బిగ్‌బాస్‌కు ముమైత్ తలనొప్పి.. తొలి ఎలిమినేషన్ ఆమెనే.. కారణాలు ఇవే..

నిబంధనలకు విరుధ్దంగా ముమైత్

తెలుగు బిగ్‌బాస్ షో పాల్గొనే సెలబ్రిటీలు తప్పకుండా తెలుగు భాషలోనే మాట్లాడాలనేది ప్రాథమిక నిబంధన. ఈ రూల్‌ను ప్రారంభ ఎపిసోడ్‌లోనే ప్రధానంగా ప్రస్తావించారు. తొలి రోజు బిగ్‌బాస్ కార్యక్రమాన్ని చూస్తే ముమైత్ ఖాన్ ఎక్కువగా హిందీ, లేదా ఇంగ్లీష్‌లోనే మాట్లాడినట్టు స్పష్టమైంది. తెలుగులో మాట్లాడిన దాఖలాలు చాలా అరుదుగా కనిపించింది.

Recommended Video

Bigg Boss Telugu : Sampoornesh Babu Have Elimination Threat From Big Boss Show

తెలుగులోనే ఎందుకు మాట్లాడలంటే

తెలుగు బిగ్‌బాస్ కార్యక్రమం తెలుగు ప్రేక్షకుల కోసం ఉద్దేశించింది. గ్రామీణ ప్రాంతాల వారిని ఆకర్షించడానికి ఈ కార్యక్రమాన్ని రూపొందించారు. తెలుగు ప్రేక్షకులను ఆకట్టుకోగలిగితేనే ఈ కార్యక్రమం రేటింగ్ పెరుగుతుంది. ఈ నేపథ్యంలో ముమైత్ ఖాన్ తెలుగులో మాట్లాడకపోవడం ప్రధానమైన లోపం. ఆమెకు ఈ పాయింట్ మైనస్‌గా మారడానికి అవకాశం ఉంది.

బిగ్‌బాస్ ప్రారంభానికి ముందే తలనొప్పి

బిగ్‌బాస్ ప్రారంభానికి ముందే ముమైత్ ఖాన్‌ ఎదురు దెబ్బ తగిలింది. టాలీవుడ్ పరిశ్రమకు డ్రగ్ మాఫియాతో లింకులు ఉన్నాయనే ఆరోపణలు రావడం సంచలనంగా మారింది. ఈ కేసులో ముమైత్ ఖాన్ పేరు కూడా ప్రధానంగా వినిపించింది. ఈ నేపథ్యంలో ఆమెకు నోటీసులు అందజేయడానికి అధికారులు ప్రయత్నిస్తున్నారు.

డ్రగ్ కేసులో నోటీసులు అందజేస్తారా?

బిగ్‌బాస్ కార్యక్రమంలో పాల్గొంటున్న ముమైత్ ఖాన్‌కు నోటీసులు అందజేశారా లేక త్వరలో అందజేస్తారా అనే విషయంపై ఇంకా వివరాలు వెల్లడి కాలేదు. ఒకవేళ అందజేయకపోతే ముమైత్ ఖాన్‌కు బిగ్‌బాస్ హౌస్‌లో అందజేస్తారా? అందుకు బిగ్‌బాస్ నిర్వాహకులు అధికారులకు అనుమతిస్తారా? అనేది ప్రస్తుతం మిలియన్ డాలర్ల ప్రశ్న.

బయటకు రావాలంటే కష్టం

ఒకవేళ ముమైత్ ఖాన్ విచారణకు హాజరుకావాల్సి వస్తే బిగ్‌బాస్ కార్యక్రమం నుంచి బయటకు వెళ్లడం కష్టం. అందుచేత ఈ వ్యవహారం నిర్వహకులకు తలనొప్పిగా మారింది. ఈ నేపథ్యంలో ముమైత్ ఖాన్‌ను తప్పించడం అనివార్యంగా కనిపిస్తున్నది.

ముమైత్‌ను తప్పించడానికి కారణాలు అనేకం

బిగ్‌బాస్ నుంచి ముమైత్‌ను తప్పించడానికి ఆమె అనుసరిస్తున్న తీరు కూడా అందుకు అనుకూలంగా మారింది. ఆమె తెలుగులో మాట్లాడకపోవడం ఆమెకు ప్రతికూలంగా మారే అవకాశం ఉంది. అంతేకాకుండా ఈ షోలో పాల్గొంటున్న వారిలో ఎక్కువ మంది ముమైత్‌కు వ్యతిరేకంగా ఉన్నట్టు కనిపిస్తున్నారు.

తొలి ఎలిమినేటర్ ముమైతే కావొచ్చు..

ఇలాంటి కారణాలను అవకాశంగా చేసుకొని ముమైత్ ఖాన్‌ను బిగ్‌బాస్ నుంచి నిర్వహకులు తప్పించవచ్చు. ఒకవేళ ఇదే నిజమైతే తెలుగు బిగ్‌బాస్ నుంచి ఎలిమినేట్ అయిన తొలి సెలబ్రిటీ ముమైత్ కావడం తథ్యం. బిగ్‌బాస్ నుంచి బయటపడటం వలన నిర్వాహకులకు తలనొప్పి తగ్గుతుంది. అంతేకాకుండా ప్రతిష్ఠాత్మకంగా నిర్వహించే కార్యక్రమంపైన మచ్చ పడకుండా చర్యలు తీసుకోవడానికి అవకాశం ఉంటుంది.

తొలి ఎలిమినేటర్‌పై వారాంతంలో నిర్ణయం

రాష్ట్ర ఎక్సైజ్‌ ఎన్‌ఫోర్స్‌మెంట్‌ శాఖ వెల్లడించిన సమాచారం ప్రకారం ముమైత్ ఈ నెల 21 తేదీన సిట్ ముందు విచారణకు హాజరుకావాల్సి ఉంటుంది. ప్రస్తుతం బిగ్‌బాస్ షోలో పాల్గొంటున్నందున కొన్ని రోజులు వెసలుబాటు ఇవ్వవచ్చు. ఈ షోలో ఎన్టీఆర్ శని, ఆదివారాల్లో మళ్లీ కనిపిస్తారు. ఈ సందర్భంగా తొలి ఎలిమినేటర్‌పై నిర్ణయం తీసుకొనే అవకాశం ఉంది.