో తర్వాత బిగ్ బాస్ తెలుగు రియాల్టీ షోలో పాల్గొని మరింత గుర్తింపు సంపాదించాడు. రెండు సార్లు ఈ రియాలిటీ షోలో పాల్గొన్న అతను విజేతగా నిలవకున్నా తన ఆట, మాట తీరుతో మంచి క్రేజ్ సొంతం చేసుకున్నాడు.ఇక బిగ్ బాస్ తర్వాత ఎన్నో షోలో పాల్గొంటూ ప్రేక్షకులను ఎంటర్టైన్ చేస్తున్నారు. అయితే, గతేడాదిగా ఓ విషయాన్ని దాచిపెట్టి, సడెన్ గా బిగ్ సీక్రెట్ ఇచ్చారు. ఇంతకీ ఆ సీక్రెట్ ఎంటీ?
ఆ బిగ్ సర్ఫ్రైజ్ ఏంటో కాదు.. ముక్కు అవినాష్ ఇటీవల తండ్రయ్యాడనే విషయం బయటకు రావడం. ఈ వార్త సోషల్ మీడియాలో వైరల్గా మారింది. ఆశ్చర్యకర విషయం ఏమిటంటే.. అతను ఈ విషయాన్ని దాదాపు ఏడాది పాటు రహస్యంగా ఉంచాడు. గతేడాది మే 14న తనకు కుమారుడు జన్మించాడని, అతనికి 'అద్వైత్' అని పేరు పెట్టినట్లు అవినాష్ వెల్లడించాడు. తాజాగా తన కొడుకు మొదటి పుట్టినరోజును ఘనంగా నిర్వహించగా, ఆ వేడుకలో పలువురు బుల్లితెర ప్రముఖులు పాల్గొని సందడి చేశారు. ఈ సందర్భంగా తన కుటుంబంతో కలిసి ఉన్న ఫోటోలు, వీడియోలు పంచుకుంటూ ఈ శుభవార్తను అభిమానులతో షేర్ చేసుకున్నాడు.
అయితే ఈ ఆనందం వెనుక ఒక పెద్ద విషాద గాథ దాగి ఉంది. అవినాష్ 2021 నవంబర్లో అనూజను వివాహం చేసుకున్నాడు. దంపతులు 2023లో తల్లిదండ్రులు కాబోతున్నామంటూ సంతోషకర వార్తను ప్రకటించారు. బేబీ బంప్ ఫోటోలు, మెటర్నిటీ షూట్స్, సీమంతం వేడుకలతో ఆ ఆనందాన్ని సోషల్ మీడియాలో అభిమానులతో పంచుకున్నారు. కానీ ఆ సంతోషం ఎక్కువకాలం నిలవలేదు. 2024 ప్రారంభంలో అనూహ్యంగా వారికి పెద్ద షాక్ తగిలింది. డెలివరీకి కొన్ని గంటల ముందు, అనూజ గర్భంలో ఉన్న బిడ్డ కదలికలు ఆగిపోయాయి. వెంటనే ఆస్పత్రికి తరలించగా, వైద్యులు బిడ్డ గుండె కొట్టుకోవడం ఆగిపోయిందని తెలిపారు.
ఈ వార్త అవినాష్ను పూర్తిగా కుదిపేసింది. ఏదైనా చేసి తన బిడ్డను కాపాడాలని డాక్టర్లను వేడుకున్నప్పటికీ, పరిస్థితి వారి చేతుల్లో లేదని వైద్యులు స్పష్టం చేశారు. ఈ విషాదం అవినాష్ దంపతులను తీవ్ర మానసిక వేదనకు గురిచేసింది. ఈ సంఘటన గురించి తర్వాత ఓ ఇంటర్వ్యూలో మాట్లాడిన అవినాష్, "2.75 కిలోల బరువుతో పుట్టిన మా బిడ్డలో ప్రాణం లేకపోవడం మమ్మల్ని పూర్తిగా కుంగదీసింది" అని చెప్పాడు. ఆ సమయంలో తాను ఎంతగా మానసికంగా కృంగిపోయానో వివరిస్తూ, అర్ధరాత్రి రోడ్డుపై ఒంటరిగా ఏడ్చిన రోజుల్ని గుర్తుచేసుకున్నాడు. ఆ బాధ నుంచి బయటపడటానికి చాలా సమయం పట్టిందని చెప్పాడు.
అందుకే రెండోసారి అనూజ గర్భవతి అయినప్పుడు, ఈ విషయం ఎవరికీ చెప్పకూడదని నిర్ణయించుకున్నారు. ఈసారి ఏ చిన్న రిస్క్ కూడా తీసుకోకుండా జాగ్రత్తలు తీసుకున్నారు. కొడుకు పుట్టిన తర్వాత కూడా వెంటనే బయటకు చెప్పకుండా, ఒక సంవత్సరం పూర్తయ్యాక మాత్రమే ఈ విషయాన్ని వెల్లడించారు. ఇప్పుడు కొడుకు ఆరోగ్యంగా ఉండటం, కుటుంబంలో మళ్లీ ఆనందం నిండటం అవినాష్కు కొత్త జీవితాన్ని ఇచ్చినట్లైంది. ప్రస్తుతం ఆయనకు అభిమానులు శుభాకాంక్షలు తెలియజేస్తూ, చిన్నారి అద్వైత్కు ఆశీస్సులు అందిస్తున్నారు.
Continue with Google