అనుకున్నాను, సాధించాను.. మెగా బ్రదర్ నాగ బాబు పోస్ట్ వైరల్

యూట్యూబ్ చానెల్‌ ద్వారా..

ఈ మధ్య సోషల్ మీడియాను అందరూ తెలివిగా వాడేసుకుంటున్నారు. ఆ క్రమంలోనే నాగబాబు తన అభిప్రాయాలను యూట్యూబ్‌ ద్వారా పంచుకుంటున్నాడు. నా ఇష్టం అనే పేరిట తన ఆలోచనలను, అభిప్రాయాలను, విమర్శలను చేస్తున్నాడు.

జబర్దస్త్‌పై కామెంట్స్..

నవ్వుల నవాబు నాగబాబు జబర్దస్త్‌ నుంచి వీడిపోవడం, అనంతరం జబర్దస్త్ షోపైనా, మల్లెమాల సంస్థపై, నిర్మాత శ్యామ్ ప్రసాద్ రెడ్డిపై విమర్శలు చేసిన సంగతి తెలిసిందే. ఈ క్రమంలో నాగబాబుపై సోషల్ మీడియాలో విమర్శలు ఎదురయ్యాయి. అయినా అవేవీ పట్టించుకోకుండా.. తన పని తాను చేసుకుంటూ పోతున్నాడు.

హైప్‌లేని కొత్త షోలు..

జబర్దస్త్‌ను వీడి అదిరింది, లోకల్ గ్యాంగ్ అంటూ కొత్త షోలు ప్రారంభించారు. అయితే అవేవీ జబర్దస్త్‌ను ఢీ కొట్టలేకపోతున్నాయి. వేణు వండర్స్, ధన్‌రాజ్, శేఖర్ మాస్టర్, అనసూయ, ప్రదీప్ వంటి వారు ఎంత ప్రయత్నించినా వర్కౌట్ కావడం లేదు. కొత్త కుంపటి పెట్టి విజయం సాధిద్దామనుకున్న నాగబాబుకు చుక్కెదురైందనే కామెంట్స్ వినిపిస్తున్నాయి.

మరోసారి వార్తల్లోకి..

తాజాగా నాగబాబు మళ్లీ వార్తల్లోకి ఎక్కాడు. అయితే ఈసారి ఎవరిపైనా విమర్శానాస్త్రాలు వేసి కాదు. నాగబాబుది భారీ కాయమని అందరికీ తెలిసిందే. అయితే ఓ ఆరు నెలలు చాలా కష్టపడ్డానని,రోజుకు ఒక పూట మాత్రమే తింటూ ఉదయం, సాయంత్రం రెండు గంటల పాటు వ్యాయామం చేశానని నాగబాబు తెలిపాడు. నాగబాబులోని మార్పులను చూసి నెటిజన్లు షాక్ అవుతున్నారు.