పాపం...టీవీ షో కోసం ఆమె అష్టకష్టాలు

By Srikanya

Published: Tuesday, March 12, 2013, 11:09 [IST]

Mumbai girl goes 'Beg Borrow Steal' in Madhya Pradesh

కత్ని : ముంబైకి చెందిన అంగీరాధర్ 'బెగ్ బారో స్టీల్' అనే టీవీ షో కోసం మధ్యప్రదేశ్ కత్ని ప్రాంతంలో శని వారం మధ్యాహ్నం ఎర్రనిఎండలో కూరగాయలు అమ్ముతూ కనిపించింది. బిందాస్ చానల్‌లో ఈ 29 నుంచి బెగ్ బారో స్టీల్ 10వ షో ప్రసారమవుతుంది. ఇందులో పాల్గొనేవాళ్లు కొత్త ప్రాంతాల్లో అతి తక్కువ డబ్బుతో జీవించాలి. అందుకోసం చిరువ్యాపారాలు కూడా చేయకతప్పదు. షోలో విజ యం కోసం అంగీరాకు మొత్తం 13 పనులు అప్పగించారు.

అందులో కూరగాయల వ్యాపారం ఒకటి. 'మూడు వారాలుగా ఈ వ్యాపారం చేస్తున్నా. మధ్యప్రదేశ్ అంతా తిరుగుతున్నాను. చానెల్ సిబ్బంది కూడా నా వెంటే ఉంటారు. ఇంతకుముం దు నిచ్చెనలు ఎక్కడం, బావుల్లోకి దూకడం, లిఫ్ట్ అడిగి ప్రయాణించడం, బట్టలు అమ్మడం వంటి పనులూ చేశాను' అని అంగీరా వివరించిం ది. ఈ పనులన్నీ చేయడం కష్టమే అయినా, ప్రయాణమంటే తనకెంతో ఇష్టమని తెలిపింది. మధ్యప్రదేశ్ ప్రజలు ఎంతో మంచి వారని, ఎక్కడికి వెళ్లినా బాగా చూసుకుంటున్నారని ప్రశంసించింది. అంగీరా టీవీ షోలో పాల్గొనడం మొదటిసారే అయినా ఇది వరకే ఆమె పలు సినిమాలకు సహాయ దర్శకురాలిగా పనిచేసింది.

మరిన్ని టీవీ షోలు, సినిమాల్లో పనిచేయాలని కోరుకుంటున్నట్టు చెప్పింది. బెగ్ బారో స్టీల్ షోకు అతిథేయిగా పనిచేస్తున్న ఆలియాఖాన్ అద్భుతమైన వ్యక్తి అని అంగీరా ప్రశంసించింది. 'ఆమెను ఇప్పటి దాకా కలుసుకోకున్నా షో చూసి ఎన్నో విషయాలు నేర్చుకున్నాను. ఆమెస్థాయిలో కాకపోయినా సాధ్యమైనంత బాగా చేయడానికి ప్రయత్నిస్తాను' అని నమ్మకంగా చెప్పింది. షోలో ఉండడం వల్ల సహనం, ప్రశాంతత అలవాడ్డాయని, ఒకప్పుడు తనకు విపరీతంగా కోపం ఉండేదని అంగీరా వివరించింది.

More from Filmibeat